You have successfully subscribed ․ You’ll receive messages when company publishes new jobs
Team Systems
70 և ավելի էնտուզիաստներից և պրոֆեսիոնալներից բաղկացած մեր թիմը կազմավորվել է դեռևս 2008թ․-ին։ Արդյունքում, կարճ ժամանակահատվածում ընկերությունը դարձել է էլեկտրատեխնիկական, ցածրահոս համակարգերի և ՏՏ սարքավորումների մատակարարմամբ և ինտեգրմամբ զբաղվող խոշոր կազմակերպություն։
Միևնույն ժամանակ, կնքված համագործակցության հարյուրավոր պայմանագրերի և իրականացված հազարավոր նախագծերի արդյունքում ընկերությունը երբեք չի դադարել նոր լուծումներ առաջարկելուց։
Արևային էներգիայի ուղղությամբ ընկերությունը 2021 թվականից իրականացնում է արևային կայանների նախագծում և կառուցում, իսկ 2023 թվականից հանդիսանում է Huawei փոխակերպիչների բացառիկ մատակարարը Հայաստանում։
Զարգացման հաջորդ փուլում, 2023թ․-ին մեկնարկեց մեր նոր նախաձեռնությունը՝ Team Energy։ Սա էլեկտրական մեքենաների լիցքավորման կայանների ցանց է, որը հասանելի է ինչպես Երևանում, այնպես էլ Հայաստանի մարզերում։
Տեխնոլոգիական առաջընթացի շրջանակում, 2024թ․-ին մեր հաճախորդներին ներկայացրեցինք նոր լուծում՝ Smart Place by Team Syatems։ Այն ստեղծվել է տների, գրասենյակների և հյուրանոցների լիարժեք ավտոմատացման ու կառավարման համար՝ դարձնելով առօրյան ավելի խելացի, հարմարավետ և էներգախնայող։
Տարեցտարի ընդլայնելով ընկերության կողմից մատուցվող ծառայությունների ցանկը՝ այսօր մենք առաջարկում ենք համապարփակ լուծումներ մեր հաճախորդներին։
Հետևաբար, այլևս կարիք չկա դիմելու մի քանի մասնագիտացված ընկերություններ, որպեսզի ձեր տան, գրասենյակի կամ այլ նշանակության շինության էլեկտրասնուցումը, կապը, անվտանգությունը, ավտոմատացումն ու կառավարումը և տեխնոլոգիական վերազինումը ի կատար ածվեն։
Արդյունքում, նախագծումից իրականացում, ապա սպասարկում, էներգիայի գեներացումից մինչև դրա սպառում, անվտանգության ապահովում և սարքավորումներով զինում՝ մենք հոգ կտանենք այդ ամենի մասին։
