Անգլերենի ծրագրավար
«Հայաստանի մանուկներ» բարեգործական հիմնադրամ (ՔՈԱՖ)
ՔՈ ԴԵՐԸ
Եթե ակտիվ, եռանդուն, ստեղծագործական մտածելակերպ ունեցող մասնագետ ես, ապա ՔՈԱՖ-ի («Հայաստանի մանուկներ» բարեգործական հիմնադրամ) անգլերենի ծրագրավարի դերը Արմավիր և Արագածոտն մարզերում (Շենիկ, Արտենի համայնքներ) հենց քեզ համար է։ Միանալով «Հայաստանի մանուկներ» բարեգործական հիմնադրամին՝ հնարավորություն կունենաս նպաստելու երեխաների մտավոր և սոցիալական զարգացմանը Հայաստանի գյուղական համայնքներում, մասնավորապես․
Ծրագրի բովանդակության ստեղծում (50%)
- Ուսուցումն իրականացնել ՔՈԱՖ-ի Անգլերենի ծրագրի ուսումնական պլանին համապատասխան;
- Ստեղծել ուսումնական նյութեր և ռեսուրսներ, որոնք անհրաժեշտ են արդյունավետ ուսումնառություն կազմակերպելու համար;
- Ընտրել Ամերիկյան անգլերենով նյութեր, որոնք համապատասխանում են ծրագրի նպատակներին;
- Մշակել դասընթացի ծրագիր, որը հստակ ուրվագծում է դասերի թեմաները և ուսանողների ակնկալիքները;
- Մշակել և իրականացնել որակյալ դասապլաններ՝ համաձայն Աքսես ծրագրի նպատակներին;
- Երեխաների կարողությունները մոտիվացնելու և խթանելու համար օգտագործել ուսուցման տարբեր մեթոդներ;
- Նպաստել ծրագրի էլեկտրոնային ուսուցման բաղադրիչի զարգացմանը;
- Նախագծել գնահատման նյութեր՝ ուսանողների առաջընթացը ճիշտ գնահատելու համար` ծրագրի սկզբում սահմանված չափանիշներին համապատասխան։
Դասավանդում (50%)
- Դասերն անցկացնել՝ ըստ հաստատված ժամանակացույցի և ծրագրի;
- Հետևել երեխաների կատարողականին և հաճախելիությանը՝ համոզվելու համար, որ նրանք կանոնավոր կերպով զարգացնում են անգլերենի հմտությունները՝ ըստ հաստատված գնահատման սանդղակի;
- Վերահսկել երեխաների հաղորդակցումը խմբի մյուս անդամների հետ և նպաստել հետագա զարգացմանը;
- Ապահովել ուսանողների անձնական պորտֆոլիոների կազմումը, հասանելիությունը և հաճախակի թարմացումը;
- Ապահովել ուսանողների առողջությունը, անվտանգությունը և բարեկեցությունը պլանավորված դասերի և գործունեության ընթացքում;
- Ներկայացնել առաջընթացի հաշվետվություններ ՔՈԱՖ-ի կողմից սահմանված ժամանակացույցի համաձայն;
- Կատարելագործել մեթոդական և մանկավարժական հմտությունները՝ մասնակցելով սեմինարների, փորձառու գործընկերների այցելության դասերի, ինչպես նաև ինքնակրթության միջոցով։
ՔՈ ԹԻՄԸ
Ստանձնելով անգլերենի ծրագրավարի դերը՝ դու միանալու ես ՔՈԱՖ-ի Գյուղական ծրագրերի թիմին և աշխատելու ես Անգլերենի ծրագրերի ղեկավարի անմիջական ուղղորդմամբ արդյունավետ ուսուցում իրականացնելու համար։ ՔՈԱՖ-ի Անգլերենի ծրագիրը կազմված է ուսումնական վեց հիմնական մակարդակներից, որոնք էլ ապահովում են ծրագրի արդյունավետ իրականացումը։
ԴՈՒ
