«Վեստա»-ն Հայաստանում կենցաղային տեխնիկայի, կահույքի և էլեկտրոնիկայի մանրամեծածախ առևտրով զբաղվող առաջատար ընկերություններից մեկն է: Ընկերությունն իր առաջին խանութ-սրահը բացել է 2001 թվականին Երևանի կենտրոնում: Որոշ ժամանակ անց, առևտրի ծավալների և հաճախորդների թվի աճով պայմանավորված, տեղափոխվել է ք. Երևան, Ծովակալ Իսակովի 48/1 հասցե` ընդլայնելով տարածքը մինչև 23500ք/մ:

2012 թվականից գործում է Գյումրու մասնաճյուղը, իսկ 2020թ․-ի նոյեմբերից նաև Վանաձորում։

«Վեստա» ընկերությունը հանդիսանում է այնպիսի առաջատար արտադրողների պաշտոնական գործընկերը Հայաստանում, ինչպիսիք են Samsung, Philips, Sharp, Gorenje, Midea, Zelmer, Skyworth, Hitachi ընկերությունները։

«Վեստա»-ն, իր զարգացման ճանապարհին հանդիպելով բազում խոչընդոտների, ստեղծել և տարիների ընթացքում կատարելագործել է հակաճգնաժամային ծրագիր, որի շնորհիվ հնարավոր է եղել եկամուտ ապահովել անգամ 2008 թ.-ի համաշխարհային ֆինանսական ճգնաժամի պայմաններում և մինչ օրս դիմակայել արտաքին տարաբնույթ մարտահրավերներին։

2004 թ.-ից ի վեր ընկերությունը վարում է սոցիալական պատասխանատվության ակտիվ քաղաքականություն, որի արդյունքում որոշ չափով թեթևացվել են բազում կարիքավոր մարդկանց հոգսերը, իսկ առավել ուշագրավը թշնամու ռազմական ակտիվության հետևանքով փլուզված տների վերանորոգման և քաղաքացիներին ժամանակավոր ապաստարաններով ապահավելու նպատակով տրամադրված խոշոր ֆինանսական աջակցությունն է։

Ընկերությունը մատուցում է նաև բարձրակարգ վերանորոգման ծառայություններ:
«Վեստա» սպասարկման կենտրոնը «SAMSUNG» և «Philips» ընկերությունների կողմից ստացել է արտոնագիր, և իրականացնում է երաշխիքային և հետերաշխիքային սպասարկում՝ վերոնշյալ ընկերությունների կողմից հաստատված պահանջներին ու չափորոշիչներին համապատասխան:

Կազմակերպության արժեքներ են՝ աշխատասիրությունը, արհեստավարժ աշխատանքային թիմը, արդարությունը, փոխադարձ հարգանքը և ստեղծագործական մոտեցումը։