Damaris: #insiderlook
Դամարիս ընկերությունը ՏՏ ոլորտի կազմակերպություն է: Հիմնադրվել է 1989թ.-ին Ֆրանսիայում: Մայր գրասենյակը գտնվում է Լիոն քաղաքում: Հայաստանյան մասնաճյուղը գործում է 2005թ.-ից: Կազմակերպության հիմնական գործառույթը փաստաթղթերի արխիվացումն է՝ ֆիզիկական կամ էլեկտրոնային տարբերակներով:
Կազմակերպության HR մենեջեր Սիրանույշ Երիցյանն աշխատակցին ընտրելու հարցում կարևորում է վերջինիս սովորելու հանդեպ սերն ու ինքն իր վրա աշխատելու ցանկությունը: Կախված հաստիքից՝ կազմակերպությունը կարևորում է նաև գիտելիքները,սակայն առանձնացնում է մարդկային արժեքների առկայությունը:
Հայաստանյան մասնաճյուղն ունի 20 հիմնական աշխատակից և 40 հեռահար: Վերջինս շատ լավ հնարավորություն է երկրորդ աշխատանք փնտրողների կամ փոքր երեխա ունեցող մայրերի համար, քանզի աշխատանքը կատարվում է տանից:
Դամարիս ընկերությունում կան առանձին հաստիքներ, որտեղ կարևորվում են մասնագիտական գիտելիքները, սակայն կան նաև այնպիսինները, որոնց կրթությամբ և վերապատրաստմամբ զբաղվում է կազմակերպությունը. այսինքն, մասնագիտական գիտելիքները այնքան էլ պարտադիր չեն:
Կազմակերպության աշխատակազմն առանձնանում է իր ընկերասիրությամբ և փորձ փոխանակելու հմտությամբ: Օրինակ բոլոր այն աշխատակիցները, որոնք տիրապետում են ֆրանսերեն լեզվին, անցկացնում են դասընթացներ աշխատակազմի շրջանակներում:
- 27.04.2018
- 1857 դիտում
