«Տիգրան Մեծ» հրատարակչությունը հայտնի է իր հաճախորդների հետ ջերմ հարաբերություններով, որի հիմքում ընկած է հետևյալ սկզբունքը՝ այն ինչ վերաբերում է մեր հաճախորդներին, վերաբերում է նաև մեզ: Հաճախորդները նախընտրում են դիմել մեզ՝ հաշվի առնելով ու գնահատելով մատուցվող ծառայությունների բարձ որակն ու միջազգային մրցունակությունն ամբողջ աշխարհում:

Ընկերության հիմնադրման օրից ի վեր՝ մենք ձգտում ենք բավարարել հաճախորդների մշտապես փոփոխվող պահանջները: Հայաստանի խոշորագույն ու ամենահին տպագրատանը՝ «Տիգրան Մեծում», տպագրվում է հանրապետության թերթերի ավելի քան 90 տոկոսը: Այս ընթացքում մենք հասցրել ենք ձեռք բերել մեր գործընկերների վստահությունն ու գոհունակությունը։ Հրատարակչությունը համագործակցում է ՄԱԿ-ի գրասենյակի, Կարմիր Խաչի գրասենյակի և միջազգային այլ կազմակերպությունների հետ:

Այսօր «Տիգրան Մեծ» հրատարակչությունը խոշոր պոլիգրաֆ ինդուստրիա է՝ հզորացված իր մեքենաներով, շարունակաբար զարգացող տեխնոլոգիայով և բաձրակարգ մասնագետներով: Մենք երբեք չենք դադարում ներդնել, հետևաբար ստանում ենք որակ, որը հրամցնում ենք մեր հաճախորդներին: Կապված ընկերության հետագա զարգացման և վերազինման հետ` ընկերության ղեկավարությունը մշտապես լրացուցիչ ֆինանսական միջոցներ է տրամադրում նոր տեխնոլոգիայի, սարքավորումների և մասնագետների աշխատանքի կատարելագործման նպատակով, ինչպես նաև իրականացնում է շուկայի մանրակրկիտ և խորը ուսումնասիրություն ու վերլուծություն: