ՔՈ ԴԵՐԸ
Եթե դու նպատակասլաց և եռանդուն, փորձառու մասնագետ ես, ով ունի նորարարական մոտեցում հաշվապահության հանդեպ, ապա ՔՈԱՖ-ի («Հայաստանի մանուկներ» բարեգործական հիմնադրամ) հաշվապահի դերը հենց քեզ համար է։ Առավել մանրամասն․
ՀԱՇՎԱՊԱՀԱԿԱՆ ՀԱՇՎԱՌՄԱՆ ԳՈՐԾԱՌՈՒՅԹՆԵՐ (80%)
- Հիմնական միջոցների և այլ ապրանքանյութական արժեքների հաշվառում:
- Ստացված և տրված շնորհների և նվիրատվությունների հաշվառում:
- Ստացված հաշիվների ձևակերպում:
- Վճարման հանձնարարագրերի պատրաստում:
- Հաշիվների դուրս գրում E-invoicing համակարգում:
- Դեբիտորական և կրեդիտորական պարտքերի վերահսկողություն:
- Հաշվետվությունների կազմում և ներկայացում անմիջական ղեկավարին և կազմակերպության գործադիր տնօրենին:
- Ըստ անհրաժեշտության հաշվետվությունների կազմում և ներկայացում տարբեր պետական կառույցներին:
ԱՌԱՋԱՐԿՆԵՐ և ԲԱՐԵԼԱՎՈՒՄՆԵՐ (20%)
- Ներկայացնել առաջարկներ՝ ուղղված հաշվապահական աշխատանքների կատարելագործմանն ու հեշտացմանը, ընթացակարգերի արդիականացմանն ու արագացմանը, օրենսդրական փոփոխությունների ներդրմանը:
ՔՈ ԹԻՄԸ
Հաշվապահի դերը ստանձնելով՝ միանալու ես հաշվապահական թիմին և աշխատելու ես գլխավոր հաշվապահի անմիջական ղեկավարությամբ։
ԴՈՒ
Մենք ակնկալում ենք, որ․
ԴՈՒ ՏԻՐԱՊԵՏԵՍ (Գիտելիք)
- Ֆինանսական հաշվառման ստանդարտներին և ունենաս կրթություն հաշվապահական, տնտեսագիտական կամ ֆինանսական ոլորտում, ինչպես նաև առնվազն 3 տարվա մասնագիտական աշխատանքային փորձ:
- Հարկային օրենսդրությանը և ոլորտին առնչվող այլ իրավական ակտերին:
- Աշխատանքային օրենսգրքի դրույթներին:
- ՀԾ-Հաշվապահ ծրագրի գործնական կիրառությանը:
- Հայերենին՝ բանավոր և գրավոր։
- Անգլերենին՝ բանավոր և գրավոր։
- ACCA-ի ուսանող լինելը ցանկալի է:
ԴՈՒ ԿԱՐՈՂԱՆԱՍ (Հմտություններ)
- Արագ կողմնորոշվել:
- Հաղորդակցվել գործընկերների հետ, արագորեն ինտեգրվել և սերտ համագործակցել անմիջական թիմի անդամների հետ:
- Սեղմ ժամկետներում կազմակերպել աշխատանքը:
ԴՈՒ ԼԻՆԵՍ (Վերաբերմունք)
- Պատրաստ մասնագիտական զարգացման։
- Պատրաստ աշխատել թիմային միջավայրում:
- Սոցիալապես պատասխանատու:
- Շարունակական կրթության գաղափարի կրող:
- Պատասխանատու և հաշվետու:
ՄԵՆՔ
«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: Հիմնադրամի համակողմանի ծրագրային մոդելի իրագործումը սկսվել է 2004թ., և այդ ժամանակից ի վեր իրականացվում են կրթական, առողջապահական, սոցիալական և տնտեսական ծրագրեր, ինչպես նաև հիմնանորոգվում են համայնքների համար կենսական նշանակություն ունեցող ենթակառուցվածքները: Այս ծրագրերի շահառուներն են Հայաստանի Արմավիրի, Արագածոտնի, Լոռու, Գեղարքունիքի, Շիրակի և Տավուշի մարզերի 64 համայնքների ավելի քան 107,000 բնակիչները:
2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ը կկրկնօրինակվի Հայաստանի այլ մարզերում և համայնքներում:
ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։
ՔՈԱՖ-ը դինամիկ և զարգացող ոչ առևտրային կազմակերպություն է: Ընկերությունն աճում է մեծ մասշտաբներով, ուստի մեր թիմը հակված է առաջ շարժվել արագ տեմպերով: Մենք փնտրում ենք թիմակիցներ, ովքեր օժտված են կամային որակներով և պատրաստ են փոփոխությունների։
ՄԵՆՔ ԱՌԱՋԱՐԿՈՒՄ ԵՆՔ
- Կյանք փոխող աշխատանքային փորձ,
- Աշխատանք, որը կկարևորես ու կսիրես,
- Մրցակցային աշխատավարձ,
- Առողջապահական ապահովագրություն,
- 20 օր վճարվող արձակուրդև լրացուցիչ վճարվող ազատ ժամեր,
- Մասնագիտական աճի հնարավորություններ,
- Անվճար անգլերենի դասընթացներ՝ ըստ կարիքի,
- Կատարողականի բոնուս,
- Դրական և ստեղծագործ աշխատանքային միջավայր։
ՍՊԱՍՈՒՄ ԵՆՔ ՔԵԶ
Վերջնաժամկետը 2022թ․-ի՝ հուլիսի 7-ի օրվա ավարտն է։
ՔՈԱՖ-ը դինամիկ և զարգացող ոչ առևտրային կազմակերպություն է: Ընկերությունն աճում է մեծ մասշտաբներով, ուստի մեր թիմը հակված է առաջ շարժվել արագ տեմպերով: Մենք փնտրում ենք թիմակիցներ, ովքեր օժտված են կամային որակներով և պատրաստ են փոփոխությունների։