Վարորդ-առաքիչ
Ալֆա Ֆուդ Սերվիս ՓԲԸ
Վերջնաժամկետ`
Նկարագրություն
«Ալֆա Ֆուդ Սերվիս» ընկերությունն աշխատանքի է հրավիրում վարորդ-առաքիչների հաճախորդներին ապրանքների պատշաճ մատակարարումն ապահովելու նպատակով։
Պարտականություններ
- Սահմանված երթուղիների համաձայն՝ իրականացնել ապրանքների ժամանակին և ճշգրիտ առաքումը,
- Կազմակերպել մեքենայում ապրանքների պատշաճ դասավորվածությունը, իրականացնել բեռնաթափումը և ապրանքների փոխանցումը հաճախորդներին,
- Նախքան առաքումը ստուգել ապրանքների ամբողջականությունը, քանակի ճշգրտությունը և որակական չափանիշներին համապատասխանությունը,
- Հաճախորդների հետ պահպանել բարեկիրթ և պրոֆեսիոնալ հաղորդակցություն։
Պահանջներ
- Առնվազն միջին մասնագիտական կամ թերի բարձրագույն կրթություն,
- B, C կատեգորիայի վարորդական իրավունքի առկայություն,
- 2+ տարվա վարորդական փորձի առկայություն,
- Հայերեն լեզվի սահուն տիրապետում,
- Ֆիզիկական պատրաստվածություն,
- Արագ կողմնորոշվելու ունակություն,
- Ճշտապահության և պատասխանատվության զգացում,
- Թիմում աշխատելու ունակություն:
Հավելյալ նշումներ
Աշխատանքային օրեր և ժամեր՝ 6-օրյա գրաֆիկ, 9։00-18։00։
Աշխատանքի վայրը՝ Արա Սարգսյան 4 (Աջափնյակ շրջան)։
Բոլոր հետաքրքրված անձինք կարող են ուղարկել ինքնակենսագրականները կամ զանգահարել 091727740 հեռախոսահամարով։
Ալֆա Ֆուդ Սերվիս ընկերությունը արդեն ավելի քան երկու տասնամյակ է, ինչ Հայաստանում ձևավորում է համի նոր մշակույթ՝ ներմուծելով աշխարհի առաջատար բրենդերի կողմից արտադրված բարձրորակ հացաբուլկեղենի և հրուշակեղենի բաղադրիչներ, պրեմիում դասի սննդամթերք, ալկոհոլային ու ոչ ալկոհոլային խմիչքներ։
Ներկայումս ընկերությունը Հայաստանում համագործակցում է շուրջ 3000 հյուրանոցների, ռեստորանների, սրճարանների (HoReCa), մանրածախ ցանցերի և խանութների, ինչպես նաև հացաբուլկեղենի և հրուշակեղենի արտադրողների հետ՝ մատակարարելով նրանց համաշխարհային առաջատար արտադրողներից միջազգային ամենաբարձր ստանդարտներին համապտասխան որակյալ ապրանքների լայն և շարունակաբար ընդլայնվող տեսականի։
Իր գործունեության ընթացքում Ալֆա Ֆուդ Սերվիսը հաջողել է ձևավորել ոչ միայն մատակարարման կայուն և բարձրորակ համակարգ, այլ նաև դարձել է մասնագիտական ստանդարտների և ոլորտային զարգացման շարժիչ ուժ։ Այս շրջանակում մենք հյուրընկալության և հանրային սննդի ոլորտի հայաստանյան գործընկերին տրամադրում ենք համալիր աջակցություն՝ ներառյալ տեխնոլոգիական խորհրդատվություն, օպտիմալացման լուծումներ և մարքեթինգային ուղեկցություն։
Ընկերությունը կարևոր դեր ունի նաև մասնագիտական համայնքների զարգացման գործում, քանզի պարբերաբար կազմակերպում է կրթական ծրագրեր, վարպետության դասեր, դեգուստացիաներ և մասնագիտական վերապատրաստումներ սեփական ուսումնական հարթակներում և արտասահմանում։
2020 թվականից սկսած Ալֆա Ֆուդ Սերվիսը զարգացնում է նաև սեփական մանրածախ բրենդների՝ «The House» պրեմիում ալկոհոլային խմիչքների ու դելիկատեսների և «The Bake House» հացաբուլկեղենի ու հրուշակեղենի արտադրության համար նախատեսված բաղադրիչների և մասնագիտական սարքավորումների խանութների ցանցը։
Տարածեք հայտարարությունը սոցիալական ցանցերում
