Սննդի տեխնոլոգ

Նկարագրություն

Աթենք ընկերությունը փնտրում է սննդի տեխնոլոգ` մսամթերքի արտադրությունում արտադրական գործընթացներին հետևելու համար։

Պարտականություններ

• Արտադրական գործընթացին անմիջական մասնակցություն՝ փորձարկելով և ստեղծելով անհրաժեշտ նյութերն ու բաղադրիչները պատրաստի արտադրանք ստանալու համար,
• Արտադրատեսակների համար գոյություն ունեցող տեխնոլոգիական գործընթացների շղթայի պարբերաբար ստուգում,
• Մսային հումքերի, համեմունքների և հավելումների միջազգային փորձի ուսումնասիրություն, ներդրում,
• Տեխնոլոգիական գործընթացների շեղումների դեպքում լուծումների առաջարկում,
• Պատրաստի արտադրանքի որակական չափանիշների գնահատում,
• Մսահումքի տեսակային համապատասխանության ստուգում,
• Պատրաստի արտադրանքի ելքի և խոտանների վերլուծություն, խնդիրների քննարկում տեղամասի պատասխանատուների հետ,
• Անհրաժեշտության դեպքում հաշվետվությունների ներկայացում տնօրինությանը:

Պահանջներ

• Բարձրագույն կրթություն բնագիտական ուղղվածությամբ,
• Տեխնոլոգիական գործընթացների իմացությունը ցանկալի է,
• Վերլուծական միտք, հաշվարկների ունակություն, տրամաբանություն,
• Կառավարչական ունակություններ,
• Սովորելու մեծ ցանկություն,
• Քիմիայի իմացություն,
• Մաթեմատիկական գիտելիքներ:

Հավելյալ նշումներ

Ընկերությունը մշակել է մսամթերքի տեխնոլոգի չորսամսյա կրթական ծրագիր, որի ընթացքում թեկնածուներին տրվելու են տեսական և գործնական գիտելիքներ մսամթերքի արտադրության վերաբերյալ: Կրթական փուլը վարձատրվում է մեկնարկային աշխատավարձով, այնուհետև հաստիքային հիմնական աշխատավարձով:

Ընկերության մասին

Հասցե

Ավան, Մարշալ Բաբաջանյան 21/5

Աշխատակիցների քանակ

1001+

Կայք

http://www.atenk.am/

Հեռ.

060434303

• Հիմադրում: «Աթենք» ընկերությունը հիմնադրվել է 1993 թ.-ին։
• Նոր սեփականատերեր և խոշոր ներդրումներ: 2009 թ.-ին ընկերությունը ձեռք են բերում Ադամյան եղբայրները: Շնորհիվ խոշոր ներդրումների իրականացվում է գործարանի ամբողջական տեխնիկական վերազինում եվրոպական արտադրության ժամանակակից սարքավորումներով, ինչը զգալիորեն ավելացնում է արտադրական հզորությունները:
• Կիսապատրաստվածքի գործարանի առանձնացում: 2015 թ.-ից «Աթենք» ընկերությունն ընդլայնում է կիսապատրաստվածքի արտադրության ծավալները՝ սպառողին առաջարկելով լայն և բազմազան տեսականի:
• Որակ և անվտանգություն: «Աթենքը» համագործակցում է հայաստանյան և արտասահմանյան խոշոր մատակարարների հետ` արտադրության մեջ կիրառելով բարձրորակ հումք: Ընկերությունը կառավարում է հումքի մատակարարումից մինչև պատրաստի արտադրանքը վաճառքի կետ հասցնելու ամբողջ գործընթացը: Գործարանն ունի սեփական լաբորատորիա, ինչը թույլ է տալիս վերահսկել ապրանքի որակն արտադրության բոլոր փուլերում:
• Շուկայի առաջատար Ընկերություն: Շնորհիվ բարձրորակ արտադրանքի բազմազանության և հաճախորդամետ քաղաքականության «Աթենք»-ը շուկայի բացարձակ առաջատարն է:
  Արդեն երկար տարիներ «Աթենք» ընկերությունը ՀՀ 100 խոշոր հարկատուների ցանկում է:
• Խոշոր արտադրական համալիրի կառուցում և զարգացման նոր հայեցակարգեր: 2025 թ․֊ին Ընկերությունը գործարկում է օրական շուրջ 120 տոննա արտադրողականությամբ, ISO ստանդարտներին համապատասխանող նոր արտադրական համալիր, որը ներառում է միջազգային նորմերով կառուցված մսամթերքի գործարան, սառնարանային տնտեսություն, վարչական, տնտեսական և ինժեներական մասնաշենքեր, ինչպես նաև հարակից տարածքներում լինելու են կանաչապատ գոտիներ: Համալիրը ոչ միայն մեր Ընկերությանը, այլև մեր երկրի և ողջ տարածաշրջանի մսամթերքի շուկային նոր շունչ է հաղորդելու։
• ՀՀ֊ում մսամթերքի մասնագիտացված ֆիրմային խանութների ամենամեծ ցանց: Աթենք» ընկերությունն ունի 33 ֆիրմային խանութ Երևանում և Հայաստանի տարբեր մարզերում:
• Մարդկային կապիտալ: «Աթենք» ընկերության կայուն զարգացման ուղու և կերտվող պատմության կարևորագույն գործոնը պրոֆեսիոնալ և գործին նվիրված թիմն է, հմուտ ու փորձառու մասնագետները, բանիմաց աշխատակիցները: Այսօր ընկերությունն ունի շուրջ 1500 աշխատակից, և այս թիվն աճում է ամեն ամիս:

Տեսնել ավելին

Առավելություններ

Կորպորատիվ միջոցառումներ

Անվճար սնունդ

Բոնուսային համակարգ

Թրեյնինգներ