Ներմուծման և արտահանման մասնագետ
Էկոֆորմ ՍՊԸ
Job posting has expired
Նկարագրություն
Էկոֆորմ ընկերությունը աշխատանքի է հրավիրում` ներմուծման և արտահանման մասնագետի:
Պարտականություններ
- Ստեղծել անհրաժեշտ գործարար կապեր արտերկրի գնորդների և վաճառողների միջև,
- Նոր գործընկերների ներգրավում և գործարար բանակցությունների վարում,
- Հարցումների կազմում և պատվերների ձևակերպում,
- Մատակարարվող ապրանքների գների, ժամկետների, պայմանագրի այլ կետերի շուրջ բանակցային գործընթացների իրականացում և վերահսկում,
- Լավագույն գնային և ապրանքային առաջարկներ ներկայացնող ընկերությունների համեմատական վերլուծություն,
- Իրականացնել ներմուծման աշխատանքներ,
- Բեռնափոխադրման գործընթացի կազմակերպում,
- Ճանապարհատրանսպորտային փաստաթղթերի պատրաստում,
- Ներմուծման ողջ գործընթացի կազմակերպում և վերահսկում,
- Անհրաժեշտ հաշվետվությունների կազմում և ներկայացում
- Վերահսկել ապրանքների անհրաժեշտ առկայությունը պահեստում,
- Իրականացնել ապրանքանիշի կառավարման աշխատանքներ,
- Ապահովել կնքվող պայմանագրերի, համաձայնագրերի, այլ անհրաժեշտ փաստաթղթերի, այդ թվում նաև արտահանման արտոնագրերի պատշաճ ձևակերպումները,
- Վերահսկել գնորդների կողմից ապրանքների կամ ծառայությունների համար վճարումը:
Պահանջներ
- Բարձրագույն կրթություն,
- Հայերեն, ռուսերեն, անգլերեն,պարսկերեն լեզուների գերազանց իմացություն,
- Ներմուծման ոլորտում նվազագույնը 3 տարվա աշխատանքային փորձ,
- Աշխատանքային գործուղումների մեկնելու հնարավորություն:
Հավելյալ նշումներ
Աշխատանքային օրեր և ժամեր, երկուշաբթիից-շաբաթ, 09:00-18:00.
«Էկոֆորմ» ՍՊԸ հիմնադրվել է 2016 թվականին և անցնելով շուկայի պայմաններից բխող ձևափոխումների միջով կարճ ժամանակահատվածում առևտրային կազմակերպությունից դարձել է հայկական շուկայում լայն ներկայացված առևտրաարտադրական դինամիկ զարգացող ընկերություն: Լինելով դիվերսիֆիկացված ընկերություն «Էկոֆորմ» ՍՊԸ -ն մեծ ճանաչում ունի պլաստիկ տարաների արտադրության, կենցաղային քիմիայի արտադրության և շինանյութի ներմուծման և վաճառքի ոլորտում: Ընկերության գլխավոր նպատակն է զարգացնել հայրենական արտադրությունը, խթանել աշխատատեղերի ավելացմանը և սպառողին ներկայանալ մշտապես բարձրորակ արտադրանքով:
1.Պլաստիկի արտադրություն
Ընկերության հիմնական արտադրական ոլորտներից է պլաստմասե նախակաղապարների, տարաների, խցանների, բռնակների արտադրությունը: Արտադրվում է PET.HDPE, LDPE, PP, ABS, PS հումքերից:
Հաճախորդներին ամբողջական ծառայություններ մատուցելու նպատակով, բացի բուն արտադրական գործընթացը, մենք առաջարկում ենք դիզայնի և նախագծման աշխատանքներ: Նշված մոտեցման շնորհիվ հնարավոր է դառնում գտնել փոխշահավետ և օպտիմալ լուծումներ: Մեր հաճախորդներին աջակցելու և բիզնեսին խթանելու նպատակով ընկերությունը որոշում է կայացրել ներդրում կատարել մեր իսկ կողմից նախագծված և պատրաստված կաղապարնեի մեջ: Մենք կիսում ենք Ձեր հետ, Ձեր նախընտրած կաղապարի համար արված ծախսը, տալով հնարավորություն ունենալ նոր և տարբերվող տեսականի:
Ընկերության տեխնիկական հագեցվածության շնորհիվ, կարողանում ենք գոհացնել անգամ ամենախստապահանջ հաճախորդներին: Արտադրանքի իրացումը իրականացվում է արհեստավարժ թիմի միջոցով, որը մշտական կապի հանգույց է շուկայի և արտադրության միջև:
2.Կենցաղային քիմիայի արտադրություն
Ելնելով այն յուրահատկությունից, որ կենցաղային քիմիայի արտադրանքների հետ մարդիկ առնչվում են առօրյայում և շատ կարևոր է սպառողների վստահությունը, մեր ընկերության կողմից մշակվել, ներդրվել և գործարկվում է որակի հսկողության անհատական համակարգ: Կայուն որակ ապահովելու գրավականներից մեկը, բարձրորակ հումքի առկայությունն է, որը ապահովվում է ոլորտի առաջատարների հետ ունեցած համաձայնությունների շնորհիվ: Եվրոպական տեխնոլոգիաների և մեր բարձրակարգ մասնագետների աշխատանքի շնորհիվ, մեր ընկերության արտադրանքը շուկայում առաջատար է:
Արտադրանքի իրացումը կազմակերպվում է ընկերության վաճառքի թիմի միջոցով, որը օպերատիվ կերպով հավաքագրում, մշակում և ներկայացնում է շուկայի պահանջները:
Spread the word! Share this job on social media
