Վաճառքի մասնագետ

Ֆաստ Լինկ Լոգիստիկս ընկերությունն ընդլայնում է իր թիմը և փնտրում նպատակասլաց, նախաձեռնող ու արդյունքներին միտված Վաճառքի մասնագետի։

Մենք տրամադրում ենք բեռնափոխադրման և լոգիստիկ լուծումների լայն շրջանակ՝ տեղական և միջազգային գործընկերների համար, և փնտրում ենք մասնագետի, ով կօգնի մեզ բացահայտել նոր բիզնես հնարավորություններ, կառուցել երկարաժամկետ գործընկերային հարաբերություններ, ընդլայնել ընկերության հաճախորդների բազան և նպաստել ընկերության շարունակական աճին։

Աշխատանքային պարտականություններ՝

• Նոր կորպորատիվ (B2B) հաճախորդների ակտիվ որոնում (Lead Generation), ներգրավում և երկարաժամկետ գործընկերային հարաբերությունների ձևավորում,
• Վաճառքի ամբողջական ցիկլի կառավարում՝ սառը կոնտակտների հաստատումից մինչև պայմանագրի կնքում և գործարքի փակում,
• Գործնական հանդիպումների (առցանց և առդեմ) կազմակերպում, ընկերության ծառայությունների պրոֆեսիոնալ ներկայացում և բանակցությունների վարում,
• Հաճախորդների լոգիստիկ կարիքների խորքային ուսումնասիրություն և օպտիմալ լուծումների առաջարկում,
• Գործարքների ամբողջական ուղեկցում և հաճախորդների աջակցում պատվերի իրականացման սկզբնական փուլերում,
• Աշխատանք CRM համակարգով՝ տվյալների ճշգրիտ մուտքագրում, վաճառքի ձագարի (sales funnel) վերլուծություն,
• Սերտ համագործակցություն մարքեթինգի և օպերացիոն (լոգիստիկ) թիմերի հետ՝ վաճառքի ծավալների շարունակական աճն ապահովելու համար։

Անհրաժեշտ որակավորումներ և հմտություններ՝

• Առնվազն 1 տարվա աշխատանքային փորձ լոգիստիկայի/ բեռնափոխադրումների ոլորտում ԿԱՄ 2 տարվա հաջողված փորձ B2B վաճառքի այլ ուղղություններում,
• Գերազանց հաղորդակցման, ներկայացման (presentation) և բանակցային հմտություններ, առարկությունների հետ աշխատելու կարողություն,
• Հայերենի և անգլերենի գերազանց տիրապետում (ռուսերենի իմացությունը կդիտվի որպես մեծ առավելություն),
• Google Drive-ի և CRM համակարգերի հետ աշխատանքային փորձ (Apollo.io կամ նմանատիպ B2B lead generation գործիքների տիրապետումը կդիտվի որպես առավելություն),
• Արդյունքին միտված մտածելակերպ, ինքնուրույն որոշումներ կայացնելու ունակություն և սթրեսակայունություն դինամիկ միջավայրում։

Մենք առաջարկում ենք՝

• Մրցունակ ֆիքսված աշխատավարձ + բարձր տոկոսներ/բոնուսներ յուրաքանչյուր գործարքից (եկամտի առավելագույն չափը սահմանափակված չէ),
• Մասնագիտական ներկայացուցչական ուսուցում (լոգիստիկայի և վաճառքի նրբություններ),
• Կարիերայի և մասնագիտական աճի իրական հնարավորություններ զարգացող ընկերությունում,
• Ժամանակակից, հարմարավետ աշխատանքային միջավայր, երիտասարդ և պրոֆեսիոնալ թիմ

Եթե ունեք հաղորդակցման և բանակցային գերազանց հմտություններ, կարողանում եք բացահայտել հաճախորդների կարիքները, առաջարկել արդյունավետ լուծումներ և ձգտում եք մասնագիտական զարգացման, ապա սպասում ենք Ձեր դիմումին։

Ընկերության մասին

Հեռ.

+374 94 788087

Լոգիստիկա բեռնափոխադրում

Տեսնել ավելին

Առավելություններ

Աշխատավարձի տարեկան վերանայում

Անվճար սուրճ, թեյ, հյուրասիրություն

Բոնուսային համակարգ