Ցանցային սուպերմարկետների վաճառքի մենեջեր (իգական սեռի)
Էկոֆորմ ՍՊԸ
Deadline:
Նկարագրություն
Էկոֆորմ ընկերությունը , որը զբաղվում է կենցաղային քիմիայի արտադրությամբ, աշխատանքի է հրավիրում Վաճառքի-մենեջերի (ցանցային սուպերմարկետների վաճառքի մենեջեր):
Պարտականություններ
- Ուսումնասիրել շուկան և կազմակերպել նոր ապրանքատեսականու ավելացումը առևտրային կետերում,
- Վերահսկել և զարգացնել ապրանքատեսականու շարժի գործընթացը,
- Ներկայացնել և դիրքավորել ապրանքանիշը բոլոր առևտրային կետերում,
- Գնահատել վաճառակետերի առևտրային պոտենցիալը,
- Ներկայացնել հաշվետվություններ մրցակից ապրանքանիշերի գնային և վաճառքի քաղաքականության վերաբերյալ,
- Հետևել ապրանքների մնացորդներին և պիտանելիության ժամկետներին,
- Վերահսկել արդեն իսկ գործող վաճառքները, ակցիաները, զեղչային համակարգերը:
Պահանջներ
- Բարձրագույն կրթություն,
- աշխատանքային փորձ պարտադիր է,
- Հաղորդակցման գերազանց հմտություն,
- Վերլուծական մտածողություն,
- Թիմում աշխատելու հմտություն,
- Որոշումների կայացման և խնդիրների լուծման ունակություն,
- Վարորդական իրավունք, անձնական մեքենայի առկայությունը պարտադիր է:
Հավելյալ նշումներ
Աշխատանքային օրեր և ժամեր` երկուշաբթիից-ուրբաթ` 09:00-18:00:
«Էկոֆորմ» ՍՊԸ հիմնադրվել է 2016 թվականին և անցնելով շուկայի պայմաններից բխող ձևափոխումների միջով կարճ ժամանակահատվածում առևտրային կազմակերպությունից դարձել է հայկական շուկայում լայն ներկայացված առևտրաարտադրական դինամիկ զարգացող ընկերություն: Լինելով դիվերսիֆիկացված ընկերություն «Էկոֆորմ» ՍՊԸ -ն մեծ ճանաչում ունի պլաստիկ տարաների արտադրության, կենցաղային քիմիայի արտադրության և շինանյութի ներմուծման և վաճառքի ոլորտում: Ընկերության գլխավոր նպատակն է զարգացնել հայրենական արտադրությունը, խթանել աշխատատեղերի ավելացմանը և սպառողին ներկայանալ մշտապես բարձրորակ արտադրանքով:
1.Պլաստիկի արտադրություն
Ընկերության հիմնական արտադրական ոլորտներից է պլաստմասե նախակաղապարների, տարաների, խցանների, բռնակների արտադրությունը: Արտադրվում է PET.HDPE, LDPE, PP, ABS, PS հումքերից:
Հաճախորդներին ամբողջական ծառայություններ մատուցելու նպատակով, բացի բուն արտադրական գործընթացը, մենք առաջարկում ենք դիզայնի և նախագծման աշխատանքներ: Նշված մոտեցման շնորհիվ հնարավոր է դառնում գտնել փոխշահավետ և օպտիմալ լուծումներ: Մեր հաճախորդներին աջակցելու և բիզնեսին խթանելու նպատակով ընկերությունը որոշում է կայացրել ներդրում կատարել մեր իսկ կողմից նախագծված և պատրաստված կաղապարնեի մեջ: Մենք կիսում ենք Ձեր հետ, Ձեր նախընտրած կաղապարի համար արված ծախսը, տալով հնարավորություն ունենալ նոր և տարբերվող տեսականի:
Ընկերության տեխնիկական հագեցվածության շնորհիվ, կարողանում ենք գոհացնել անգամ ամենախստապահանջ հաճախորդներին: Արտադրանքի իրացումը իրականացվում է արհեստավարժ թիմի միջոցով, որը մշտական կապի հանգույց է շուկայի և արտադրության միջև:
2.Կենցաղային քիմիայի արտադրություն
Ելնելով այն յուրահատկությունից, որ կենցաղային քիմիայի արտադրանքների հետ մարդիկ առնչվում են առօրյայում և շատ կարևոր է սպառողների վստահությունը, մեր ընկերության կողմից մշակվել, ներդրվել և գործարկվում է որակի հսկողության անհատական համակարգ: Կայուն որակ ապահովելու գրավականներից մեկը, բարձրորակ հումքի առկայությունն է, որը ապահովվում է ոլորտի առաջատարների հետ ունեցած համաձայնությունների շնորհիվ: Եվրոպական տեխնոլոգիաների և մեր բարձրակարգ մասնագետների աշխատանքի շնորհիվ, մեր ընկերության արտադրանքը շուկայում առաջատար է:
Արտադրանքի իրացումը կազմակերպվում է ընկերության վաճառքի թիմի միջոցով, որը օպերատիվ կերպով հավաքագրում, մշակում և ներկայացնում է շուկայի պահանջները:
Spread the word! Share this job on social media
