Հաշվապահ
Էրեբունի Բժշկական Կենտրոն ՓԲԸ
Վերջնաժամկետ`
Աշխատանքի հայտարարության վերջնաժամկետն ավարտվել է
Նկարագրություն
«Էրեբունի» Բժշկական Կենտրոնն Ֆինանսատնտեսական բաժնում աշխատանքի է հրավիրում հմուտ և արհեստավարժ Հաշվապահի, որը պատասխանատու կլինի նյութական արժեքների և հիմնական միջոցների հաշվառման, դրանց հետ կապված վերլուծությունների և կանխատեսումների կատարման համար:
Պարտականություններ
- Ապահովել և վերահսկել նյութական արժեքների և հիմնական միջոցների հաշվառումը:
- Իրականացնել հաշվապահական ձևակերպումները կապված հիմնական միջոցների և նյութական արժեքների հետ՝ ներառյալ նրանց ստացումը, տեղաշարժը, դուրս գրումը:
- Կատարել Հիմնական Միջոցների մաշվածության գնահատումը:
- Հիմնական միջոցների գույքագրման կազմակերպում և ապահովում, անհամապատասխանությունների բացահայտում:
- Իրականացնել նյութական արժեքների և հիմնական միջոցների հետ կապված փաստաթղթաշրջանառությունը:
- Պատրաստել հաշվետվություններ, դրանց հիման վրա իրականցնել համապատասխան վերլուծություններ և կանխատեսումներ:
- Մասնակցել հաշվապահական հաշվառման քաղաքականության ձևավորմանը, օժանդակել ամենօրյա հաշվապահական խնդիրների լուծման գործընթացին:
Պահանջներ
- Բարձրագույն տնտեսագիտական կրթություն, մասնագիտացումը/վերապատրաստումը Հաշվապահական ոլորտում պարտադիր է:
- Առնվազն 3 տարվա աշխատանքային փորձ որպես Հաշվապահ:
- e-Invoicing և ՀԾ ծրագրերի իմացություն:
- ՀՀ Հարկային Օրենսգրքի լավ իմացություն:
- Microsoft Office փաթեթի գերազանց իմացություն:
- Կազմակերպչական և ժամանակի կառավարման հմտություններ:
- Հայերենի և ռուսերենի գերազանց, անգլերենի լավ իմացություն։
- Բանավոր և գրավոր հաղորդակցման զարգացած հմտություններ։
- Ժամանակի կառավարում և առաջնահերթությունների սահմանում։
- Վերլուծական մտածելակերպ, մանրուքների հանդեպ ուշադրություն։
- Նախաձեռնողականություն, հետևողականություն և ակտիվություն։
- Սթրեսակայունություն։
- Պարտաճանաչություն և պատասխանատվության զգացում։
- Լայն աշխարհահայացք։
Դիմելու ընթացակարգ
Հաստիքին հավակնող և համապատասխան պահանջներին բավարարող թեկնածուները կարող են իրենց ինքնակենսագրականը (CV) ուղարկել էլ․հասցեին՝ թեմա դաշտում նշելով հաստիքը, որի համար դիմում են։
«Էրեբունի» բժշկական կենտրոնը հիմնադրվել է 1991թ՝ «Էրեբունի» կլինիկական հիվանդանոցի հիմքի վրա: Կենտրոնն անցել է կայացման մեծ ճանապարհ և այսօր Հայաստանում խոշորագույն բազմապրոֆիլ բժշկական կենտրոն է, որն իրականացնում է կլինիկական, գիտահետազոտական և կրթական գործունեություն: «Էրեբունի» բժշկական կենտրոնում գործում են, անհետաձգելի բուժօգնության, ախտորոշիչ, վիրաբուժական, թերապևտիկ, սրտաբանական և սրտանոթային ինվազիվ վիրաբուժության և նյարդավիրաբուժության ծառայություններ: Կենտրոնն ունի շուրջ 100 բաժանմունք ու բաժին, ինչպես նաև ծննդատուն ու պոլիկլինիկա, ինչպես նաև Միջուկային բժշկության Եվրոպական կենտրոն: «Էրեբունի» ԲԿ ծննդատանը տարեկան ծնվում է 5.000 երեխա, պոլիկլինիկան սպասարկում է 35.000 բնակչի: Բժշկական կենտրոնն աշխատում է վերջին սերնդի ախտորոշիչ, բուժական և վիրաբուժական անհրաժեշտ բոլոր սարքավորումներով: ՀՀ կառավարության ներդրած խոշոր և ռազմավարական ծրագրերը հաջողությամբ իրականացվում են «Էրեբունի» բժշկական կենտրոնում: Կենտրոնում աշխատում է 415 բժիշկ և 641 բուժքույր: Տարբեր բաժանմունքներում օրական ավելի քան 600 պացիենտ ստանում է ստացիոնար բուժում: Կենտրոնը բժշկական ծառայություններ է մատուցում ինչպես Հայաստանի բնակիչներին, այնպես էլ օտարեկրյա քաղաքացիներին: «Էրեբունի» բժշկական կենտրոնը հսկայական ներդրում ունի Հայաստանում բժշկագիտության եւ բժշկական ծառայությունների զարգացման գործում: Բժշկական ծառայությունների արդիականացման նպատակով կենտրոնը մշտապես աշխատում է նոր նախագծերի և ծրագրերի ներդրման վրա՝ անընդհատ արդիականացնելով նյութատեխնիկական բազան «Սիմենս», «Դրեգեր», «Շտորց», «Ռոշ», «Օլիմպուս» և այլ առաջատար ընկերությունների նորագույն սարքավորումներով: Ընդլայնելով կապերն աշխարհի հայտնի կլինիկաների հետ՝«Էրեբունի» բժշկական կենտրոնը հայ բժիշկների և արտասահմանյան առաջատար մասնագետների միջև բազմակողմանի համագործակցության հնարավորություններ է ստեղծում:«Էրեբունի» բժշկական կենտրոնի բազայի վրա ասպիրանտները եւ դոկտորանտներն ակտիվ իրականացվում են գիտահետազոտական նախագծեր: Կենտրոնն արժանացել է «Ազգային վստահություն», «Լավագույն բժշկական կազմակերպություն» և «Բժշկական ծառայությունների լավագույն մատակարար» կոչումներին: «Էրեբունի» բժշկական կենտրոնն ունի բազմաթիվ միջազգային պարգևներ և վկայագրեր:
Տարածեք հայտարարությունը սոցիալական ցանցերում
