Փորձնակության հնարավորություն Բեկոն Պրոդուկտում “Ձեր գիտելիքը՝ համեմված մեր փորձով”
«Բեկոն Պրոդուկտ» ՍՊԸ
Կդիտարկվեն նաև ուսանողներ
Վերջնաժամկետ`
Վերջին կուրսի ուսանո՞ղ ես, մագիստրանտ թե՞ պարզապես նոր ես ավարտել և փնտրում ես քո առաջին մասնագիտական մարտահրավերը։
Բեկոն Պրոդուկտ ընկերությունը հայտարարում է փորձնակության ծրագիր՝ մի շարք առանցքային բաժիններում։ Սա բացառիկ հնարավորություն է՝ տեսնելու իրական բիզնեսը ներսից, ձեռք բերելու գործնական փորձառություն և սկսել կարիերադ Հայաստանում սնունդ արտադրող ամենամեծ կազմակերպություններից մեկում։
📦 Ո՞ր բաժիններում կարող ես անցնել փորձնակություն
🧪 Product Management / Պրոդուկտ մենեջմենթ
Դարձիր այն մարդը, ով կապում է շուկայի պահանջը՝ արտադրության հնարավորությունների հետ։ Սովորիր, թե ինչպես է գաղափարը վերածվում ապրանքի՝ համագործակցելով տեխնոլոգների, մարքեթինգի և մատակարարման թիմերի հետ։
💼 Logistics / Ներգնա լոգիստիկա
Ճանաչիր մատակարարման շղթան՝ սկսած երթուղիներ կառուցելուց մինչև ապրանքի հայտնվելը սառնարանում։ Սովորիր համակարգերի միջոցով ղեկավարել առաքումներ, երթուղիներ և ամեն րոպեն արդյունավետ օգտագործել։
🛒 Procurement / Գնումներ
Իմացիր՝ ինչպես են ընտրվում նյութերը, բանակցվում գները և ստեղծվում արժեքը խելացի գնումների միջոցով։ Զարգացրու բանակցային հմտություններդ և ռազմավարական մտածողությունդ։
📊 Finance / Ֆինանսներ
Սովորիր հասկանալ բյուջեն, ծախսերը, ապրանքի ինքնարժեքը, կանխատեսումները և ռիսկերն՝ այնպես, ինչպես անում են արտադրական իրականության մեջ։ Դու կտեսնես՝ ինչպես են թվերը ձևավորում իրական որոշումներ։
🛍 Sales / Վաճառք
Դարձիր այն մարդը, ով ընկերությունը ներկայացնում է վաճառողին և իրական գնորդին։ Սովորիր ինչպես են կառուցվում հաճախորդների հետ հարաբերություններն ու ինչպես է KPI-ն վերածվում իրական վաճառքի։
📣 Marketing / Մարքեթինգ և թրեյդ մարքեթինգ
Կապ ստեղծիր ապրանքի և սպառողի միջև։ Սովորիր պատմել ապրանքի պատմությունը, ղեկավարել արշավներ և վերլուծել շուկան՝ օգտագործելով ինչպես թվային, այնպես էլ ստեղծագործական գործիքներ։
👥 Human Resources / Մարդկային Ռեսուրսների կառավարում
Սովորիր՝ ինչպես են ձևավորվում թիմերը, ինչպես են անցկացվում հարցազրույցները և ինչպես է կորպորատիվ մշակույթը ազդում աշխատանքի որակի վրա։ Մարդկային ռեսուրսները «մարդկային» դարձնելու ժամանակն է։
Ի՞նչ կստանաս
- Իրական աշխատանքային փորձ՝ ոլորտի պրոֆեսիոնալների կողքին, որը կարող ես նաև վստահորեն նշել քո CV-ի մեջ,
- Գործնական հմտություններ, որոնք հրաշալիորեն համադրվում են տեսության հետ,
- Սերտիֆիկատ և հետադարձ կապ ոլորտի մասնագետներից,
- Աշխատանքի հնարավորություններ լավագույն մասնակիցների համար։
Ո՞վ կարող է դիմել
- Բակալավրի վերջին կուրսի ուսանողներ,
- Մագիստրատուրայի ուսանողներ,
- Վերջին երկու տարվա ընթացքում ավարտած և փորձնակություն փնտրող երիտասարդ մասնագետներ։
Արի, որ միասին զարգացնենք քո գիտելիքները՝ համեմված մեր փորձի բաղադրատոմսով
«ԲԵԿՈՆ ՊՐՈԴՈւԿՏ» ընկերությունը հիմնադրվել է 1995թ. և զբաղվում է մսամթերքի և կիսաֆաբրիկատների արտադրությամբ: Գործունեությունը սկսելով փոքր արտադրամասում՝ ընկերությունը ժամանակի ընթացքում ընդարձակվել է և այսօր գործում է ժամանակակից, միջազգային ստանդարտներին համապատասխան մասնաշենքում:
Տարածեք հայտարարությունը սոցիալական ցանցերում
