SMM մասնագետ
«ԿԵՆՏՐՈՆ» անշարժ գույքի գործակալություն
Վերջնաժամկետ`
Նկարագրություն
Կենտրոն անշարժ գույքի ընկերությունը փնտրում է ստեղծագործ, նախաձեռնող և պատասխանատու SMM մասնագետի, ով կզարգացնի ընկերության ներկայությունը սոցիալական ցանցերում, կստեղծի արդյունավետ բովանդակություն և կմասնակցի մարքեթինգային արշավների իրականացմանը։
Պարտականություններ
- Մշակել և իրականացնել սոցիալական ցանցերի բովանդակության ռազմավարություն։
- Կազմել ամսական կոնտենտ պլան և ապահովել դրա իրականացումը։
- Ստեղծել հրապարակումների, Reels-ների, Stories-ների և այլ թվային բովանդակության գաղափարներ։
- Գրել գրագետ և գրավիչ տեքստեր։
- Վարել և զարգացնել Instagram, Facebook և Pinterest հարթակները։
- Հետևել սոցիալական ցանցերի թրենդներին և կիրառել դրանք ընկերության բովանդակության մեջ։
- Վերլուծել էջերի վիճակագրությունը և ներկայացնել արդյունավետության հաշվետվություններ։
- Համագործակցել մարքեթինգի, դիզայնի և վաճառքի թիմերի հետ։
- Առաջարկել նոր գաղափարներ՝ բրենդի ճանաչելիության և ներգրավվածության բարձրացման համար։
- Ստեղծել, գործարկել, կառավարել և օպտիմալացնել Meta (Facebook/Instagram) գովազդային արշավները։
- Սահմանել և թեստավորել թիրախային լսարանները, վերահսկել գովազդային բյուջեն և ապահովել դրա արդյունավետ օգտագործումը։
- Վերլուծել գովազդային արշավների արդյունքները և կատարել շարունակական օպտիմալացումներ։
Պահանջներ
- Բարձրագույն կրթություն (մարքեթինգի, հաղորդակցության կամ հարակից ոլորտներում)։
- Առնվազն 1 տարվա աշխատանքային փորձ SMM ոլորտում։
- Հայերենի գերազանց գրավոր և բանավոր իմացություն, ռուսերենի և անգլերենի իմացությունը կդիտվի որպես առավելություն։
- Meta Business Suite, Canva և AI գործիքների հետ աշխատելու հմտություններ։
- Կրեատիվ մտածողություն և բովանդակություն ստեղծելու կարողություն։
- Պատասխանատվության բարձր զգացում և ժամանակի արդյունավետ կառավարում։
- Թիմում աշխատելու և միաժամանակ մի քանի նախագծեր համակարգելու կարողություն։
- Վերլուծական մտածողություն և արդյունքներին միտված աշխատանքային մոտեցում։
Հավելյալ նշումներ
- Աշխատանքային օրերը՝ 5 օր աշխատանքային, 2 հանգստյան օր,
- Աշխատանքային ժամերը` 10.00-19.00,13.00-14.00 ընդմիջում:
Ընկերության մասին
Kentron Real Estate-ը ժամանակակից և արագ զարգացող անշարժ գույքի գործակալություն է, որի պատմությունը սկսվեց 2005 թվականին։ Թիմի անշեղ նվիրումով, պրոֆեսիոնալիզմով և ոլորտի խորքային փորձով ստեղծեցինք մի կարևոր արժեք՝ վստահությունը, որը դարձավ «Կենտրոն» անշարժ գույքի գործակալության հիմքը։
Այսօր մենք հպարտությամբ կանգնած ենք որպես Հայաստանի առաջատար անշարժ գույքի գործակալություններից մեկը՝ առաջնորդվելով մեր նշանաբանով․
«Վստահությունն ամենամեծ կապիտալն է»
Ընկերությունը գործում է Երևանի կենտրոնում և մասնագիտացած է բնակարանների, առևտրային տարածքների և ներդրումային անշարժ գույքի վաճառքի և վարձակալության ոլորտում։
Kentron անշարժ գույքի գործակալությունում յուրաքանչյուր աշխատակից մասնակցում է վստահելի և արդյունքակենտրոն թիմի կառուցմանը, որտեղ անհատական աճն ու թիմային հաջողությունը ձեռքը ձեռքի տված են գնում։
Մենք կառուցում ենք երկարաժամկետ հարաբերություններ թե՛ հաճախորդների, թե՛ մեր թիմի անդամների հետ՝ հիմնվելով վստահության, պրոֆեսիոնալիզմի և արդյունքի վրա։
Մենք առաջարկում ենք՝
- Անշարժ գույքի շուկայի խորքային վերլուծություն
Վերլուծում ենք շուկան, գնահատում գույքի իրական արժեքը և առաջարկում ռազմավարական մոտեցում՝ առավել շահավետ գործարքի համար։ - Անվճար մասնագիտական խորհրդատվություն
Տրամադրում ենք մասնագիտական խորհրդատվություն պատասխանելով բոլոր հարցերին և առաջարկելով լավագույն լուծումները։ - Համապարփակ իրավաբանական աջակցություն
Ապահովում ենք գործարքների իրավական ճշգրտություն և անվտանգություն՝ փաստաթղթային ամբողջական վերահսկողությամբ։ - Պրոֆեսիոնալ լուսանկարահանում և վիդեո նկարահանում
Գույքը ներկայացնում ենք բարձրորակ վիզուալներով՝ ապահովելով առավելագույն ուշադրություն և արագ վաճառք։ - Թիրախավորված գովազդ սոցիալական մեդիա հարթակներում
Օգտագործում ենք ժամանակակից մարքեթինգային գործիքներ՝ գույքը ճիշտ լսարանին հասցնելու համար։ - Շինարարական և վերանորոգման ծառայություններ
Առաջարկում ենք նաև վերանորոգման և բարելավման լուծումներ՝ գույքի արժեքն ու գրավչությունը բարձրացնելու նպատակով։
Ինչու աշխատել մեզ մոտ
✔ Մասնագիտական զարգացում
✔ Կարիերայի արագ աճ
✔ Մրցունակ աշխատավարձ
✔ Պրոֆեսիոնալ վերապատրաստում
✔ Արդյունքակենտրոն մշակույթ
✔ Աջակցող թիմային միջավայր
Տարածեք հայտարարությունը սոցիալական ցանցերում
