Երբևէ մտածե՞լ եք, թե ինչն է ամենակարևորը գործատուի համար։ Ի՞նչն է օգնում որոշել՝ ընդունել ձեզ աշխատանքի, թե ոչ։ Հաջողակ գործադիր տնօրենները (CEO-ները) տալիս են այս հարցի պատասխանը՝ փորձից զատ նրանք փնտրում են ընդամենը երեք հիմնական հատկանիշ։

Առաջինը համագործակցելու ունակությունն է։ Օրինակ՝ Wisp ընկերության գլխավոր տնօրեն Մոնիկա Ցեպակը միշտ հարցնում է թեկնածուներին, թե երբ են վերջին անգամ բարդ խնդիր լուծել և ինչպես են դա արել։ Եթե թեկնածուն ասում է, որ խնդիրը լուծել է միայնակ՝ առանց ուրիշների մասնակցության, դա կարող է լինել անհանգստացնող նշան։ Բայց եթե նա պատմում է, որ ներգրավել է թիմ, քննարկել է ուրիշների հետ, ապա դա նշանակում է՝ նա լավ է աշխատում ուրիշների հետ, և սա շատ արժեքավոր է։

Երկրորդ՝ կատարողականություն։ Գլխավոր տնօրենները գնահատում են մարդկանց, ովքեր ոչ միայն խոսում են, այլև իրականում ավարտում են սկսած գործը։ Այս մարդիկ հստակ կատարում են իրենց հանձնարարությունները, պահում են ժամկետները և պատասխանատվություն են կրում իրենց աշխատանքի համար։ Շատ ղեկավարներ նշում են, որ ձգտում են թիմում ունենալ այնպիսի մարդիկ, ովքեր գիտեն՝ ինչպես վերջացնել գործը՝ ոչ թե պարզապես խոսել դրա մասին։

Երրորդ՝ վստահելիություն։ Եթե թեկնածուն հարցազրույցի ժամանակ պատմում է իրական դեպք, որտեղ ցույց է տալիս թե՛ համագործակցություն և թե՛ աշխատանքը ժամանակին կատարելու ունակություն, նա արդեն տպավորում է։ Դա խոսում է նրա փորձի և պատասխանատվության մասին։

Այս երեք հատկությունը՝ համագործակցություն, կատարողականություն և վստահելիություն, միասին ստեղծում են աշխատակցի այն տեսակը, որին գործատուներն ամենից շատ են փնտրում։ Եվ եթե դուք կարողանում եք ցույց տալ այդ հատկանիշները հստակ օրինակներով, ապա արդեն իսկ մեկ քայլ առաջ եք մրցակիցներից։