Գլխավոր հաշվապահ
Էկոֆորմ ՍՊԸ
Վերջնաժամկետ`
Նկարագրություն
Փնտրում ենք գլխավոր հաշվապահի, ով կապահովի ընկերության հաշվապահական հաշվառման ամբողջական և ճշգրիտ կազմակերպումը, հարկային հաշվետվությունների ժամանակին պատրաստումն ու ներկայացումը, ինչպես նաև հաշվապահական գործընթացների արդյունավետ կառավարումը։
Պարտականություններ
- Կազմակերպել և վերահսկել ընկերության հաշվապահական հաշվառման ամբողջ գործընթացը,
- Ապահովել հաշվապահական գործառնությունների ճիշտ, ամբողջական և ժամանակին արտացոլումը հաշվապահական համակարգում,
- Կազմակերպել և վերահսկել հարկային հաշվառումը և հարկային պարտավորությունների ճիշտ հաշվարկը,
- Պատրաստել և սահմանված ժամկետներում ներկայացնել հարկային, վիճակագրական և այլ պահանջվող հաշվետվությունները,
- Վերահսկել դեբիտորական և կրեդիտորական պարտավորությունների հաշվառումը,
- Վերահսկել բանկային և դրամարկղային գործառնությունների հաշվառումը,
- Կազմակերպել աշխատավարձերի, արձակուրդայինների, վերջնահաշվարկների և այլ վճարների հաշվարկման գործընթացը,
- Վերահսկել հիմնական միջոցների, պաշարների և այլ ակտիվների հաշվառումը։
- Իրականացնել հաշվապահական հաշիվների պարբերական համադրումներ և վերահսկողական ստուգումներ,
- Ապահովել հաշվապահական փաստաթղթերի պատշաճ ձևակերպումը, դասակարգումը և պահպանումը,
- Աջակցել արտաքին և ներքին աուդիտների, հարկային ստուգումների և այլ վերահսկող գործընթացների ժամանակ,
- Վերահսկել հաշվապահական հաշվառման համապատասխանությունը ՀՀ գործող օրենսդրության և հաշվապահական ստանդարտների պահանջներին,
- Կառավարել և վերահսկել հաշվապահական բաժնի աշխատակիցների աշխատանքը,
- Բարելավել և օպտիմալացնել հաշվապահական գործընթացները,
Պահանջներ
- Բարձրագույն կրթություն՝ հաշվապահության, ֆինանսների, տնտեսագիտության կամ հարակից ոլորտում,
- Գլխավոր հաշվապահի պաշտոնում առնվազն 3 տարվա աշխատանքային փորձ,
- ՀՀ հարկային և հաշվապահական օրենսդրության լավ իմացություն,
- Հծ իմացություն,
- MS Excel-ի լավ իմացություն,
- Ֆինանսական և հաշվապահական հաշվետվությունների պատրաստման փորձ,
- Վերլուծական և տրամաբանական մտածողություն,
- Բարձր պատասխանատվություն և ուշադրություն մանրուքների նկատմամբ,
- Ժամանակի արդյունավետ կառավարման և առաջնահերթություններ սահմանելու ունակություն,
- Թիմի կառավարման և արդյունավետ հաղորդակցման հմտություններ,
- Գաղտնի տեղեկատվության պահպանման բարձր մակարդակ։
Հավելյալ նշումներ
Աշխատանքային գրաֆիկ ՝ 5 օրյա։
«Էկոֆորմ» ՍՊԸ հիմնադրվել է 2016 թվականին և անցնելով շուկայի պայմաններից բխող ձևափոխումների միջով կարճ ժամանակահատվածում առևտրային կազմակերպությունից դարձել է հայկական շուկայում լայն ներկայացված առևտրաարտադրական դինամիկ զարգացող ընկերություն: Լինելով դիվերսիֆիկացված ընկերություն «Էկոֆորմ» ՍՊԸ -ն մեծ ճանաչում ունի պլաստիկ տարաների արտադրության, կենցաղային քիմիայի արտադրության և շինանյութի ներմուծման և վաճառքի ոլորտում: Ընկերության գլխավոր նպատակն է զարգացնել հայրենական արտադրությունը, խթանել աշխատատեղերի ավելացմանը և սպառողին ներկայանալ մշտապես բարձրորակ արտադրանքով:
1.Պլաստիկի արտադրություն
Ընկերության հիմնական արտադրական ոլորտներից է պլաստմասե նախակաղապարների, տարաների, խցանների, բռնակների արտադրությունը: Արտադրվում է PET.HDPE, LDPE, PP, ABS, PS հումքերից:
Հաճախորդներին ամբողջական ծառայություններ մատուցելու նպատակով, բացի բուն արտադրական գործընթացը, մենք առաջարկում ենք դիզայնի և նախագծման աշխատանքներ: Նշված մոտեցման շնորհիվ հնարավոր է դառնում գտնել փոխշահավետ և օպտիմալ լուծումներ: Մեր հաճախորդներին աջակցելու և բիզնեսին խթանելու նպատակով ընկերությունը որոշում է կայացրել ներդրում կատարել մեր իսկ կողմից նախագծված և պատրաստված կաղապարնեի մեջ: Մենք կիսում ենք Ձեր հետ, Ձեր նախընտրած կաղապարի համար արված ծախսը, տալով հնարավորություն ունենալ նոր և տարբերվող տեսականի:
Ընկերության տեխնիկական հագեցվածության շնորհիվ, կարողանում ենք գոհացնել անգամ ամենախստապահանջ հաճախորդներին: Արտադրանքի իրացումը իրականացվում է արհեստավարժ թիմի միջոցով, որը մշտական կապի հանգույց է շուկայի և արտադրության միջև:
2.Կենցաղային քիմիայի արտադրություն
Ելնելով այն յուրահատկությունից, որ կենցաղային քիմիայի արտադրանքների հետ մարդիկ առնչվում են առօրյայում և շատ կարևոր է սպառողների վստահությունը, մեր ընկերության կողմից մշակվել, ներդրվել և գործարկվում է որակի հսկողության անհատական համակարգ: Կայուն որակ ապահովելու գրավականներից մեկը, բարձրորակ հումքի առկայությունն է, որը ապահովվում է ոլորտի առաջատարների հետ ունեցած համաձայնությունների շնորհիվ: Եվրոպական տեխնոլոգիաների և մեր բարձրակարգ մասնագետների աշխատանքի շնորհիվ, մեր ընկերության արտադրանքը շուկայում առաջատար է:
Արտադրանքի իրացումը կազմակերպվում է ընկերության վաճառքի թիմի միջոցով, որը օպերատիվ կերպով հավաքագրում, մշակում և ներկայացնում է շուկայի պահանջները:
Տարածեք հայտարարությունը սոցիալական ցանցերում
