Լոգոպեդական ծառայությունների ղեկավար

ՔՈ ԴԵՐԸ

Եթե դու լոգոպեդական ծառայությունների փորձառու և եռանդուն մասնագետ ես, ով ունի նորարարական մոտեցում լոգոպեդության հանդեպ, ապա ՔՈԱՖ-ի («Հայաստանի մանուկներ» բարեգործական հիմնադրամ) Լոգոպեդական ծառայությունների ղեկավարի դերը հենց քեզ համար է։ Առավել մանրամասն․

Ծրագրի գործառնությունների կառավարում (50%)

• Ապահովել լոգոպեդական ծառայությունների ամենօրյա արդյունավետ գործառնությունները գյուղական համայնքներում՝ պլանավորման, կազմակերպչական, աշխատանքների, որակի վերահսկման գործառույթների միջոցով։
• Վերահսկել շահառու երեխաների խոսքի դժվարությունների գնահատման և ծրագրում ընդգրկվելու գործընթացը:
• Դիտարկել անհատական և խմբային պարապմունքները՝ կանոնավոր այցեր կատարելով ՔՈԱՖ-ի Երեխայի և ընտանիքի կենտրոններ։
• Պահպանել ու զարգացնել դպրոցների և տեղական ու միջազգային գործընկերների հետ համագործակցությունը։
• Պլանավորել ծրագրերի տարեկան բյուջեն և կառավարել ամսական ծախսերը:
• Ապահովել խոսքի զարգացման թեմաներով դասընթացների և քննարկումների կազմակերպումը ծնողների, ուսուցչական անձնակազմի և երեխաների համար։
• Համագործակցել բազմամասնագիտական թիմի անդամների հետ առավելագույն արդյունք և բազմակողմանի մոտեցում ապահովելու նպատակով:

Մարդկային ռեսուրսների կառավարում (30%)

• Կառավարել թիմի աշխատանքի ծավալն ու գրաֆիկը՝ երաշխավորելով աշխատանքի բարձր որակն ու արդյունավետությունը:
• Ուղղորդել և մասնագիտական աջակցություն տրամադրել թիմին՝ ուղղված նրանց մասնագիտական աճին, մատուցած ծառայության որակի բարձրացմանը, ընդհանուր զարգացմանը։
• Հետևել թիմի կատարողականին՝ կանոնավոր հետադարձ կապի միջոցով:
• Ապահովել թիմի և այլ դերակատարների սահուն հաղորդակցությունը։
• Ապահովել թիմում նոր մասնագետների ներգրավումը՝ ըստ կարիքի։

Ծրագրի բովանդակության ստեղծում և զարգացում (20%)

• Ստեղծել հետազոտման քարտեր, անհատական և խմբային պարապմունքների բովանդակություն, ներառյալ` ծրագրերի մոդելը, իրականացման պլանը և մեխանիզմները։
• Ապահովել ծրագրային պլանների, ժամանակացույցերի, շտկողական նյութերի, մոդելների ստեղծումն ու զարգացումը։
• Առաջարկել և մշակել ուսումնական և տեղեկատվական նյութեր, ձեռնարկներ և ուղեցույցեր՝ ըստ կարիքի։

ՔՈ ԹԻՄԸ

Լոգոպեդական ծառայությունների ղեկավարրի դերը ստանձնելով՝ միանալու ես ՔՈԱՖ-ի գյուղական ծրագրերի մեծ թիմին և աշխատելու ես ՔՈԱՖ-ի գյուղական ծրագրերի ղեկավարի անմիջական առաջնորդությամբ և ղեկավարելու ես լոգոպեդների թիմի աշխատանքը։

