Աշխատանքային անվտանգության ինժեներ

Նկարագրություն

Աշխատանքային անվտանգության ինժեները մասնակցում է կազմակերպությունում աշխատանքային անվտանգության և բնապահպանական կառավարման համակարգերի արդյունավետ իրականացմանը՝ հետևելով գործող պահանջների պահպանմանը, մասնակցելով համապատասխան գործընթացների կազմակերպմանը, մշտադիտարկմանը և բարելավմանը։ Պաշտոնը ներառում է նաև աշխատանքային և բնապահպանական ռիսկերի գնահատման, կանխարգելիչ միջոցառումների, թափոնների կառավարման և համապատասխան ISO ստանդարտների պահանջների իրականացման աշխատանքներ։

Հիմնական պարտականություններ

• Անմիջական ղեկավարի ուղղորդմամբ մասնակցել աշխատանքային անվտանգության և բնապահպանական գործընթացների կազմակերպմանը, իրականացմանը և մշտադիտարկմանը
• Իրականացնել աշխատավայրերում անվտանգության և բնապահպանական պահանջների պահպանման դիտարկումներ
• Ներգրավվել աշխատանքային և բնապահպանական ռիսկերի գնահատման գործընթացներում
• Մասնակցել շրջակա միջավայրի վրա բացասական ազդեցությունների նվազեցման և կանխարգելման միջոցառումների մշակմանը և իրականացմանը
• Մասնակցել թափոնների կառավարման, ռեսուրսների արդյունավետ օգտագործման և շրջակա միջավայրի պահպանության միջոցառումների իրականացմանը
• Մասնակցել ISO 45001 և ISO 14001 ստանդարտների պահանջների ներդրման, փաստաթղթավորման, ընթացակարգերի մշակման և մշտադիտարկման աշխատանքներին
• Հետևել աշխատանքային անվտանգության և բնապահպանական պահանջների պահպանմանը և արձանագրել համապատասխան շեղումները
• Մասնակցել ներքին և արտաքին աուդիտների նախապատրաստման և իրականացման գործընթացներին
• Պատրաստել և վարել աշխատանքային անվտանգության և բնապահպանական ոլորտներին վերաբերող հաշվետվություններ և գրանցումներ, այդ թվում՝ բնապահպանական ցուցանիշների մոնիթորինգի տվյալներ
• Մասնակցել աշխատակիցների աշխատանքային անվտանգության և բնապահպանական իրազեկման և ուսուցման գործընթացներին
• Իրականացնել աշխատակիցների աշխատանքային անվտանգության վերաբերյալ հրահանգավորումներ
• Մասնակցել անվտանգության և բնապահպանական գործընթացների բարելավմանն ուղղված առաջարկների մշակմանը և դրանց իրականացմանը
• Անհրաժեշտության դեպքում համագործակցել կազմակերպության համապատասխան ստորաբաժանումների հետ՝ անվտանգության և բնապահպանական պահանջների ապահովման նպատակով

Պահանջվող որակավորումներ

• Բարձրագույն կրթություն՝ տեխնիկական, բնապահպանական կամ հարակից ոլորտում
• Համապատասխան աշխատանքային փորձը կդիտարկվի որպես առավելություն
• ISO 45001 և ISO 14001 ստանդարտների վերաբերյալ գիտելիքներ կամ դրանք սովորելու պատրաստակամություն
• Աշխատանքային անվտանգության, բնապահպանական նորմերի, թափոնների կառավարման և էկոլոգիական պահանջների վերաբերյալ գիտելիքները կդիտարկվեն որպես առավելություն
• Համակարգչային գիտելիքներ՝ Microsoft Office (Word, Excel, Outlook), 1C-ի իմացությունը կդիտվի որպես առավելություն
• Հայերենի գերազանց իմացություն, ռուսերեն և անգլերեն լեզուների իմացությունը կդիտվի որպես առավելություն
• Պատասխանատվության բարձր զգացում
• Ուշադրություն մանրուքներին
• Վերլուծական մտածողություն և խնդիրների լուծման հմտություններ
• Թիմում աշխատելու կարողություն
• Հաղորդակցման զարգացած հմտություններ
• Սթրեսակայունություն
• Վերջնաժամկետներին հետևելու ունակություն
• Նախաձեռնողականություն
• Սովորելու և մասնագիտական զարգացման պատրաստակամություն
• Բարեվարքություն (integrity) և ազնվություն

