ՍՊԱ բաժնի ղեկավար (SPA Manager)
Բելվիկ ՍՊԸ
Նկարագրություն
«Բելվիկ» բարձրակարգ հյուրանոցային համալիրը փնտրում է ՍՊԱ բաժնի ղեկավարի (SPA Manager), ով կղեկավարի բաժնի աշխատանքները, կապահովի սպասարկման բարձր չափանիշների պահպանումը և կնպաստի հյուրերի համար որակյալ ու հաճելի փորձառության ձևավորմանը։
Պարտականություններ
- Կազմակերպել և վերահսկել ՍՊԱ կենտրոնի ամենօրյա գործունեությունը՝ ապահովելով ծառայությունների արդյունավետ մատուցումը։
- Ղեկավարել աշխատակիցների աշխատանքը, կազմել աշխատանքային գրաֆիկներ և վերահսկել պարտականությունների կատարումը։
- Կազմակերպել ծառայությունների ամրագրումները և վերահսկել հաճախորդների սպասարկման ամբողջ գործընթացը։
- Հետևել սանիտարահիգիենիկ նորմերի, անվտանգության պահանջների և սարքավորումների շահագործման կանոնների պահպանմանը։
- Վերահսկել բաժնի ծախսերը, պատրաստել հաշվետվություններ և առաջարկներ՝ ծառայությունների արդյունավետությունը բարձրացնելու նպատակով։
Պահանջներ
- Աշխատանքային փորձ ՍՊԱ կամ հյուրանոցային ոլորտում, ցանկալի է՝ ղեկավար պաշտոնում։
- Թիմի աշխատանքը կազմակերպելու և վերահսկելու կարողություն։
- Հյուրերի սպասարկման բարձր չափանիշների և հիգիենայի կանոնների իմացություն։
- Կազմակերպչական և հաղորդակցման զարգացած հմտություններ, խնդիրների լուծման կարողություն։
- Հայերենի իմացություն, ռուսերենի և անգլերենի իմացությունը կդիտարկվի որպես առավելություն։
Հավելյալ նշումներ
- Կայուն աշխատանք հեղինակավոր հյուրանոցում
- Մասնագիտական աճի և զարգացման հնարավորություն
- Մրցունակ աշխատավարձ
- Դինամիկ և պրոֆեսիոնալ աշխատանքային միջավայր
Belvik Dilijan Resort & Spa Hotel-ը գտնվում է Դիլիջան քաղաքում՝ Հայաստանի ամենագեղատեսիլ և զբոսաշրջային կենտրոններից մեկում, որը հաճախ անվանում են «Հայկական Շվեյցարիա»։ Հյուրանոցը շրջապատված է բնության բացառիկ գեղեցկությամբ՝ անտառներով, լեռներով և խաղաղ միջավայրով։
Մենք առաջարկում ենք բարձրակարգ հյուրանոցային ծառայություններ՝ համադրելով հարմարավետությունը, որակը և ժամանակակից մոտեցումները։ Հյուրանոցն ունի էլեգանտ համարներ, սպա կենտրոն, ռեստորան և հանգստի ու աշխատանքի համար նախատեսված բոլոր անհրաժեշտ պայմանները։
Belvik Dilijan Resort & Spa Hotel is located in the town of Dilijan, one of Armenia’s most scenic and popular tourist destinations, often referred to as the “Armenian Switzerland.” The hotel is surrounded by stunning natural landscapes, forests, and a peaceful mountain environment.
We offer high-quality hospitality services, combining comfort, excellence, and a modern approach to guest experience. The hotel features elegant accommodations, a spa center, a restaurant, and all the necessary facilities for both leisure and business stays.