Երթակարգավար (դիսպետչեր)
ASEDL LLC
Նկարագրություն
ԱՍԷԴԼ-ի տրանսպորտի բաժնի թիմին միանալու ենք հրավիրում երթակարգավարի, ով իրականացնելու է երթուղիների պլանավորում, երթուղաթերթիկների տրամադրում վարորդների, երթերի վերահսկողություն:
Պարտականություններ
- Իրականացնում է վարորդների երթուղիների կազմակերպումն ըստ տարբեր ստորաբաժանումներից ապրանքների առաքման համար ներկայացված հայտերի,
- Կազմակերպում է առաքման գործընթացները,
- Վերահսկում է վարորդների տեղաշարժը համապատախան ծրագրով,
- Մուտքագրում է երթուղիների և վառելիքի վերաբերյալ տվյալները համապատասխան ծրագիր,
- Կազմակերպում և վերահսկում է վառելիքի տրամադրման գործընթացը,
- Կազմակերպում է կապալառուների ապրանքների տեղափոխումը:
Պահանջներ
- Բարձրագույն կրթություն,
- MS Office-ի իմացություն,
- 1C ծրագրի իմացությունը կդիտարկվի որպես առավելություն,
- Պլանավորման հմտություններ,
- Հաղորդակցման հմտություններ:
Հավելյալ նշումներ
Ընկերությունը աշխատում է 6-օրյա աշխատանքային գրաֆիկով, գտնվում ենք Նոր Նորքի 5-րդ զանգվածում:
«ԱՍԷԴԼ» ՍՊԸ-ն հիմնադրվել է 2004թ.-ին և մինչ այժմ զբաղվում է ալյումինե և մետաղապլաստե պրոֆիլների, ապակե կոնստրուկցիաների աքսեսուարների (բռնակներ, փականներ, ծխնիներ, ամրակային դետալներ և այլն), պատուհանագոգերի, ապակու և հաստոցների մանրածախ և մեծածախ վաճառքով: Տարիների ընթացքում հետևելով արտադրության և շինարարության ոլորտների զարգացման ժամանակակից միտումներին` ընկերությունը սկսում է ընդլայնել իր աշխատանքի ծավալները և զբաղվել բազմաոլորտ արտադրատեխնիկական գործունեությամբ: Այսօր ընկերությունը հանդիսանում է լուսաթափանց կոնստրուկցիաներ` դռներ, պատուհաններ, ապակյա փաթեթներ, ֆասադներ, ծածկեր, գմբեթներ, վիտրաժներ, ցուցափեղկեր, շարժական և անշարժ միջնորմներ, բազրիքներ, կահույք, լոգախցիկներ, արտադրող առաջատար կազմակերպություններից մեկը՝ ողջ ՀՀ տարածքում: 2006թ.-ից ընկերությունը զբաղվում է մետաղապլաստե և ալյումինե պատուհանների և դռների արտադրությամբ՝ օգտագործելով եվրոպական ապրանքանիշի հուսալի սարքավորումներ: 2007թվ.-ին հիմնադրում է մետաղապլաստե պրոֆիլների կորացման արտադրամասը, որտեղ մասնագետներն իրականացնում են ցանկացած բարդության կամարաձև կոնստրուկցիաների աշխատանքներ: 2008թվ.-ից ընդլայնելով իր արտադրական ոլորտը` մետաղապլաստե և ալյումինե կոնստուկցիաների տեսականին համալրվում է սլայդ մեխանիզմներով՝ դռներ, ֆասադներ, ֆոտոէլեմենտով դռներ, ալյումինե շերտավարագույրներ: 2008թվ.-ին հիմնադրվել է ՊՎՔ պրոֆիլների բազմագույն թաղանթներով լամինապատման արտադրամասը, որտեղ աշխատանքները կատարվում են նորագույն գերհզոր տեխնոլոգիաներով, հատուկ սոսինձներով և բարձրորակ լամինացիոն թաղանթներով: 2009թ.-ից «ԱՍԴԷԼ» ՍՊԸ-ն սկսում է զբաղվել ապակիների ներկրմամբ և վաճառքով, և մինչ նույն թվականի վերջ ավելացնում արտադրության ևս մեկ ուղղություն՝ ապակյա կոնստրուկցիաների արտադրություն: Ապակյա արտադրատեսականիների բարձր որակն ապահովելու համար ընկերությունը ստեղծել է արտադրական համալիր, որը հագեցած է թվային ծրագրավորմամբ ղեկավարվող հաստոցներով: