Հայ օգնության ֆոնդը (ՀՕՖ) բարեգործական կազմակերպություն է, որի գործունեության նպատակը Հայաստանի, Արցախի և Ջավախքի հայերի համար խոստումնալից ապագա կառուցելն է։ ՀՕՖ-ն աջակցում ու օգնության ձեռք է մեկնում բոլոր կարիքավորներին, առաջնորդում ու հնարավորության դուռ բացում այն փնտրողներին։ 

Ներկայում ՀՕՖ-ը ծրագրեր է իրականացնում երեխաների պաշտպանության, տնտեսական զարգացման, առողջապահության, սոցիալական, կրթական ու մասնագիտական առաջխաղացման բնագավառներում:

Այս ծրագրերի շնորհիվ ՀՕՖ-ը վերափոխում է շատերի կյանքը, ապաստան և աջակցություն է տրամադրում երեխաների առավել խոցելի խմբերին, խրախուսում է երիտասարդներին լավ սովորել ու հաջողության հասնել նախ դպրոցում, ապա` մասնագիտության մեջ, վերապատրաստում է առողջապահության ոլորտի մասնագետներին, որպեսզի նրանք էլ իրենց համայնքներում բարեփոխումներ իրականացնեն։