-Մեր աշխատակիցը պետք է ունենա հետաքրքիր հոբբիներ ու տարօրինակ  նախասիրություններ,-նշում է Գլոբբինգ  ընկերության HR մասնագետ Տաթևիկ Աղաբեկյանը:

 Գլոբբինգը միջազգային գնումների հարթակ է, որը իր մի շարք ծառայությունների ու գործիքների շնորհիվ հնարավոր է դարձնում գնումներ կատարել արտասահմանյան խանութներում և ստանալ գնումները Հայաստանում:

 -Գլոբբինգի  աշխատակիցը ունի հետաքրքիր առանձնահատկություններ և չի վախենում նոր բաներ փորձելուց,-առանձնացնում է Տաթևիկը:

  Աշխարհում այս երիտասարդ ոլորտի հիմնական գրավականը երիտասարդ մասնագետներ ունենալն է: Ընտրելով լավ կադրեր՝ կազմակերպությունը չի կարևորում աշխատանքային փորձը, այլ փորձում է վերապատրաստել իր ապագա աշխատակիցներին ինքնուրույն: Ունենալով զարգացման տենդենց՝ կազմակերպությունը կարևորում է ավտոմատացումը, որպեսզի աշխատակիցները զերծ մնան մեխանիկական աշխատանք կատարելուց: Միայն դրանից հետո են ընտվրում մասնագետներ՝ ըստ թվաքանակի անհրաժեշտության: Վերջին 4 ամսվա տվյալներով՝ Գլոբբինգի աշխատակազմն ավելացել է առնվազն 20 հոգով: Այժմ աշխատողների թիվը 75-ն է և կազմակերպության աշխատանքի պահանջարկի հետ այն նույնպես ունի աճի միտում: