Պարտիզպան
Alpha Food Service
Green job
Deadline:
Ալֆա Ֆուդ Սերվիս Ընկերությունը փնտրում է հմուտ պարտիզպանի (այգեպանի)
Պարտիզպանը ապահովելու է կազմակերպության արտաքին և ներքին կանաչ տարածքների, ծառերի, թփերի, ծաղկանոցների, խոտածածկերի և դեկորատիվ բուսականության պատշաճ խնամքը, զարգացումն ու պահպանությունը՝ ստեղծելով անվտանգ, գեղեցիկ և էսթետիկ միջավայր։
Պարտականություններ
- Խնամել բոլոր արտաքին և ներքին կանաչ տարածքները
- Իրականացնել կանաչ տարածքների մաքրում, խոտհունձ, ջրում, էտում, նոր տնկիների խնամք, ծաղիկների տնկում, սեզոնային ծաղիկների փոխարինում, մոլախոտերի հեռացում, պարարտացում
- Պահպանել կանաչ տարածքների էսթետիկ տեսքը
- Ստուգել ոռոգման համակարգերի աշխատանքը, բացահայտել արտահոսքերը
- Կարգավորել ջրման ժամանակացույցը և վերահսկել ջրի սպառումը
- Ապահովել բույսերի համար անհրաժեշտ խոնավության մակարդակը
- Բացահայտել բույսերի հիվանդությունները
- Բացահայտել վնասատուներին և կիրառել համապատասխան պայքարի միջոցառումներ
- Համագործակցել ագրոնոմների և մասնագիտացված կազմակերպությունների հետ
- Կազմել բույսերի վիճակի պարբերական հաշվետվություններ
Պահանջներ
- Ծառերի և թփերի, դեկորատիվ բույսերի խնամք
- Գազոնների սպասարկում
- Պարարտանյութերի կիրառում
- Ոռոգման համակարգերի շահագործում
- Բույսերի հիվանդությունների ճանաչում
- Անվտանգ աշխատանքի կանոնների իմացություն
ԻՐԱՎԱՍՈՒԹՅՈՒՆՆԵՐ
- Ներկայացնել կանաչապատման բարելավման առաջարկներ
- Պահանջել անհրաժեշտ նյութեր և գործիքներ
- Կասեցնել բույսերին վնաս հասցնող գործողությունները
- Առաջարկել նոր ծառերի, թփերի և դեկորատիվ բույսերի տնկման ծրագրեր
Աշխատանքը գտնվում է Թաիրովում։
Դիմելու համար կարող եք ուղարկել ինքնակենսագրականները նշված էլ․ հասցեին կամ զանգահարել +374 91727740 հեռախոսահամարով։
Ալֆա Ֆուդ Սերվիս ընկերությունը արդեն ավելի քան երկու տասնամյակ է, ինչ Հայաստանում ձևավորում է համի նոր մշակույթ՝ ներմուծելով աշխարհի առաջատար բրենդերի կողմից արտադրված բարձրորակ հացաբուլկեղենի և հրուշակեղենի բաղադրիչներ, պրեմիում դասի սննդամթերք, ալկոհոլային ու ոչ ալկոհոլային խմիչքներ։
Ներկայումս ընկերությունը Հայաստանում համագործակցում է շուրջ 3000 հյուրանոցների, ռեստորանների, սրճարանների (HoReCa), մանրածախ ցանցերի և խանութների, ինչպես նաև հացաբուլկեղենի և հրուշակեղենի արտադրողների հետ՝ մատակարարելով նրանց համաշխարհային առաջատար արտադրողներից միջազգային ամենաբարձր ստանդարտներին համապտասխան որակյալ ապրանքների լայն և շարունակաբար ընդլայնվող տեսականի։
Իր գործունեության ընթացքում Ալֆա Ֆուդ Սերվիսը հաջողել է ձևավորել ոչ միայն մատակարարման կայուն և բարձրորակ համակարգ, այլ նաև դարձել է մասնագիտական ստանդարտների և ոլորտային զարգացման շարժիչ ուժ։ Այս շրջանակում մենք հյուրընկալության և հանրային սննդի ոլորտի հայաստանյան գործընկերին տրամադրում ենք համալիր աջակցություն՝ ներառյալ տեխնոլոգիական խորհրդատվություն, օպտիմալացման լուծումներ և մարքեթինգային ուղեկցություն։
Ընկերությունը կարևոր դեր ունի նաև մասնագիտական համայնքների զարգացման գործում, քանզի պարբերաբար կազմակերպում է կրթական ծրագրեր, վարպետության դասեր, դեգուստացիաներ և մասնագիտական վերապատրաստումներ սեփական ուսումնական հարթակներում և արտասահմանում։
2020 թվականից սկսած Ալֆա Ֆուդ Սերվիսը զարգացնում է նաև սեփական մանրածախ բրենդների՝ «The House» պրեմիում ալկոհոլային խմիչքների ու դելիկատեսների և «The Bake House» հացաբուլկեղենի ու հրուշակեղենի արտադրության համար նախատեսված բաղադրիչների և մասնագիտական սարքավորումների խանութների ցանցը։
Spread the word! Share this job on social media
