Գանձապահ / խորհրդատու-վաճառող (ուհի)

SALI ընկերությունը հիմնադրվել է 1991 թ. օգոստոսին: SALI-ն Հայաստանի Հանրապետությունում լինելով տեղական արտադրող` իր խանութ-ցանցում ներկայացնում է միայն բնական կաշվից բարձրորակ տեսականի: Հայաստանի Հանրապետությունում, ինչպես նաև Ռուսաստանի Դաշնությունում ներկայանում է սեփական արտադրությամբ, որն իր մեջ ներառում է բացառապես բնական կաշվից ձեռագործ տեսականի, ինչպես կոշիկների , այնպես էլ աքսեսուարների: Հատկանշական է այն փաստը, որ ընկերությունը պահպանելով կոշկագործության յուրահատկությունները 1991թ մինչ օրս զարգանում է և իր արժանի տեղն է զբաղեցնում միջազգային շուկայում, մասնակցելով բազմաթիվ ցուցադրությունների: SALI կոշիկի խանութ-սրահներն առաջարկում են տեղական և արտասահմանյան արտադրության որակյալ կոշիկներ և աքսեսուարներ, որոնք մշտապես համալրվում են նոր տեսականիով, պատրաստված են բնական կաշվից, ձեռքի աշխատանք են, իսկ գնված կոշիկները երաշխիքի մեջ են 120 օր: Ընդունվում են նաև անհատական պատվերներ: Այժմ SALI-ն Երևանում ներկայանում է բրենդային մեծ և հարմարավետ 6 խանութ-սրահներով, որտեղ հաճելի երաժշտության և բարեհամբույր սպասարկման ուղեկցությամբ յուրաքանչյուրը կարող է ընտրություն կատարել լայն տեսականուց՝ իր ոճին և ոտքին համապատասխան: Բացի հարմարավետ 5 խանութ-սրահներից SALI-ն հանրությանն է ներկայանում www.SALI.am օնլայն խանութով, որտեղից, առանց խանութ-սրահ այցելելու, ավելի քան 1500 նորաձև մոդելներից յուրաքանչյուրը կարող է ընտրել իրեն հետաքրքրող կոշիկները և աքսեսուարները, որոնք կառաքվեն անվճար Երևան քաղաքում: SALI-ն իր երկարամյա գործունեության ընթացքում ձեռք է բերել հավատարիմ հաճախորդների հզոր բանակ, դա է վկայում FACEBOOK սոցիալական ցանցում ավելի քան 170000 օգտատերերի առկայությունը: 2012 թ.«Տարվա լավագույն կոշիկի խանութների ցանց» անվանակարգում SALI-ն արժանացել է «Համազգային վստահություն» մրցանակին: 2013 թ.-ին SALI-ն համաժողովրդական քվեարկության և փորձագիտական եզրակացության արդյունքում արժանացել է «Կոշիկի ոլորտում շուկայի առաջատար» անվանակարգին: 2014 թ.-ին SALI կոշիկի խանութ-սրահների ցանցը, մասնակցելով «Երկրները մեկ հարկի տակ» ցուցահանդես-փառատոնին, արժանացել է «Լավագույն արտադրող ընկերություն» անվանակարգին: 2014 թ.-ին փորձագիտական գնահատման արդյունքում SALI կոշիկի խանութ-սրահների ցանցը ճանաչվել է <<Տեղական կոշիկի տարվա լավագույն արտադրող>> ընկերություն: 2014 թ-ին SALI կոշիկի խանութ-սրահների ցանցը փորձագիտական գնահատման արդյունքում արժանացել է «Կոշիկի վաճառքի շուկայում նորարարական մոտեցման համար» անվանակոչմանը: 2016թ-ին SALI կոշիկի խանութ-սրահների ցանցը փորձագիտական գնահատման արդյունքում արժանացել է` Ժողովրդական ապրանքանիշ #1 «Կոշիկ» անվանակարգում: SALI-ն մշտապես ձգտում է կատարելության՝ միաժամանակ շարունակելով հայկական կոշկագործության հարուստ ավանդույթները՝ կոշիկի ստեղծման հիմքում դնելով հմուտ վարպետների ձեռքի աշխատանքը: SALI – արդեն փորձված որակ