Շինարարության որակի վերահսկման մասնագետ
DIGITAIN
Deadline:
Նկարագրություն
Շինարարության որակի վերահսկման մասնագետի հիմնական նպատակն է ապահովել շինարարական, հարդարման, կահույքի, դեկորատիվ և հարակից աշխատանքների որակական համապատասխանությունը հաստատված նախագծերին, տեխնիկական պահանջներին, պայմանագրային պայմաններին և ընկերության որակի չափանիշներին։
Մասնագետը պետք է հիմնականում գտնվի շինարարական տեղամասում, հետևի աշխատանքների ընթացքին, ժամանակին բացահայտի թերությունները և հետևողականորեն ապահովի դրանց շտկումը կապալառուների, մատակարարների և ներքին թիմերի հետ համագործակցությամբ:
Պարտականություններ
- Ամենօրյա հիմունքով վերահսկել շինարարական, հարդարման, մոնտաժային, կահույքի և դեկորատիվ աշխատանքների որակը։
- Ստուգել կատարվող աշխատանքների համապատասխանությունը հաստատված գծագրերին, տեխնիկական պահանջներին և ընկերության կողմից սահմանված որակի չափանիշներին։
- Համեմատել փաստացի կատարված աշխատանքները նախագծային փաստաթղթերի հետ և ժամանակին արձանագրել շեղումները։
- Վերահսկել տեղամաս մատակարարվող նյութերի, կահույքի, դեկորատիվ տարրերի, սարքավորումների և այլ ապրանքների որակը։
- Ստուգել մատակարարվող ապրանքների համապատասխանությունը հաստատված նմուշներին, տեխնիկական նկարագրերին և պայմանագրային պահանջներին։
- Հայտնաբերել անորակ, թերի, վնասված կամ սխալ կատարված աշխատանքներն ու մատակարարումները։
- Կազմել թերությունների ցուցակներ, ֆոտոարձանագրություններ և հետևել դրանց շտկման ընթացքին։
- Պահանջել կապալառուներից և մատակարարներից հայտնաբերված թերությունների շտկում։
- Մասնակցել որակի վերահսկման գործընթացի պլանավորմանը, ստուգման փուլերի և ստուգացանկերի մշակմանը։
- Հետևել, որ կարևոր աշխատանքները չշարունակվեն կամ չփակվեն առանց նախնական որակի ստուգման։
- Մասնակցել տեղամասային հանդիպումներին և ներկայացնել որակի հետ կապված խնդիրները, ռիսկերը և առաջարկվող լուծումները։
- Պատրաստել պարբերական հաշվետվություններ կատարված ստուգումների, հայտնաբերված խնդիրների և շտկման կարգավիճակի վերաբերյալ։
- Համագործակցել կապալառուների, մատակարարների, նախագծողների և ներքին թիմերի հետ՝ որակական խնդիրների արագ լուծման նպատակով:
Պահանջներ
- Շինարարական և կահավորման աշխատանքների որակը գնահատելու կարողություն։
- Շինարարական գծագրեր, հատակագծեր, հանգույցներ և տեխնիկական փաստաթղթեր կարդալու հմտություն։
- Գծագրերի և փաստացի կատարման համապատասխանությունը ստուգելու կարողություն։
- Շինարարական և հարդարման նյութերի, կահույքի և դեկորատիվ տարրերի վերաբերյալ ընդհանուր գիտելիքներ։
- Ուժեղ հաղորդակցման և բանակցային հմտություններ։
- Կապալառուների, մատակարարների և ներքին թիմերի հետ արդյունավետ աշխատելու հմտություն։
- Խնդիրները հստակ ձևակերպելու և լուծումներ առաջարկելու կարողություն։
- Հաշվետվություններ, թերությունների ցուցակներ և ստուգման արձանագրություններ կազմելու կարողություն։
- MS Office ծրագրերի իմացություն։
- AutoCAD, Revit, ծրագրերի իմացությունը ցանկալի է:
- Աշխատանքային փորձ շինարարական ոլորտում։
- Որակի վերահսկման փորձը կդիտվի որպես առավելություն։
- Կապալառուների և մատակարարների հետ աշխատանքային փորձը ցանկալի է։
Digitain is one of the leading IT companies in Armenia that creates optimal and user-friendly solutions for businesses, thus gracefully representing Armenia at various international expositions and platforms worldwide. With the rapidly growing number of employees and global partners, the company creates a positive work culture to inspire its employees to continuously write its success story by working together toward a common vision.
Spread the word! Share this job on social media
