Շուկայի զարգացման պատասխանատու
Էկոֆորմ ՍՊԸ
Նկարագրություն
Էկոֆորմ Ընկերությունը փնտրում է վաճառքի ոլորտը հստակ պատկերացնող շուկայի զարգացման պատասխանատուի:
Պարտականություններ
- Շուկայի պարբերական ուսումնասիրություն, սպառողների պահանջմունքների բացահայտում,
- Տվյալ աշխատանքային օրվա պլանավորում և այցելություն տարածքներ,
- Վաճառակետերում ապրանքների ներկայացվածության, հագեցվածության ու դասավորվածության ապահովում,
- Նոր հաճախորդների ներգրավում,
- Հաճախորդների հետ գործարար հարաբերությունների հաստատում և պահպանում,
- Ապրանքի վաճառքի խթանմանն ուղղված միջոցառումների իրականացում,
- Բանակցությունների վարում, նոր վաճառակետերի ներգրավում,
- Անմիջական ղեկավարի կողմից այլ հանձնարարություններ:
Պահանջներ
- Բարձրագույն կրթություն (ցանկալի է շուկայագիտության, կոմերցիայի կամ հարակից այլ ոլորտներում),
- Ակտիվ վաճառքի ոլորտում պարտադիր աշխատանքային փորձ,
- Հետաքրքրվածություն վաճառքի ոլորտում,
- Մաթեմատիկական գիտելիքներ, զարգացած տրամաբանական մտածողություն,
- Լավատեսություն, դրական աուրա,
- Խոսքի հստակություն և գրավչություն,
- Պատասխանատվության բարձր զգացում,
- Ներկայանալի տեսք,
- Անձնական մեքենայի առկայություն:
Հավելյալ տրամադրվում է վառելիքի գումար և մեքենայի մաշվածության ծախսերի գումար։
«Էկոֆորմ» ՍՊԸ հիմնադրվել է 2016 թվականին և անցնելով շուկայի պայմաններից բխող ձևափոխումների միջով կարճ ժամանակահատվածում առևտրային կազմակերպությունից դարձել է հայկական շուկայում լայն ներկայացված առևտրաարտադրական դինամիկ զարգացող ընկերություն: Լինելով դիվերսիֆիկացված ընկերություն «Էկոֆորմ» ՍՊԸ -ն մեծ ճանաչում ունի պլաստիկ տարաների արտադրության, կենցաղային քիմիայի արտադրության և շինանյութի ներմուծման և վաճառքի ոլորտում: Ընկերության գլխավոր նպատակն է զարգացնել հայրենական արտադրությունը, խթանել աշխատատեղերի ավելացմանը և սպառողին ներկայանալ մշտապես բարձրորակ արտադրանքով:
1.Պլաստիկի արտադրություն
Ընկերության հիմնական արտադրական ոլորտներից է պլաստմասե նախակաղապարների, տարաների, խցանների, բռնակների արտադրությունը: Արտադրվում է PET.HDPE, LDPE, PP, ABS, PS հումքերից:
Հաճախորդներին ամբողջական ծառայություններ մատուցելու նպատակով, բացի բուն արտադրական գործընթացը, մենք առաջարկում ենք դիզայնի և նախագծման աշխատանքներ: Նշված մոտեցման շնորհիվ հնարավոր է դառնում գտնել փոխշահավետ և օպտիմալ լուծումներ: Մեր հաճախորդներին աջակցելու և բիզնեսին խթանելու նպատակով ընկերությունը որոշում է կայացրել ներդրում կատարել մեր իսկ կողմից նախագծված և պատրաստված կաղապարնեի մեջ: Մենք կիսում ենք Ձեր հետ, Ձեր նախընտրած կաղապարի համար արված ծախսը, տալով հնարավորություն ունենալ նոր և տարբերվող տեսականի:
Ընկերության տեխնիկական հագեցվածության շնորհիվ, կարողանում ենք գոհացնել անգամ ամենախստապահանջ հաճախորդներին: Արտադրանքի իրացումը իրականացվում է արհեստավարժ թիմի միջոցով, որը մշտական կապի հանգույց է շուկայի և արտադրության միջև:
2.Կենցաղային քիմիայի արտադրություն
Ելնելով այն յուրահատկությունից, որ կենցաղային քիմիայի արտադրանքների հետ մարդիկ առնչվում են առօրյայում և շատ կարևոր է սպառողների վստահությունը, մեր ընկերության կողմից մշակվել, ներդրվել և գործարկվում է որակի հսկողության անհատական համակարգ: Կայուն որակ ապահովելու գրավականներից մեկը, բարձրորակ հումքի առկայությունն է, որը ապահովվում է ոլորտի առաջատարների հետ ունեցած համաձայնությունների շնորհիվ: Եվրոպական տեխնոլոգիաների և մեր բարձրակարգ մասնագետների աշխատանքի շնորհիվ, մեր ընկերության արտադրանքը շուկայում առաջատար է:
Արտադրանքի իրացումը կազմակերպվում է ընկերության վաճառքի թիմի միջոցով, որը օպերատիվ կերպով հավաքագրում, մշակում և ներկայացնում է շուկայի պահանջները:
Spread the word! Share this job on social media
