Միշտ չէ, որ աշխատանքը մեզ զարգացնում է, հաճախ այն պարզապես ենթադրում է առօրյա միևնույն առաջադրանքների կատարում։ Ինչպե՞ս հասկանալ՝ ձեր ներկայիս աշխատանքում զարգանո՞ւմ եք մասնագիտորեն, թե՞ լճացած վիճակում եք գտնվում։ Այս մասին է մեր այսօրվա բլոգը։

Մտովի վերադարձեք մեկ տարի ետ և համեմատեք

Ի՞նչ նոր գիտելիքներ, հմտություններ կամ պարտականություններ ունեք այսօր՝ նախորդ տարվա հետ համեմատած։ Եթե տեսնում եք առնվազն մի քանի նշանակալի փոփոխություն, դա նշան է, որ բավարար առաջընթաց է եղել։

Մտածեք ձեր աշխատանքի ծավալի և պատասխանատվությունների շրջանակների մասին

Ինչ նոր խնդիրներ եք լուծել ձեր աշխատանքի ընթացքում, ինչպիսի՞ նոր գործիքներ եք սկսել կիրառել։ Եթե թվարկում եք մի քանիսը, ապա դա վկայում է աշխատանքի շրջանակի ընդլայնման մասին։

Մասնակցե՞լ եք դասընթացների

Խոսքը միայն ֆորմալ սերտիֆիկացիայի մասին չէ։ Եթե աշխատանքի ընթացքում և միջոցով նոր հմտություններ եք ձեռք բերել, ապա դա ևս կարևոր ցուցիչ է։
 

Նշաններ, որ ձեր աշխատանքը իսկապես օգնում է զարգանալ

Անդրադառնանք մի քանի գործոնների, որոնց առկայությունը կարող է վկայել մասնագիտական աճի մասին։

• Ձեզ վստահում են նոր պարտականություններ և գործառույթներ։ Սա վկայում է այն մասին, որ ստանում եք հնարավորություն աճի համար
• Ձեզ առաջարկվում են ուսուցման, վերապատրաստման հնարավորություններ կամ խրախուսվում է ինքնակրթությունը
• Դուք ինքնուրույն մասնագիտական աճ եք նկատում՝ թեկուզ դանդաղ
• Ուրիշ գործընկերների համեմատ զգում եք, որ ունեք հավելյալ արժեք
• Դուք դարձել եք ավելի մոտիվացված