Սարքատեղակայող (ք․ Երևան)
"Telecom Armenia" OJSC
Deadline:
Նկարագրություն
Team Telecom Armenia-ն փնտրում է սարքատեղակայող Երևան քաղաքում։
Պարտականություններ
- Տեղակայել ռադիոսարքեր, ալեհավաքներ և ռադիո հեռահաղորդակցության բնագավառին վերաբերող այլ սարքավորումներ բազային կայաններում և հանգուցային կետերում,
- Սպասարկել բջջային կայանները վթարային և պլանային պայմաններում,
- Կառուցել ռադիոկապուղիներ (ռադիոկամուրջներ և կետ-կետ միացումներ),
- Իրականացնել բարձրության վրա վտանգավոր աշխատանքներ՝ ալպինիստական տեխնոլոգիաներով,
- Ներկայացնել հաշվետվություններ վթարային և պլանային աշխատանքների վերաբերյալ,
- Տեղակայել հաստատուն հոսանքի սնուցման սարքեր, մարտկոցներ, պահարաններ և այլ հարակից սարքավորումներ,
- Իրականացնել ռադիոկայմերի(ռադիոաշտարակների) և անտենաֆիդերային կայանքների մոնտաժում, նորոգում և շահագործատեխնիկական սպասարկում,
- Կատարել ռադիոռելեային և մեկ արբանյակային ընդունմամբ կայանների սպասարկման, շահագործման և կառավարման աշխատանքներ։
Պահանջներ
- Թերի բարձրագույն/միջնակարգ տեխնիկական կրթություն,
- Տեխնիկական բազային գիտելիքներ, բարձրության վրա վտանգավոր աշխատանքների կատարման հավաստագիրը ցանկալի է,
- Բարձր լեռնային, դժվարանցանելի պայմաններում մեքենա վարելու հմտություն,
- Վարորդական իրավունք - BC կարգ,
- Լարված իրավիճակներում և հերթափոխով աշխատելու պատրաստակամություն,
- Պատասխանատվություն և ճշտապահություն,
- MS Office-ի իմացություն,
- Գործողումներին պատրաստակամություն,
- Ժամանակը կառավարելու ունակություն,
- Թիմում աշխատելու գերազանց կարողություններ,
- Ծանրաբեռնված աշխատանքային գրաֆիկով աշխատելու պատրաստակամություն,
- Ցանկալի է նվազագույնը 1 տարվա փորձ համապատասխան ոլորտում:
T
Տելեկոմ Արմենիա ԲԲԸ-ն (ապրանքանիշը՝ Team Telecom Armenia) հայկական ընկերություն է, որը առաջատար դիրք է զբաղեցնում երկրի հեռահաղորդակցության և տեղեկատվական տեխնոլոգիաների ոլորտներում։
Հանդիսանալով Հայաստանում առաջին տելեկոմ ցանցի ժառանգորդը՝ ընկերությունն ունի ոլորտում ծառայությունների մատուցման ավելի քան 100 տարվա պատմություն։ Այս հարուստ փորձի և ժամանակակից տեխնոլոգիաների համադրության շնորհիվ՝ Team-ը հուսալի և նորարար ծառայություններ է տրամադրում թե՛ անհատ, թե կորպորատիվ բաժանորդներին։
Ընկերությունը ՀՀ տարածքում տրամադրում է բջջային և ֆիքսված ինտերնետի, թվային հեռուստատեսության, բջջային և ֆիքսված հեռախոսակապի ծառայություններ, որոնց բարձր որակն ապահովելու նպատակով Team-ը 2021 թվականին մեկնարկեց իր ռազմավարական նախագիծը՝ տարածաշրջանում եզակի՝ 25 Գբ/վ թողունակությամբ (NGN, Next Generation Network) ցանցի կառուցումը։ Nokia-ի հետ համագործակցությամբ իրականացվող այս ծրագրի արդյունքում ցանցն արդեն հասանելի է Երևանի և մարզերի ավելի քան 330 000 տնային տնտեսության: Առաջիկայում այս ցանցը որակյալ կապով և ինտերնետով կապահովի Հայաստանի բոլոր բնակիչներին։
Ինտերնետի հուսալիության և անվտանգության մակարդակը Հայաստանում բարձրացնելու, ինչպես նաև երկրի կախվածությունն արտերկրում տեղի ունեցող վթարներից նվազեցնելու համար, Team-ը 2024 թ․-ի սկզբին գործարկել է երրորդ միջազգային կապուղին ավելի քան 1 Տբ/վ թողունակությամբ, որը Հայաստանը Եվրոպայի ամենամեծ տվյալների փոխանակման կենտրոնին՝ Ֆրանկֆուրտին կապում է նոր՝ այլընտրանքային ճանապարհով։
Ընկերությունը հիմնովին վերազինել և բարելավել է նաև DWDM ցանցը, ինչը Մերձավոր Արևելքի տարանցիկ կապուղիների և ինտերնետի վաճառքի շուկա մուտք գործելու հնարավորություն է ընձեռել։ Կարճ ժամանակահատվածում Team-ը դարձավ այդ ուղղությամբ ինտերնետ արտահանող խոշորագույն ընկերություններից մեկը՝ ծառայություններ մատուցելով Մերձավոր Արևելքի 5 երկրների։
էլեկտրական մեքենաների օգտագործումը Հայաստանում խթանելու և ավելի հեշտ, անխոչընդոտ ու հաճելի դարձնելու նպատակով Team Telecom Armenia-ն կառուցում է Team Energy արագ լիցքավորման կայանների ցանցը Հայաստանի ողջ տարածքում։ Նորարարական լուծումներով այս ցանցի զարգացումը դրական ազդեցություն կունենա նաև շրջակա միջավայրի վրա։
«Տելեկոմ Արմենիա» ԲԲԸ-ն առաջին տելեկոմ ընկերությունն է, որը Հայաստանում իրականացրել է բաժնետոմսերի առաջնային հրապարակային տեղաբաշխում (IPO)՝ դառնալով է՛լ ավելի բաց ու հանրային։ Ընկերության բաժնետոմսերը ցուցակված են Հայաստանի ֆոնդային բորսայում։
Կորպորատիվ սոցիալական պատասխանատվության շրջանակներում ընկերությունն աջակցում է տեխնոլոգիական, կրթական ու գիտական, ինչպես նաև բնապահպանական նախագծերի իրագործմանը, նպաստում հայկական բովանդակության ստեղծմանն ու տարածմանը, մարզերի զարգացմանը ու թիմային ոգին խրախուսող մարզաձևերի ու նախաձեռնությունների իրականացմանը:
Spread the word! Share this job on social media
