Հարցազրույցներ կազմակերպելու Job.am-ի գործիքակազմը կօգնի գործատուներին ավելի արագ և արդյունավետ իրականացնել հարցազրույցների գործընթացը։ Այսուհետ կարող եք դիմորդներին հրավիրել հարցազրույցի անմիջապես հարթակից՝ մի քանի պարզ քայլով։

Ինչպես է աշխատում հարցազրույցի հրավերը

Հարցազրույցի հրավեը ստեղծելու համար պարզապես ընտրեք համապատասխան դիմորդին և սահմանեք․

• հարցազրույցի ամսաթիվը,
   
• ժամը և տևողությունը,
   
• հարցազրույցի տեսակը՝
   
  • տեղում (In person),
     
  • օնլայն (Online),
     
  • հեռախոսազրույց (Phone)։

Որտեղից կարելի է ուղարկել հրավերը

Հարցազրույցի հրավեր կարող եք ուղարկել յուրաքանչյուր աշխատանքի հայտարարության դիմորդների էջից։ Դիմորդի ռեզյումեի վերևի աջ հատվածի գործիքակազմում ավելացել է տվյալ դիմորդին հարցազրույցի հրավիրելու հնարավորություն, որից բացվում է հարցազրույց ստեղծելու էջը։

«Հարցազրույցներ» բաժին

Գործատուների համար հարթակի ձախ հատվածի նավիգացիայում ավելացել է նոր բաժին՝ «Հարցազրույցներ», որտեղ կարող եք կառավարել բոլոր հարցազրույցները մեկ վայրից։ Այստեղ հասանելի են հարցազրույցների կարգավիճակները։ Հարցազրույցների կարգավիճակները կարող են լինել․ 

• Սպասման մեջ
• Հաստատված
• Մերծված
• Չեղարկված

Հարցազրույցի ամսաթվի ավարտից հետո բոլոր հարցազրույցները ավտոմատ կերպով տեղափոխվում են «Արխիվացված» բաժին, որտեղ յուրաքանչյուր հարցազրույցի վրա սեղմելիս բացվող պատուհանում տեսանելի է նաև, թե ինչ կարգավիճակ ուներ հարցազրույցը մինչ արխիվացվելը։

Որոնում և ֆիլտրում

Հարցազրույցների բաժնում առկա է որոնման հնարավորություն՝ ըստ 

• դիմորդի անվան կամ աշխատանքի հայտատարության 
• կարգավիճակի (հնարավոր է ընտրել մի քանի կարգավիճակ)
• ամսաթվի
• աշխատանքի հայտարարությունների (հնարավոր է ֆիլտրել մեկ կամ մի քանի աշխատանքի հայտարարություններ)
   

Էլեկտրոնային  ծանուցումներ

Համակարգն ավտոմատ կերպով էլեկտրոնային ծանուցումներ է ուղարկում թեկնածուի կողմից հարցազրույցի հրավերը ընդունելուց, մերժելուց կամ չեղարկելուց հետո, իսկ հարցազրույցից 24 ժամ առաջ մասնակիցներին ուղարկվում է հիշեցում։

Առկա է նաև հարցազրույցներն օրացույցներում ավելացնելու հնարավորություն։

Job.am-ի հարցազրույցների գործիքը ստեղծված է հավաքագրման գործընթացը ավելի պարզ, արագ և արդյունավետ դարձնելու համար՝ դիմորդների հետ հարցազրույցները մեկ հարթակում կազմակերպելու միջոցով։