Գործադիր տնօրեն

Նկարագրություն

Հայաստանի աուդիտորների և փորձագետ հաշվապահների պալատը հայտարարում է մրցույթ՝ Գործադիր տնօրենի պաշտոնը համալրելու համար։

Փնտրում ենք կառավարչական փորձ, կազմակերպչական բարձր կարողություններ և նախաձեռնողականություն ունեցող մասնագետի, ով կղեկավարի Պալատի ընթացիկ գործունեությունը, կապահովի աշխատակազմի արդյունավետ աշխատանքը և կնպաստի Պալատի ինստիտուցիոնալ զարգացմանը։

Պարտականություններ

• Պալատի ընթացիկ գործունեության և աշխատակազմի աշխատանքի կազմակերպում ու ղեկավարում,
• Պալատի կառավարման մարմինների որոշումների և հանձնարարականների պատշաճ ու ժամանակին կատարման ապահովում,
• աշխատակազմի արդյունավետ կառավարում, գործառույթների և պատասխանատվության հստակ բաշխում, կատարողականի և աշխատանքային կարգապահության վերահսկում,
• Պալատի ներքին գործընթացների, փաստաթղթաշրջանառության, հաշվետվողականության և ներքին վերահսկողության արդյունավետ համակարգերի կազմակերպում և գործարկում,
• ֆինանսական, վարչական և կազմակերպական գործընթացների պատշաճ կառավարման և վերահսկողության ապահովում,
• Պալատի կրթական, որակավորման, շարունակական մասնագիտական զարգացման, անդամակցության, հրատարակչական և այլ ծրագրերի իրականացման համակարգում,
• բյուջեի կատարման, պայմանագրային հարաբերությունների, գնումների և նյութական ռեսուրսների կառավարման կազմակերպում ու վերահսկում,
• Պալատի անդամների, պետական մարմինների, միջազգային և մասնագիտական կազմակերպությունների ու այլ շահագրգիռ կողմերի հետ հարաբերությունների համակարգում,
• Պալատի զարգացման ծրագրերի մշակմանը մասնակցություն և դրանց իրականացման ապահովում,
• Պալատի ներկայացում՝ գործադիր տնօրենին վերապահված լիազորությունների շրջանակում,
• Պալատի նախագահին և Խորհրդին անհրաժեշտ հաշվետվությունների ու տեղեկատվության ներկայացում։

Պահանջներ

• Բարձրագույն կրթություն՝ նախընտրելի է տնտեսագիտության, ֆինանսների, հաշվապահական հաշվառման, աուդիտի, կառավարման կամ իրավունքի ոլորտում,
• Առնվազն 7 տարվա մասնագիտական աշխատանքային փորձ, որից առնվազն 3 տարին՝ ղեկավար կամ կառավարչական պաշտոնում,
• Կազմակերպության և աշխատակազմի աշխատանքի կազմակերպման ու կառավարման գործնական փորձ,
• Ֆինանսական կառավարման, բյուջետավորման, հաշվապահական հաշվառման և ներքին վերահսկողության հիմնական սկզբունքների լավ իմացություն,
• Գործընթացների կազմակերպման, փաստաթղթաշրջանառության և վերահսկողական մեխանիզմների ներդրման կարողություն,

Առավելություն կհամարվի՝

• հաշվապահական հաշվառման, աուդիտի, ֆինանսների կամ մասնագիտական ծառայությունների ոլորտում աշխատանքային փորձը,
• միջազգային և/կամ մասնագիտական կազմակերպությունների հետ աշխատանքի փորձը,
• Պալատի կամ այլ ճանաչված մասնագիտական կազմակերպության համապատասխան մասնագիտական որակավորման առկայությունը,
• մասնագիտական կամ անդամակցության վրա հիմնված կազմակերպությունում կառավարման փորձը։
• աշխատանքային օրենսդրության և կազմակերպությունների կառավարման հիմնական սկզբունքների իմացություն,
• թիմ ղեկավարելու, աշխատանքները պլանավորելու և վերահսկելու, կազմակերպական փոփոխություններ իրականացնելու և բարդ իրավիճակներում որոշումներ կայացնելու կարողություն,
• հաղորդակցման, բանակցային և կազմակերպչական բարձր հմտություններ,
• պատասխանատվություն, անաչառություն, նախաձեռնողականություն և արդյունքամետ մոտեցում,
• ժամանակակից համակարգչային և գրասենյակային ծրագրերի լավ իմացություն,
• հայերենի գերազանց իմացություն,
• անգլերենի ազատ տիրապետում՝ բանավոր և գրավոր հաղորդակցության մակարդակով,
• ռուսերենի ազատ տիրապետում՝ բանավոր և գրավոր հաղորդակցության մակարդակով։

Մենք առաջարկում ենք՝

• պատասխանատու և ազդեցիկ ղեկավար պաշտոն Հայաստանի աուդիտի և հաշվապահության ոլորտների միակ հավատարմագրված մասնագիտացված կառույցում,
• մասնագիտական և ինստիտուցիոնալ զարգացման ծրագրերի իրականացման հնարավորություն,
• համագործակցություն ոլորտի առաջատար մասնագետների, պետական մարմինների և միջազգային կառույցների հետ,
• մրցունակ վարձատրություն՝ պայմանավորված թեկնածուի փորձով և որակավորմամբ։

Աշխատանքային օրեր և ժամեր

Երկուշաբթի - ուրբաթ, ժամը 9:00-18:00