Ներմուծման կատեգորիայի մենեջեր (ապրանքային ուղղությունը՝ hեռուստացույցներ, աուդիո/վիդեո համակարգեր)

Նկարագրություն

«ԴՈՄՈՒՍ» Ընկերությունը փնտրում է փորձառու ներմուծման կատեգորիայի մենեջերի իր մեծ թիմին միանալու համար՝ մասնագիտական աճի և կայուն կարիերայի հեռանկարով։

Կարևոր պայման է անգլերենի և ռուսերենի բանավոր հաղորդակցության հմտությունը:

Պարտականություններ

• Կատարել վերլուծություններ ապրանքների վաճառքի, ներմուծման արդի պահանջների վերաբերյալ,
• Ուսումնասիրել տվյալ ապրանքացանկի շուկան և ձևավորել ներմուծման առաջարկ,
• Համագործակցել արտադրողների, մատակարարների հետ՝ ստեղծել գործարար կապեր,
• Կազմակերպել ապրանքների ներմուծման ամբողջ գործընթացը՝ համագործակցելով առնչվող բաժինների հետ,
• Մասնակցել խանութ-սրահներում ներմուծված ապրանքների ցուցադրման, ներկայացման գործընթացներին՝ նպաստելով վաճառքի խթանմանը,
• Պարբերաբար մասնակցել կամ աջակցել սեմինարների անցկացման գործընթացներին ապրանքատեսակների/ապրանքանիշների վերաբերյալ անձնակազմի ուսուցման նպատակով։

Պահանջներ

• Բարձրագույն կրթություն՝ ցանկալի է տնտեսագիտության, շուկայագիտության, տեխնիկական ոլորտներում,
• Ներմուծման ոլորտում աշխատանքային փորձը/ներմուծման գործընթացների իմացությունը պարտադիր է,
• Աշխատանքային փորձը վաճառքի՝ մասնավորապես շինարարական կամ արտադրական ոլորտում, կդիտվի որպես առավելություն,
• Ռուսերենի և անգլերենի բանավոր հաղորդակցման հմտությունը պարտադիր է (առնվազն B1 մակարդակ),
• Համակարգչային գիտելիքներ, Excel-ի բավարար իմացություն,
• Գործարար հաղորդակցման զարգացած հմտություններ,
• Մաթեմատիկական մտածողություն, վերլուծական միտք,
• Մանրուքների հանդեպ ուշադրություն,
• Պատասխանատվություն, պարտաճանաչություն:

Հավելյալ նշումներ

Աշխատանքային օրեր և ժամեր՝ 5-օրյա աշխատանքային գրաֆիկ, ամսվա մեջ 1-2 անգամ շաբաթ օրը հերթափոխություն (մինչև ժամը 15:00)։

Գրասենյակի վայրը՝ Արարատյան 88/8, Չարբախի մետրոյից 2 կմ։

Ընկերության մասին

Աշխատակիցների քանակ

1001+

Կայք

https://domus.am/

Հեռ.

095105045

Դոմուս խանութ-սրահների ցանցն իր ֆորմատի մեջ միակն է Հայաստանում, քանի որ առաջարկում է ձեռք բերել վերանորոգման, կահավորման, ինչպես նաև կահույքի պատրաստման համար նախատեսված ամեն ինչ մեկ վայրից։ Դոմուսում առկա է այն ամենը, ինչը հնարավորություն կտա ստեղծել գեղեցիկ տուն՝ հարմար բյուջեով։ Դոմուսի առաքելությունն է տան բարեկարգումը դարձնել հեշտ, հարմար և հաճելի։ Դոմուսն առաջարկում է մատչելի գին ավելի քան 50 000 ապրանքատեսակների համար։

2022 թվականից սկսած Դոմուս խանութ-սրահների ցանցը ներկայանում է միանգամայն նոր կոնցեպտով և գնման նոր ձևաչափով. DIY, Do It Yourself, եվրոպական առաջատար ընկերությունների փորձը առաջին անգամ հսկայական ապրանքախմբով և մասշտաբներով ներկայացնում է Դոմուսը: Գնման այս նոր ձևաչափով Դոմուսը կենտրոնացնում է ապրանքները, որպեսզի Դուք կարողանաք լիարժեք կենտրոնանալ ձեր գնումների վրա:

Ընկերության նպատակն է ձևավորել գործունեության առավել զարգացած համակարգ` հիմնվելով եվրոպական առաջատար ընկերությունների լավագույն փորձի և սեփական տեսլականի վրա։

Գործունեության մի քանի տարիների ընթացքում Դոմուս խանութ-սրահների ցանցը հասցրել է վայելել բարձր հեղինակություն՝ բավարարելով վերանորոգման և կահավորման շուկայի բոլոր պահանջները։ Այդ տարիների ընթացքում մենք ձգտել ենք առավելագույնս զարգացնել գործունեության ոլորտը Հայաստանում և այսօր ունենք շոշափելի արդյունք. 6 հիպերմարկետ Երևանում և 6-ը՝ մարզերում, հանդիսանում ենք մի շարք համաշխարհային բրենդների պաշտոնական ներկայացուցիչը Հայաստանում:

Տեսնել ավելին

Առավելություններ

Աշխատավարձի տարեկան վերանայում

Կորպորատիվ միջոցառումներ

Բոնուսային համակարգ

Բիզնես գործուղումներ

Թրեյնինգներ

Անվճար կայանում

Ծառայողական մեքենա

Ծնողական արձակուրդ