HoReCa վաճառքի բաժնի ղեկավար
Alpha Food Service
Deadline:
Նկարագրություն
Մենք փնտրում ենք նախաձեռնող, արդյունքներին միտված և առաջնորդական հմտություններով HoReCa վաճառքի բաժնի ղեկավարի, ով կղեկավարի HoReCa վաճառքի թիմը, կզարգացնի հաճախորդների հետ համագործակցությունը և կբարձրացնի աշխատանքի արդյունավետությունը։
Պարտականություններ
- Ղեկավարել HoReCa վաճառքի բաժինը, կազմակերպել աշխատանքային գործընթացները, վերահսկել աշխատակիցների արդյունավետությունը և գնահատել կատարողականները։
- Մասնակցել թիմի KPI-ների, վաճառքի թիրախների սահմանմանն ու ներդրմանը, վերահսկել դրանց կատարումը։
- Հետևողականորեն ապահովել աշխատակիցների մասնագիտական զարգացման, վերապատրաստման և շարունակական ուսուցման գործընթացների կազմակերպումն ու կատարելագործումը։
- Մասնակցել ամսական, եռամսյակային և տարեկան վաճառքի պլանների մշակմանը և վերահսկել դրանց իրականացումը։
- Զարգացնել և ամրապնդել համագործակցությունը գործող և նոր հաճախորդների հետ՝ ձևավորելով երկարաժամկետ և փոխշահավետ գործընկերային հարաբերություններ։
- Վարել բանակցություններ խոշոր հաճախորդների հետ, մշակել համագործակցության պայմաններ և ապահովել դրանց արդյունավետ իրականացումը։
- Հետևել HoReCa շուկայի միտումներին, մրցակիցների գործունեությանը և հաճախորդների նախասիրություններին՝ վաճառքի զարգացման նոր հնարավորություններ բացահայտելու նպատակով։
- Համագործակցել մարքեթինգի, կատեգորիաների կառավարման և այլ ստորաբաժանումների հետ՝ աշխատանքի արդյունավետության բարձրացման համար։
- Վերահսկել բաժնի դեբիտորական պարտքերը և վճարումների կարգապահությունը։
- Պատրաստել և ներկայացնել ղեկավարությանը վաճառքի արդյունքների, թիմի կատարողականի, հաճախորդների բազայի վերաբերյալ պարբերական հաշվետվություններ։
Պահանջներ
- Բարձրագույն կրթություն՝ ցանկալի է բիզնեսի, մարքեթինգի, վաճառքի կամ հարակից ոլորտում։
- Առնվազն 3 տարվա ղեկավարման փորձ վաճառքի ոլորտում, ցանկալի է՝ HoReCa սեգմենտում։
- B2B վաճառքի և խոշոր հաճախորդների հետ բանակցություններ վարելու փորձ։
- Վաճառքի պլանավորման, KPI-ների սահմանման և կատարողականի վերլուծության հմտություններ։
- Շուկայի և մրցակցային միջավայրի վերլուծության կարողություն։
- Թիմը մոտիվացնելու և առաջնորդելու կարողություն։
- Վերլուծական մտածողություն և թվերի հետ աշխատելու հմտություն։
- Բարձր պատասխանատվություն, նախաձեռնողականություն և արդյունքներին միտվածություն։
- MS Office և CRM համակարգերի օգտագործման հաստատուն գիտելիքներ
- Հայերենի, ռուսերենի լավ, անգլերենի բավարար իմացություն։
Ալֆա Ֆուդ Սերվիս ընկերությունը արդեն ավելի քան երկու տասնամյակ է, ինչ Հայաստանում ձևավորում է համի նոր մշակույթ՝ ներմուծելով աշխարհի առաջատար բրենդերի կողմից արտադրված բարձրորակ հացաբուլկեղենի և հրուշակեղենի բաղադրիչներ, պրեմիում դասի սննդամթերք, ալկոհոլային ու ոչ ալկոհոլային խմիչքներ։
Ներկայումս ընկերությունը Հայաստանում համագործակցում է շուրջ 3000 հյուրանոցների, ռեստորանների, սրճարանների (HoReCa), մանրածախ ցանցերի և խանութների, ինչպես նաև հացաբուլկեղենի և հրուշակեղենի արտադրողների հետ՝ մատակարարելով նրանց համաշխարհային առաջատար արտադրողներից միջազգային ամենաբարձր ստանդարտներին համապտասխան որակյալ ապրանքների լայն և շարունակաբար ընդլայնվող տեսականի։
Իր գործունեության ընթացքում Ալֆա Ֆուդ Սերվիսը հաջողել է ձևավորել ոչ միայն մատակարարման կայուն և բարձրորակ համակարգ, այլ նաև դարձել է մասնագիտական ստանդարտների և ոլորտային զարգացման շարժիչ ուժ։ Այս շրջանակում մենք հյուրընկալության և հանրային սննդի ոլորտի հայաստանյան գործընկերին տրամադրում ենք համալիր աջակցություն՝ ներառյալ տեխնոլոգիական խորհրդատվություն, օպտիմալացման լուծումներ և մարքեթինգային ուղեկցություն։
Ընկերությունը կարևոր դեր ունի նաև մասնագիտական համայնքների զարգացման գործում, քանզի պարբերաբար կազմակերպում է կրթական ծրագրեր, վարպետության դասեր, դեգուստացիաներ և մասնագիտական վերապատրաստումներ սեփական ուսումնական հարթակներում և արտասահմանում։
2020 թվականից սկսած Ալֆա Ֆուդ Սերվիսը զարգացնում է նաև սեփական մանրածախ բրենդների՝ «The House» պրեմիում ալկոհոլային խմիչքների ու դելիկատեսների և «The Bake House» հացաբուլկեղենի ու հրուշակեղենի արտադրության համար նախատեսված բաղադրիչների և մասնագիտական սարքավորումների խանութների ցանցը։
Spread the word! Share this job on social media
