Կրտսեր էլեկտրատեխնիկ-ինժեներ

Թիմի մասին

Թումոյի Տեղեկատվական տեխնոլոգիաների (ՏՏ) թիմը պատասխանատու է կազմակերպության տեխնոլոգիական ենթակառուցվածքի անխափան աշխատանքի ապահովման համար՝ աջակցելով ինչպես թիմի ամենօրյա գործունեությանը, այնպես էլ՝ ուսումնական գործընթացին։ Թիմը սպասարկում և տրամադրում է տեխնիկական աջակցություն ուսանողներին, աշխատակիցներին և կենտրոններին՝ համակարգելով Թումո սարքավորումները, ցանցերը և բոլոր համակարգերի ավտոմատացումները։

Թումոն աշխատում է ուսանողների անձնական տվյալների հետ, այդպիսով՝ լիովին հետևում է Տվյալների պաշտպանության ընդհանուր կանոնակարգի (GDPR) պահանջներին՝ ապահովելով, որ բոլոր տվյալները հավաքագրվեն, պահպանվեն և մշակվեն միջազգային գաղտնիության և տվյալների պաշտպանության չափանիշներին համապատասխան։

Հաստիքի մասին

Մենք փնտրում ենք նախաձեռնող և պատասխանատու կրտսեր մասնագետի, ով կաջակցի ինժեներական թիմին ցածր լարման համակարգերի նախագծման, տեղադրման և սպասարկման աշխատանքներում։

Հիմնական պարտականություններ

• Աջակցել Սմարթ համակարգերի և ավտոմատացումների (Smart Systems & Automation) թիմին ցածր լարման համակարգերի տեղադրման և սպասարկման աշխատանքներում

• Իրականացնել օբյեկտների զննումներ՝ անհրաժեշտ տվյալներ հավաքագրելու և համոզվելու, որ համակարգերը համապատասխանում են նախագծային պահանջներին

• Աջակցել համակարգերում առաջացած խնդիրների հայտնաբերմանն ու լուծմանը (troubleshooting)

• Համագործակցել թիմի անդամների հետ՝ նախագծերի պատշաճ և ժամանակին իրականացման նպատակով

• Վարել նախագծերի հետ կապված բոլոր աշխատանքների ճշգրիտ փաստաթղթավորումը և հաշվառումը

• Տրամադրել տեխնիկական աջակցություն և մասնակցել սարքավորումների կարգավորմանը

Համակարգերի շահագործում և աջակցություն

• Մուտքի վերահսկման համակարգ (Access Control)

  1. Տրամադրել մուտքի քարտեր և սպասարկել վերահսկման համակարգերը

• ԱՏՍ (PABX) հեռախոսային համակարգ

  1. Աջակցել զանգերի կենտրոնի թիմի աշխատանքին

  2. Ապահովել ներքին և միջազգային հեռախոսազանգերի համակարգի անխափան աշխատանքը

• Լուսավորության համակարգ

  1. Ապահովել լուսավորության համակարգի անխափան աշխատանքը

  2. Կարգավորել ժամանակաչափերը (timers) և լուսավորության համակարգը տարբեր միջոցառումների համար

• Ոռոգման համակարգ

  1. Փոխարինել և կարգավորել ոռոգման համակարգի սարքավորումները

• Տեսահսկման համակարգ (Camera System)

  1. Իրականացնել տեսախցիկների տեղադրումը և ծրագրավորումը

Պահանջվող որակավորումներ և փորձ

• Էլեկտրատեխնիկայի կամ այլ համապատասխան ոլորտի բակալավրի աստիճան

• Ցածր լարման համակարգերի (օրինակ՝ անվտանգություն, հրդեհային ազդարարման համակարգ, աուդիովիզուալ համակարգեր) ոլորտներում հիմնական գիտելիքներ

• Խնդիրների լուծման լավ հմտություններ

• Թիմային աշխատանքում արդյունավետ համագործակցելու կարողություն

• Նոր տեխնոլոգիաներ սովորելու պատրաստակամություն

• Անգլերենի տիրապետման միջին մակարդակ

• Աշխատանքային փորձ կամ պրակտիկա համապատասխան ոլորտում

• Էլեկտրատեխնիկայի հիմնական սկզբունքների իմացություն

Արտոնություններ

• Բժշկական ապահովագրություն և զեղչ՝ ճանապարհորդական ապահովագրության համար

• Աջակցություն աշխատանքային թույլտվության ստանալու և բանկային հաշիվ բացելու հարցում

• Նոր տարվա լրացուցիչ արձակուրդային օրեր՝ հունվարի 3-ին, 4-ին և 5-ին

• 5 լրացուցիչ արձակուրդային օրեր

• Ծննդյան օրվա արձակուրդ

Հավելյալ նշումներ՝

Աշխատանքային գրաֆիկ ՝ Երկ- Ուրբաթ 09:30- 18:30\ 10:00-19:00\ 10:30-19:30

Աշխատանքը ենթադրում է գործուղումներ Հայաստանի տարածքում

Ընկերության մասին

Հասցե

Հալաբյան/16

Կայք

https://tumo.org/

Հեռ.

+374 10 39 84 13

Թումոն անվճար արտադպրոցական ծրագիր է՝ նախատեսված 12-18 տարեկան պատանիների համար։ 2011-ին առաջին կենտրոնի բացումից ի վեր Հայաստանում գործում են Թումո կենտրոններ Երևանում, Դիլիջանում, Գյումրիում, Կողբում և Կապանում։

Տեսնել ավելին