Պայմաններ և այլ դրույթներ

• Ընկերությունն աշխատակիցներին ապահովում է Երևան-Մասիս-Երևան անվճար տրանսպորտով։ Ավտոբուսը Երևանից Մասիս հասնում է 15-20 րոպեում։
• Ընկերությունում աշխատելը տալիս է մի շարք արտոնություններ և առավելություններ, որոնց կարող եք ծանոթանալ ստորև։
• Ընկերությունը տալիս է մասնագիտական և կարիերային աճի հնարավորություն։
• Հարցազրույցի հրավիրելու որոշումը կախված է դիմորդի կողմից վերոնշյալ պահանջներին համապատասխանելու աստիճանից։
• Բոլոր դիմորդների տվյալները պահպանվելու են տվյալների բազայում և հետագայում «Գրանդ Հոլդինգ»-ի որևէ ընկերությունում համապատասխան թափուր հաստիքի առաջացման դեպքում կարող են դիտարկվել այդ հաստիքը լրացնելու նպատակով։
• Ուրախ կլինենք, եթե միանաք «Գրանդ Հոլդինգ»-ի ՄՌԿ թելեգրամյան ալիքին և հետևեք մեր նորություններին և թափուր հաստիքներին - https://t.me/grandholdinghr

Company օverview

Address

ՀՀ, Ք. Մասիս, Հրանտ Վարդանյան 8

Number of employees

1001+

Website

https://grandmaster.am/

Phone

099127545

«Գրանդ Մաստեր»-ն իր գործունեությունը ծավալում է 2006 թվականից: Մինչ այդ ընկերության տարածքում գործում էր 1969 թ.-ին հիմնադրված «Մասիսի Գոֆրոտարա» արտադրական ձեռնարկությունը, որը զբաղվում էր բացառապես գոֆրոտարայի արտադրությամբ: Հայտնի գործարար Հրանտ Վարդանյանի կողմից ձեռք բերվելուց հետո՝ կազմակերպությունն ընդգրկվեց Հայաստանում ձեռարկությունների խոշորագույն խմբի՝ «Գրանդ Հոլդինգ»-ի կազմի մեջ։ Տվյալ իրադարձությամբ տրվեց մեկնարկ բազմաթիվ նոր ծրագրերի և խոշոր ներդրումների: Պահպանելով գործունեության մասնագիտացված տեսակը՝ ստեղծվեցին նոր արտադրության ճյուղեր․ կառուցվեցին օֆսեթ և խորը տպագրության արտադրամասերը։

Բացի արտադրության բարձր որակից, մեծ ուշադրություն է դարձվում Ընկերության կառավարման համակարգերին, ինչպես նաև ընկերության գործունեության արդյունքում շրջակա միջավայրի վրա ունեցած բացասական ազդեցության կրճատմանը։ Գրանդ Մաստեր ընկերությունն ունի ISO 9001 և ISO 14001 միջազգային ստանդարտների հավաստագրեր, ինչպես նաև անցել է EcoVadis համակարգով գնահատում:

2024 թ.-ին գործարկվելու է թղթի, ստվարաթղթի, ինչպես նաև սանհիգիենիկ թղթի արտադրություն: Ծրագիրն իր մեջ ներառում է նաև թափոնների տեսակավորման և վերամշակման մշակույթի զարգացումը հասարակության բոլոր շերտերում՝ առաջատար և թվային տեխնոլոգիաների, հասարակայնության հետ կապի և իրազեկման միջոցների կիրառմամբ։ Հայաստանի տարածքում արդեն իսկ գործարկվել է թղթի թափոնների տեսակավորման և վերամշակման մշակույթի զարգացումը խթանող TAPON.AM նոր բջջային հավելվածը ։

See more

Benefits

Annual salary review

Corporate events

Business trips

Education reimbursement

Free parking

Paid day-offs