Աշխատավայրում արդյունավետության չափանիշը միայն աշխատած ժամերի քանակը չէ։ Շատ հաճախ մենք զբաղված ենք թվում, բայց օրվա վերջում հասկանում ենք, որ իրականում քիչ բան ենք հասցրել։ Պատճառը հաճախ ոչ թե ծանրաբեռնվածությունն է, այլ որոշ սխալներ, որոնք աննկատ խլում են մեր ժամանակը, էներգիան և մոտիվացիան։ Այսօրվա մեր բլոգում կանդրադառնանք այդ սխալներին։

Օրվա հստակ պլանի բացակայություն

Առանց հստակ պլանի աշխատանքային օրը սկսվում է քաոսով։ Երբ չգիտեք, թե ինչից սկսել, հեշտ է տարվել երկրորդական գործերով և հետաձգել կարևորները։ Պարզ օրակարգը կամ անելիքների ցանկը (to do list) օգնում է կենտրոնանալ առաջնահերթությունների վրա և խուսափել ժամանակի կորստից։

Միաժամանակ մի քանի առաջադրանքների վրա աշխատելը

Շատերը կարծում են, որ միաժամանակ մի քանի գործ անելը արդյունավետության նշան է։ Իրականում դա նվազեցնում է ուշադրությունը և մեծացնում սխալներ թույլ տալու հավանականությունը։ Ավելի արդյունավետ է կենտրոնանալ մեկ խնդրի վրա և ավարտել այն, հետո անցնել հաջորդին։

Առաջադրանքների մշտական հետաձգում

Պրոկրաստինացիան արդյունավետության ամենամեծ թշնամիներից է։ Այն հաճախ հանգեցնում է սթրեսի և սեղմ ժամկետների։ Փոքր քայլերով սկսելը հաճախ ավելի արդյունավետ է, քան կատարյալ պահի սպասելը։

Հանգստի անտեսումը

Արդյունավետությունը չի նշանակում անդադար աշխատել։ Առանց ընդմիջումների և բավարար հանգստի նվազում է ուշադրությունը, ստեղծագործականությունը և աշխատելու ցանկությունը։ Կարճ դադարները և աշխատանքից դուրս կյանքը ներդրում են ձեր արդյունավետության մեջ։

«Ոչ» չասել 

Երբ ամեն խնդրանք ընդունում եք առանց հաշվի առնելու ձեր հնարավորությունները, ծանրաբեռնվածությունն անխուսափելի է դառնում։ «Ոչ»-ը երբեմն ոչ թե մերժում է, այլ առողջ սահմանների պահպանում։ Սա օգնում է կենտրոնանալ իրականում կարևոր գործերի վրա։

Կատարելության մոլուցքը

Կատարյալ արդյունքի ձգտելը երբեմն կանգնեցնում է առաջընթացը։ Երբ շատ երկար եք «հղկում» մանրուքները, կորցնում եք զգալի ժամանակ, որը կարող էիք օգտագործել ավելի կարևոր խնդիրների վրա աշխատելիս։ 

Այսպիսով, արդյունավետ լինելը սովորություն է, որը ձևավորվում է փոքր, բայց գիտակցված փոփոխությունների միջոցով։ Երբ նկատում և վերացնում եք այս սխալները, աշխատանքային օրը դառնում է ավելի կառուցված, պակաս սթրեսային և շատ ավելի արդյունավետ։