Շինարարական Ընկերության Տնօրեն

Նկարագրություն

Շինարարական Ընկերության Տնօրենը պլանավորում և իրականացնում է շինարարական ծրագրերը, հետևում է դրանց առաջընթացին, բյուջեին` համապատասխանեցնելով արժեքը, արդյունավետությունն ու որակը, կոմունիկացիա ունի քաղաքապետարանի և այլ կառույցների հետ։ Տնօրենը պետք է գերազանց տիրապետի՝

• Քաղաքացիական, աշխատանքային, հարկային, վարչական իրավախախտումների մասին ՀՀ օրենսդրությանը։
• Նորմատիվային իրավական ակտերին։
• Կազմակերպության տնտեսական և ֆինանսական գործունեության հիմունքներին։
• Պայմանագրերի կնքման և ձևակերպման կարգին։
• Աշխատանքի կազմակերպման և կառավարման հիմունքներին։
• Աշխատանքի և հակահրդեհային անվտանգության կանոններին:

Պարտականություններ

• Գործող օրենսդրությանը համապատասխան ղեկավարել Ընկերության շինարարական գործունեությունը կրելով պատասխանատվություն կայացրած որոշումների հետևանքների և կազմակերպության գույքի պահպանության և արդյունավետ օգտագործման, ինչպես նաև իր գործունեության ֆինանսատնտեսագիտական արդյունքների համար։
• Որպես գլխավոր կապալառու, համաձայն սահմանված օրենսդրությամբ և նորմատիվային ակտերով, պատշաճ աշխատանքներ տանել պատվիրատուների հետ։
• Կազմակերպել բոլոր կառուցվածքային ստորաբաժանումների, շինարարական միավորների աշխատանքը և արդյունավետ փոխգործակցությունը, ուղղորդել նրանց գործունեությունը Ընկերության աշխատանքի արդյունավետության բարձրացման, արտադրանքի, ծառայությունների և եկամուտների ավելացմանը։
• Կազմակերպել և իրականացնել բազմաբնակարան բարձրահարկ շենքերի, բիզնես կենտրոնների, առևտրի կենտրոնների կառուցապատում (մինչև 22 հարկ)։
• Կազմակերպել և իրականացնել ջեռուցման, հովացման, կոյուղու, ջրի, հոսանքի հաղորդակցման ուղիների կառուցապատում։
• Կազմակերպել և իրականացնել խոշոր ենթակառուցվածքների կառուցապատում՝ Ճանապարհ, գազատար, էներգետիկ ոլորտ և այլն։
• Շինարարական գործունեությունը կազմակերպել աշխատանքի կազմակերպման և կառավարման առաջադիմական ձևերի կիրառմամբ, աշխատանքային, ֆինանսական և նյութական նորմատիվների հիման վրա, ուսումնասիրել շուկայի իրադրությունը ծառայության և աշխատանքի որակի և տեխնիկական մակարդակի, դրանց տեխնիկական արդյունավետության բարձրացման, ռեսուրսների արդյունավետ օգտագործման նպատակով։
• Կազմակերպել և նախագծել Ընկերության զարգացման հեռանկարային պլանը:

Պահանջներ

• Բարձրագույն կրթություն (տնտեսագիտական կամ ճարտարագիտական)։
• Ղեկավարման անընդմեջ աշխատանքային փորձ, նվազագույնը 5 տարի՝ շինարարության ոլորտում։
• Կառավարման ձիրք, եթե չի աշխատել որպես տնօրեն, նվազագույնը 3 տարվա գլխավոր ինժեների և տնօրենի տեղակալի աշխատանքային փորձ։
• Հայերեն, ռուսերեն լեզուների վարժ տիրապետում, անգլերեն լեզվի լավ իմացություն։
• Թիմում աշխատելու ունակություն։
• Վերլուծական մտածելակերպ։
• Ժամանակի կառավարման հմտություն։
• Վարորդական իրավունքի առկայություն։

Հավելյալ նշումներ

Աշխատավարձը մրցակցային բարձր։

Աշխատանքային ռեժիմ՝ վեցօրյա, կիրակի՝ հանգիստ։

Աշխատանքային ժամեր՝ 09։00–18։00։