ԴՈՒ

Սպասելով քեզանից ավելին՝ մենք ակնկալում ենք, որ․

ԴՈՒ ՏԻՐԱՊԵՏԵՍ

• Լոգոպեդական աշխատանքների բոլոր նրբություններին, քանի որ ունես բարձրագույն կրթություն և ավելի քանի ութ տարվա փորձ այս ոլորտում։
• Տեղական և միջազգային մակարդակում հատուկ մանկավարժությանը, լոգոպեդիային և երեխայի զարգացմանն ուղղված նորարարություններին, զարգացումներին և մեթոդաբանությունների փորձարկմանը, պետության կողմից որդեգրված քաղաքականությանը և բարեփոխումներին։
• Գերազանց հայերենի՝ գրավոր և բանավոր, լավ՝ անգլերեն լեզվին։
• Մասնագիտական վերապատրաստումներ և դասընթացներ իրականացնելու փորձառությանը։
• Մեթոդական ուղեցույցներ, հետազոտման քարտեր, ծրագրերի մոդելների ստեղծմանը։

ԴՈՒ ԿԱՐՈՂԱՆԱՍ

• Կառավարել լոգոպեդական ծրագրերը, քանի որ ունես համապատասխան աշխատանքային փորձ համապատասխան ոլորտում։
• Օգտագործել GSuite և այլ աշխատանքային հարթակներ։
• Կազմակերպել աշխատանքն ըստ առաջնահերթությունների։
• Վերլուծել և աշխատել տվյալների հետ։
• Համագործակցել բազմամասնագիտական թիմի հետ։
• Արդյունավետ աշխատել ծանրաբեռնված գրաֆիկով և հետևել վերջնաժամկետներին։
• Գերազանց հաղորդակցվել բանավոր և գրավոր։

ԴՈՒ ԼԻՆԵՍ

• Փոփոխության ջատագով,
• Ստեղծագործ, “out-of-the-box” մտածող,
• Բաց նորարարության համար և քննադատ,
• Պատասխանատու և հաշվետու,
• Մեդիագրագետ,
• Շարունակական կրթության գաղափարի կրող։

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: Հիմնադրամի համակողմանի ծրագրային մոդելի իրագործումը սկսվել է 2004թ., և այդ ժամանակից ի վեր իրականացվում են կրթական, առողջապահական, սոցիալական և տնտեսական ծրագրեր, ինչպես նաև հիմնանորոգվում են համայնքների համար կենսական նշանակություն ունեցող ենթակառուցվածքները: Այս ծրագրերի շահառուներն են Հայաստանի Արմավիրի, Արագածոտնի, Լոռու, Գեղարքունիքի, Շիրակի և Տավուշի մարզերի 66 համայնքների ավելի քան 107,000 բնակիչները:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ը կկրկնօրինակվի Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՔՈԱՖ-ը դինամիկ և զարգացող ոչ առևտրային կազմակերպություն է: Ընկերությունն աճում է մեծ մասշտաբներով, ուստի մեր թիմը հակված է առաջ շարժվել արագ տեմպերով: Մենք փնտրում ենք թիմակիցներ, ովքեր օժտված են կամային որակներով և պատրաստ են փոփոխությունների։

ՄԵՆՔ ԱՌԱՋԱՐԿՈՒՄ ԵՆՔ

• Կյանք փոխող աշխատանքային փորձ,
• Աշխատանք, որը կկարևորես ու կսիրես,
• Մրցակցային աշխատավարձ,
• Առողջապահական ապահովագրություն,
• 20 օր վճարվող արձակուրդ և լրացուցիչ վճարվող ազատ ժամեր,
• Մասնագիտական աճի հնարավորություն
• Կատարողականի բոնուս,
• Դրական և ստեղծագործ աշխատանքային միջավայր ։

ՍՊԱՍՈՒՄ ԵՆՔ ՔԵԶ

Վերջնաժամկետը 2022.թ-ի՝ հոկտեմբերի 28-ի օրվա ավարտն է։

Կազմակերպությունն իրականացնում է դիմումների ընթացիկ դիտարկում, որի արդյունքներից կախված, համապատասխան թեկնածուի հավաքագրման գործընթացը և ընտրությունը կարող է կատարվել նախքան սահմանված վերջնաժամկետի ավարտը։

* Ուշադրություն․ աշխատանքը ժամանակավոր է։