Մենք ակնկալում ենք, որ․
ԴՈՒ ՏԻՐԱՊԵՏԵՍ (Գիտելիք)
- Անգլերենի բանավոր և գրավոր հաղորդակցման հմտություններին գերազանց, քանի որ ունես առնվազն երեք տարվա դասավանդման փորձ և ELT որակավորում `PhD, MA, BA,
- ԱՄՆ-ի և Հայաստանի մշակութային հիմնարար գիտելիքներին,
- G-suite-ի աշխատանքային տարածքի հիմնական հմտություններին (Google)։
ԴՈՒ ԿԱՐՈՂԱՆԱՍ (Հմտություններ)
- Կազմակերպել և մասնակցել զարգացմանը միտված միջոցառումներին,
- Մոտիվացնել և նվիրված դասավանդել 8-11-րդ դասարանցիներին,
- Դրսևորել պպատրաստակամություն մասնակցելու ԱՄՆ դեսպանատան և ՔՈԱՖ-ի կողմից կազմակերպված մասնագիտական զարգացման ծրագրերին։
ԴՈՒ ԼԻՆԵՍ (Վերաբերմունք)
- Համբերատար և ճկուն,
- Փոփոխության ջատագով,
- Ստեղծագործ, “out-of-the-box” մտածող,
- Բաց նորարարության համար և քննադատ,
- Պատասխանատու և հաշվետու,
- Մեդիագրագետ,
- Սոցիալապես պատասխանատու,
- Շարունակական կրթության գաղափարի կրող։
ՄԵՆՔ
«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: Հիմնադրամի համակողմանի ծրագրային մոդելի իրագործումը սկսվել է 2004թ., և այդ ժամանակից ի վեր իրականացվում են կրթական, առողջապահական, սոցիալական և տնտեսական ծրագրեր, ինչպես նաև հիմնանորոգվում են համայնքների համար կենսական նշանակություն ունեցող ենթակառուցվածքները: Այս ծրագրերի շահառուներն են Հայաստանի Արմավիրի, Արագածոտնի, Լոռու, Գեղարքունիքի, Շիրակի և Տավուշի մարզերի 64 համայնքների ավելի քան 107,000 բնակիչները:
2015թ. սկսած՝ ՔՈԱՖ-ը մշակել և իրագործում է նոր տեսլական՝ ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: ՍՄԱՐԹ-ը կդառնա զարգացման օրինակելի մոդել և կկրկնօրինակվի Հայաստանի այլ մարզերում և համայնքներում:
ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել է 2018 թ. մայիսի 27-ին։
ՔՈԱՖ-ը դինամիկ և զարգացող ոչ առևտրային կազմակերպություն է: Ընկերությունն աճում է մեծ մասշտաբներով, ուստի մեր թիմը հակված է առաջ շարժվել արագ տեմպերով: Մենք փնտրում ենք թիմակիցներ, ովքեր օժտված են կամային որակներով և պատրաստ են փոփոխությունների։
ՄԵՆՔ ԱՌԱՋԱՐԿՈՒՄ ԵՆՔ
- Կյանք փոխող աշխատանքային փորձ,
- Աշխատանք, որը կկարևորես ու կսիրես,
- Մրցակցային աշխատավարձ,
- Առողջապահական ապահովագրություն,
- 20 օր վճարվող արձակուրդև լրացուցիչ վճարվող ազատ ժամեր,
- Մասնագիտական աճի հնարավորություններ,
- Կատարողականի բոնուս,
- Դրական և ստեղծագործ աշխատանքային միջավայր ։
ՍՊԱՍՈՒՄ ԵՆՔ ՔԵԶ
Վերջնաժամկետը մայիսի 15-ի օրվա ավարտն է։
Կազմակերպությունն իրականացնում է դիմումների ընթացիկ դիտարկում, որի արդյունքներից կախված, համապատասխան թեկնածուի հավաքագրման գործընթացը և ընտրությունը կարող է կատարվել նախքան սահմանված վերջնաժամկետի ավարտը։