Հաղորդակցության բաժնի ղեկավար
«Հայաստանի մանուկներ» բարեգործական հիմնադրամ (ՔՈԱՖ)
ՔՈ ԴԵՐԸ
Եթե ունես տաղանդ և փորձ բացահայտելու, գրելու և ստեղծելու բովանդակություն՝ ազդեցիկ տպավորություն թողնելով ՔՈԱՖ-ի հետևորդների վրա և կարող ես մշակել ռազմավարություն, որը շարունակաբար կխթանի հիմնադրամի աճը՝ հետամուտ լինելով շահագրգիռ կողմերի հետաքրքրություններին, ապա ՔՈԱՖ-ում («Հայաստանի մանուկներ» բարեգործական հիմնադրամ) հաղորդակցության բաժնի ղեկավարի դերը հենց քեզ համար է։ Առավել մանրամասն․
Ռազմավարական առաջնորդություն և համագործակցություն (40%)
- Առաջնորդել բրենդի զարգացման, հետաքրքիր պատմվածքների ստեղծման և մարքեթինգային ռազմավարության կյանքի կոչումը՝ առաջ տանելով ՔՈԱՖ-ի առաքելությունը տարբեր ուղիներով:
- Առաջնորդել թիմի անդամներին և ղեկավարել մարքեթինգային գործառույթները, ներառյալ՝ տեքստային, գրաֆիկական, աուդիո և վիդեո բովանդակության ստեղծում, թվային մարքեթինգը, սոցիալական մեդիա մարքեթինգը, հանրային կապերը, միջոցառումների կազմակերպումը՝ վստահեցնելով, որ բոլոր նախաձեռնություններն արտացոլում են այն ազդեցիկ միտքը, ծրագրերի մասին համապատասխան տեղեկատվությունը և դոնորների ձայնը, որը ցանկանում եք փոխանցել լսարանին։
- Ղեկավարել դոնորների հետ կապված բոլոր հաղորդակցման նյութերի ստեղծման գործընթացը (բրոշյուրներ, թռուցիկներ, բուկլետներ, pitch deck-եր, սահիկներ և այլն):
- Մեծացնել ՔՈԱՖ-ի գործունեության տեսանելիությունը զանազան շահագրգիռ կողմերի շրջանակում։
- Ընդլայնել ռազմավարական հաղորդակցության համագործակցությունը հանրային և մասնավոր հատվածների հետ։
- Կիրառել նորարական մարքեթինգային ռազմավարություններ՝ նոր համագոծակցություններ ձեռք բերելու, հիմնադրամի հեղինակությունը մեծացնելու և բրենդը հաջորդ՝ ավելի բարձր մակարդակ տանելու համար։
- Ղեկավարել հաղորդակցության գործառույթները հիմնական և կարևոր միջոցառումների ժամանակ, ներառյալ՝ դրամահավաքներ, գալա ընթրիքներ և այլն։
- Ներգրավված լինել և վերահսկել հիմնադրամի կարևոր համագործակցությունները, ինչպես նաև խորհուրդ տալ և ձեռնարկել մարքեթինգային գործունեության իրականացումը:
Լրատվամիջոցների հետ կապ և հեղինակության կառավարում (20%)
- Աշխատել կազմակերպության հեղինակությունը շարունակաբար բարձրացնելու ուղղությամբ՝ մշտապես չափելով ռազմավարությունների արդյունավետությունը:
- Վերահսկել և կառավարել թվային հարթակները՝ ապահովելով պատշաճ մոնիտորինգ և վերլուծություն:
- Պահպանել, վերականգնել և խթանել Հիմնադրամի առցանց ներկայությունը:
- Կառավարել ԶԼՄ-ների հետ կապերը՝ ապահովելով ՔՈԱՖ-ի շարունակական ներկայությունը տեղական և միջազգային մեդիա հարթակներում (հեռուստատեսություն, ռադիո, թերթեր, առցանց նորություններ):
Թիմի կառավարում (40%)
- Առաջնորդել և ղեկավարել ՔՈԱՖ-ի հաղորդակցության թիմի աշխատանքները։
- Համագործակցել թիմի հետ՝ նպաստելով աշխատանքի առաջխաղացմանը և հիմնադրամում աշխատանքի արդյունավետության բարձրացմանը։
- Պահպանել և նոր մոտեցումներ ցուցաբերել թիմում համագործակցության, պատասխանատվության և հաջողության մշակույթի զարգացման համար, ինչպես նաև մոտիվացնել և զինել աշխատակիցներին նոր գիտելիքակազմով (օգնելով նրանց հասնել իրենց առաջադրանքների համար սահմանված վերջնաժամկետներին և KPI-ներին):
ՔՈ ԹԻՄԸ
Դու կմիանաս ՔՈԱՖ-ի ավագ ղեկավարների թիմին և կաշխատես կառավարող թիմի անմիջական ղեկավարությամբ։
ԴՈՒ
Սպասելով քեզանից ավելին՝ մենք ակնկալում ենք, որ
ԴՈՒ ՏԻՐԱՊԵՏԵՍ
- Լրագրության, PR-ի, մարքեթինգի, հաղորդակցության, միջազգային հարաբերությունների, կառավարման կամ համապատասխան այլ ոլորտներին, քանի որ ունես համապատասխան բարձրագույն կրթություն և 10 տարվա աշխատանքային փորձ, որից առնվազն 5 տարին ղեկավարման, մասնավորապես՝ մարքեթինգային և հաղորդակցության ռազմավարությունների զարգացման ոլորտում (միջազգային փորձը կդիտվի որպես առավելություն)։
- Հայերեն և անգլերեն գերազանց և համոզիչ գրելու հմտություններին և տեխնիկաներին, ներառյալ՝ հաջողության պատմություններ, նորություններ, պրեզենտացիաներ և այլն։
- Նախագծերի կառավարմանը, քանի որ ունես համապատասխան փորձառություն տարբեր հաղորդակցման նյութերի ստեղծման մեջ, օրինակ՝ հրապարակումներ, մուլտիմեդիա, կայքէջեր, լուսանկարներ, տեսանյութեր, սոցիալական մեդիա։
- Առաջնորդության և կազմակերպչական հմտություններին։
- Վերլուծական մտածողությանը և որոշումներ կայացնելու տեխնիկաներին:
- Հաղորդակցման և բանակցելու հմտություններին:
- Ժամանակի, թիմի և նախագծերի գերազանց կառավարմանը:
ԴՈՒ ԿԱՐՈՂԱՆԱՍ
- Ստեղծել տարբեր հաղորդակցման և մարքեթինգային նյութեր ու բովանդակություն՝ ներկայացնելու համար, թե ինչու է տվյալ նախագիծը, կամ Հիմնադրամը արժանի ներդրում անելու համար:
- Մտածել ստեղծագործ և արդյունավետ ուղղիներ գտնել՝ բարձրացնելու իրազեկությունը ՔՈԱՖ-ի նախագծերի վերաբերյալ և նոր ֆինանսական նվիրատվություններ ներգրավվելու համար։
- Գերազանց խոսել, գրել հայերեն և անգլերեն։ Ռուսերենի իմացութունը կդիտվի առավելություն։
- Կառավարել մեծ թիմ և գործառույթներ։
- Աշխատել արդյունավետ` կարողանալով լուծել խնդիրները ստեղծագործ և նորարական մոտեցումներով, որոնց պատասխանները միշտ չէ, որ ակնհայտ են:
ԴՈՒ ԼԻՆԵՍ
- Փոփոխության ջատագով։
- Ստեղծագործ, կաղապարներից դուրս մտածող։
- Նպատակաուղղված՝ հասնելու արդյունքների։
- Ուշադիր և կարողանաս աշխատել ինքնուրույն։
- Նպատակասլաց, ոգևորված ՔՈԱՖ-ի գործունեությամբ։
- Արդյունավետ հաղորդակցվող ու բանակցող և ունենաս գործընթացները դյուրացնելու գերազանց հմտություններ։
- Հուզական ինտելեկտի կրող և ունենաս համագործակցության ու թիմային աշխատանքի հմտություններ:
ՄԵՆՔ
«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: Հիմնադրամի համակողմանի ծրագրային մոդելի իրագործումը սկսվել է 2004թ., և այդ ժամանակից ի վեր իրականացվում են կրթական, առողջապահական, սոցիալական և տնտեսական ծրագրեր, ինչպես նաև հիմնանորոգվում են համայնքների համար կենսական նշանակություն ունեցող ենթակառուցվածքները: Այս ծրագրերի շահառուներն են Հայաստանի Արմավիրի, Արագածոտնի, Լոռու, Գեղարքունիքի, Շիրակի և Տավուշի մարզերի 66 համայնքների ավելի քան 107,000 բնակիչները:
2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ը կկրկնօրինակվի Հայաստանի այլ մարզերում և համայնքներում:
ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։
ՔՈԱՖ-ը դինամիկ և զարգացող ոչ առևտրային կազմակերպություն է: Ընկերությունն աճում է մեծ մասշտաբներով, ուստի մեր թիմը հակված է առաջ շարժվել արագ տեմպերով: Մենք փնտրում ենք թիմակիցներ, ովքեր օժտված են կամային որակներով և պատրաստ են փոփոխությունների։
ՄԵՆՔ ԱՌԱՋԱՐԿՈՒՄ ԵՆՔ
- Կյանք փոխող աշխատանքային փորձ,
- Աշխատանք, որը կկարևորես ու կսիրես,
- Մրցակցային աշխատավարձ,
- Առողջապահական ապահովագրություն,
- 20 օր վճարվող արձակուրդ և լրացուցիչ վճարվող ազատ ժամեր,
- Մասնագիտական աճի հնարավորություններ,
- Անվճար անգլերենի և/կամ արևելահայերենի դասընթացներ՝ ըստ կարիքի,
- Կատարողականի բոնուս,
- Դրական և ստեղծագործ աշխատանքային միջավայր։
ՍՊԱՍՈՒՄ ԵՆՔ ՔԵԶ
Վերջնաժամկետը նոյեմբերի 30-ի օրվա ավարտն է։
Կազմակերպությունն ամենօրա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։