CNC/ЧПУ հաստոցի օպերատոր–սկսնակ
ASEDL LLC
Վերջնաժամկետ`
Աշխատանքի հայտարարության վերջնաժամկետն ավարտվել է
Նկարագրություն
ԱՍԷԴԼ-ը նորաբաց գործարանի գերմանական արտադրության SCHUCO ալյումինե կոնստրուկցիաների մասնագիտացված արտադրամասի թիմին միանալու է հրավիրում CNC հաստոցի օպերատորի: Մասնագետի վերապատրաստումն աշխատավայրում կիրականացվի հրավիրված մասնագետների կողմից:
Մասնագետը գործարկելու է արտադրական հաստոցները, հետևելու է դրանց աշխատանքին արտադրության ողջ գործընթացի ընթացքում, խնդիրներ առաջանալու դեպքում առաջարկելու է համապատասխան լուծումներ:
Պարտականություններ
- Իրականացնում է հումքի բեռնման գործընթացը
- Կարգավորում է սարքավորումները և դրանց մասերը
- Իրականացնում է սարքավորումների, դրանց գործարկելու գրառումները ըստ ընթացակարգերի
- Հաստոցները գործարկելիս վերահսկում է արտադրական գործընթացը, անհրաժեշտության դեպքում ճշգրտումներ է իրականացնում
- Խնդիրներ առաջանալու դեպքում կապ է հաստատում գործընկերների հետ (այդ թվում նաև օտարերկրացի), առաջարկում է համապատասխան լուծումներ
- Ստուգում է պատրաստի արտադրանքը՝ համոզվելու համար, որ այն համապատասխանում է պահանջվող տեխնիկական պայմաններին
Պահանջներ
- Աշխատանքային փորձը պարտադիր չէ
- Տեխնիկական ոլորտի կրթությունը ՊԱՐՏԱԴԻՐ է
- MS Office ծրագրային փաթեթի իմացություն
- Թիմային աշխատանքի հմտություն
- Հաղորդակցման հմտություններ
Հավելյալ նշումներ
Դիմելու համար կարող եք ուղարկել Ձեր ինքնակենսագրականը/CV նշված էլ. փոստին:
«ԱՍԷԴԼ» ՍՊԸ-ն հիմնադրվել է 2004թ.-ին և մինչ այժմ զբաղվում է ալյումինե և մետաղապլաստե պրոֆիլների, ապակե կոնստրուկցիաների աքսեսուարների (բռնակներ, փականներ, ծխնիներ, ամրակային դետալներ և այլն), պատուհանագոգերի, ապակու և հաստոցների մանրածախ և մեծածախ վաճառքով: Տարիների ընթացքում հետևելով արտադրության և շինարարության ոլորտների զարգացման ժամանակակից միտումներին` ընկերությունը սկսում է ընդլայնել իր աշխատանքի ծավալները և զբաղվել բազմաոլորտ արտադրատեխնիկական գործունեությամբ: Այսօր ընկերությունը հանդիսանում է լուսաթափանց կոնստրուկցիաներ` դռներ, պատուհաններ, ապակյա փաթեթներ, ֆասադներ, ծածկեր, գմբեթներ, վիտրաժներ, ցուցափեղկեր, շարժական և անշարժ միջնորմներ, բազրիքներ, կահույք, լոգախցիկներ, արտադրող առաջատար կազմակերպություններից մեկը՝ ողջ ՀՀ տարածքում: 2006թ.-ից ընկերությունը զբաղվում է մետաղապլաստե և ալյումինե պատուհանների և դռների արտադրությամբ՝ օգտագործելով եվրոպական ապրանքանիշի հուսալի սարքավորումներ: 2007թվ.-ին հիմնադրում է մետաղապլաստե պրոֆիլների կորացման արտադրամասը, որտեղ մասնագետներն իրականացնում են ցանկացած բարդության կամարաձև կոնստրուկցիաների աշխատանքներ: 2008թվ.-ից ընդլայնելով իր արտադրական ոլորտը` մետաղապլաստե և ալյումինե կոնստուկցիաների տեսականին համալրվում է սլայդ մեխանիզմներով՝ դռներ, ֆասադներ, ֆոտոէլեմենտով դռներ, ալյումինե շերտավարագույրներ: 2008թվ.-ին հիմնադրվել է ՊՎՔ պրոֆիլների բազմագույն թաղանթներով լամինապատման արտադրամասը, որտեղ աշխատանքները կատարվում են նորագույն գերհզոր տեխնոլոգիաներով, հատուկ սոսինձներով և բարձրորակ լամինացիոն թաղանթներով: 2009թ.-ից «ԱՍԴԷԼ» ՍՊԸ-ն սկսում է զբաղվել ապակիների ներկրմամբ և վաճառքով, և մինչ նույն թվականի վերջ ավելացնում արտադրության ևս մեկ ուղղություն՝ ապակյա կոնստրուկցիաների արտադրություն: Ապակյա արտադրատեսականիների բարձր որակն ապահովելու համար ընկերությունը ստեղծել է արտադրական համալիր, որը հագեցած է թվային ծրագրավորմամբ ղեկավարվող հաստոցներով:
Տարածեք հայտարարությունը սոցիալական ցանցերում
