Get our free app. It won't take up space on your device

«ԼԻԳԼ ԱՐՏ» իրավաբանական գրասենյակ» ՍՊԸ

(1) ք. Երևան, Հաղթանակի 1-ին փ., 1/1 շ. և (2) ք.Երևան, Ա.Վշտունի 73

About «ԼԻԳԼ ԱՐՏ» իրավաբանական գրասենյակ» ՍՊԸ

«ԼