Բաժանորդագրությունը հաստատված է․այսուհետ ընկերության հրապարակած աշխատանքների վերաբերյալ կստանաք հաղորդագրություններ
Ինեկոբանկ ՓԲԸ
"ԻՆԵԿՈԲԱՆԿ" ՓԲԸ-ն գրանցվել է 1996 թվ. փետրվարի 7-ին: ԻՆԵԿՈԲԱՆԿԸ մատուցում է ունիվերսալ բանկային ծառայություններ` ինչպես ֆիզիկական անձանց, այնպես էլ կորպորատիվ հաճախորդներին:
Ինեկոբանկ" ՓԲԸ-ն առաջարկում է լայն հնարավորություններ այն ուսանողներին, սկսնակ և փորձառու մասնագետներին, որոնք ցանկանում են զարգանալ Հայաստանի առաջադեմ բանկերից մեկում՝ կողք կողքի աշխատելով բանկի հմուտ և արհեստավարժ անձնակազմի հետ, ունենալ մասնագիտական աճի, անձնական ու մասնագիտական զարգացման լայն հնարավորություններ:
Բանկն իր աշխատակիցների համար կազմակերպում է ներքին և արտաքին մի շարք դասընթացներ՝ միտված լինելով ապահովել շարունանական զարգացում։ Ինչպես նաև տրամադրում է աշխատավարձի տարեկան վերանայում, 13-րդ աշխատավարձ, բժշկական ապահովագրություն և մի շարք այլ բենեֆիթներ։
Միացիր Ինեկոթիմին, սկսիր կամ շարունակիր կարիերադ մեզ հետ, մեր կողքին։
ԱԶՆՎՈՒԹՅՈՒՆ
Ազնվությունը մեր թիմի համար հիմնաքարային արժեք է և սահմանված վարվելակերպ ընկերության բոլոր շահառուների նկատմամբ։ Մեզ համար ազնվությունը նախ և առաջ մեր մտածելակերպի և գործելաոճի, նպատակների և այդ նպատակներին հասնելու միջոցների ներդաշնակությունն է՝ հիմնված թե՛ իրավական, թե՛ բարոյական նորմերի վրա։
ԱԶԱՏՈՒԹՅՈՒՆ
Մենք ունենք նախաձեռնողականության ու վճռական գործողությունների ազատություն՝ ի շահ մեր հաճախորդների և ի նպաստ ընկերության։ Այդ ազատությունն է օգնում Ինեկոբանկին զարգանալ՝ խրախուսելով նորարությունն ու առաջնորդությունը։
ԹԱՓԱՆՑԻԿՈՒԹՅՈՒՆ
Թափանցիկությունն այն կարևորագույն արժեքներից է, որի վրա հիմնվում է Ինեկոբանկի գործելաոճը։ Այն մեզ համար խորհրդանիշ է՝ անկախ նրանից գտնվում ենք թռիչքային զարգացման, թե լրջագույն մարտահրավերների փուլում։
ԹԻՄԱՅԻՆ ԱՇԽԱՏԱՆՔ
Լավ արդյունքի հասնելու ու հաջողելու միակ ճանապարհը միմյանց հետ համագործակցող թիմերի առկայությունն է, որի բոլոր անդամները պատրաստ են կրելու հաջողության դափնիներն ու ձախողման պատասխանատվությունը։ Մենք վստահում ենք իրար ու հարգում միմյանց կարծիքը, ինչպես նաև աջակցում բոլոր նրանց, ովքեր պատրաստ են այս միջոցով գործելու ու արդյունքի հասնելու։
ՊՐՈՖԵՍԻՈՆԱԼԻԶՄ
Պրոֆեսիոնալիզմ ասելով Մենք ամբողջացնում ենք Ինեկոբանկի համար ամենաէական արժեքների շրջանակը։ Մենք համատեղում ենք գործողությունների ազատությունն ու ստեղծագործ միտքը ազնիվ ու թափանցիկ գործելաոճի հետ՝ կառուցելով մասնագիտական ու անհատական լավագույն հատկանիշներով օժտված թիմ։
