ArLeAM ընկերությունը Հայաստանում իր տեսակի մեջ եզակի գյուղատնտեսական հոլդինգ է, որը բացառապես պրոֆեսիոնալ մոտեցում է ցուցաբերում անգամ մանրուքներում։ Մենք սկսել ենք մեր ուղին ժամանակակից եվրոպական տեխնոլոգիաներով ինտենսիվ մրգային այգիներ ստեղծելուց։ Զուգահեռաբար ներդրվել է տեսակավորման «խելացի» արտադրական հոսքագիծ մրգերի և բանջարեղենի համար։ Մենք մեր սեփական փորձով ենք սովորել արհեստավարժորեն կազմակերպել մրգերի արտադրման ամբողջ շղթան՝ աճեցումից սկսած մինչև բերքը վերջնական սպառողին մատակարարելը։ «ArLeAM»-ի՝ ավելի քան 90 հա տարածք զբաղեցնող ինտենսիվ այգիներում աճեցվում են խնձորի և ծիրանի՝ համաշխարհային ճանաչում ունեցող լավագույն տեսակներ։ «ArLeAM»-ը ներկայացնում է նաև բնական հյութեր, մեղրի տարբեր տեսակներ, ձեռագործ շոկոլադ: «ArLeAM»-ի «Դուռ» ապրանքանիշի ներքո մեկտեղված են բարձրակարգ գինիների, հայկական բրենդի, օ դե վի-ների և այլ ալկոհոլային խմիչքների լայն տեսականի: