Շինհրապարակի ղեկավար

Նկարագրություն

Շինհրապարակի ղեկավարը պատասխանատու է ք. Թալինում իրականացվող նախագծերի (եռահարկ բազմաբնակարան շենքերի եւ բազմանշանակ կոմերցիոն շինության) շինարարության ամբողջական կառավարման համար։ Նա ապահովում է շինարարության իրականացումը հաստատված նախագծին, որակի ստանդարտներին եւ ժամկետներին համապատասխան՝ համակարգելով տեխնիկական թիմերի եւ իր ենթակայության տակ գտնվող օղակների աշխատանքը։

Պարտականություններ

​​​​​1. Ռազմավարական կառավարում եւ պլանավորում

• Ղեկավարել եւ համակարգել նշված նախագծերի շինհրապարակների աշխատանքները սկզբից մինչեւ ավարտ։
• Մշակել աշխատանքների կատարման փուլային ժամանակացույցեր եւ վերահսկել դրանց անշեղ կատարումը։
• Կայացնել օպերատիվ որոշումներ շինարարության ընթացքում առաջացած տեխնիկական կամ կազմակերպչական խնդիրների վերաբերյալ։

2. Ռեսուրսների եւ գնումների կառավարում

• Նյութական ռեսուրսներ։ Կանխատեսել եւ հաշվարկել անհրաժեշտ շինանյութերի, մեքենա-մեխանիզմների եւ գործիքների քանակը։ Նախապես ներկայացնել հայտ-պատվերներ՝ ապահովելու համար նյութերի ժամանակին առաքումը շինհրապարակ։
• Մարդկային ռեսուրսներ։ Գնահատել աշխատուժի կարիքը, կազմակերպությանը ներկայացնել նոր մասնագետների կամ ենթակապալառուների ներգրավման համար։
• Վերահսկողություն։ Ստուգել մատակարարված նյութերի որակը եւ քանակը, վերահսկել դրանց խնայողաբար եւ նպատակային օգտագործումը՝ բացառելով փոշիացումն ու կորուստները։

3. Թիմի առաջնորդում եւ համագործակցություն

• Ղեկավարել շինհրապարակի ամբողջ անձնակազմը, այդ թվում՝ աշխղեկներին, թիմի ղեկավարներին եւ տեխնիկական թիմերը։
• Բաշխել առաջադրանքները ըստ առաջնահերթության եւ վերահսկել դրանց կատարման որակը։
• Ապահովել սերտ համագործակցություն Գլխավոր ինժեների (նախագծային հարցերով) եւ Տեխնիկական անվտանգության մասնագետի (անվտանգության նորմերի պահպանում) հետ։

4. Որակի վերահսկում եւ տեխնիկական համապատասխանություն

• Երաշխավորել շինարարական աշխատանքների որակն ու համապատասխանությունը ՀՀ շինարարական նորմերին եւ հաստատված նախագծին։
• Իրականացնել փուլային ընդունում-հանձնում աշխատանքների որակի ստուգման նպատակով։

5. Հաշվետվողականություն և փաստաթղթաշրջանառություն

• Պարբերաբար հաշվետվություններ ներկայացնել Շինարարության գծով տնօրենին նախագծի ընթացքի, խնդիրների և ձեռքբերումների վերաբերյալ։
• Վերահսկել կատարողական ակտերի, տեխնիկական մատյանների եւ այլ անհրաժեշտ փաստաթղթերի ճիշտ եւ ժամանակին վարումը։

Պահանջներ

Կրթություն եւ փորձ

• Բարձրագույն տեխնիկական կրթություն (Քաղաքացիական շինարարություն կամ հարակից ոլորտ)։
• Առնվազն 5-7 տարվա աշխատանքային փորձ շինարարության ոլորտում, որից առնվազն 2-3 տարին ղեկավար պաշտոններում (տեղամասի պետ, շինարարության ղեկավար)։
• Բազմաբնակարան / բազմահարկ շենքերի/շինությունների կառուցման կառավարման փորձը պարտադիր է։

Պահանջվող հմտություններ

• Շինարարական գծագրերի եւ տեխնիկական փաստաթղթերի խորքային իմացություն։
• Նախագծերի կառավարման եւ թիմային առաջնորդման բարձր հմտություններ։
• Ճգնաժամային իրավիճակներում արագ կողմնորոշվելու եւ որոշումներ կայացնելու կարողություն։

Հավելյալ նշումներ

• Պատրաստակամություն աշխատելու ք. Թալինում (մշտական ներկայություն շինհրապարակ(ներ)ում։
• Վարորդական իրավունք եւ սեփական մեքենայի առկայությունը պարտադիր է։

Վարձատրություն՝ մրցակցային Ֆիքսված ամսական աշխատավարձ և բոնուսներ կախված կատարողականից

--------------------

HamEdil Construction Group-ը խրախուսում է նախաձեռնողականությունը, պատասխանատվությունը և երկարաժամկետ համագործակցությունը։

Ընկերության մասին

Հասցե

Ազատամարտիկների 80/2

Աշխատակիցների քանակ

51-150

Կայք

http://hamedil.am/

Հեռ.

+374 94 940055

Համեդիլ Կոնստրաքշն Գրուպը շինարարական ընկերություն է, հիմնադրված 2024 թվականին, որը մատուցում է բարձր որակի ամբողջական շինարարական լուծումներ՝ սկսած նախագծումից մինչև կառուցում, դիզայն, վերանորոգում և ավարտական աշխատանքներ։ Մենք իրականացնում ենք թե՛ քաղաքացիական, թե՛ ճանապարհաշինարարական նախագծեր՝ կենտրոնանալով որակի, ժամկետների և պրոֆեսիոնալ կառավարման վրա։

Տեսնել ավելին

Առավելություններ

Աշխատավարձի տարեկան վերանայում

Բժշկական ապահովագրություն

Անվճար սուրճ, թեյ, հյուրասիրություն

Բոնուսային համակարգ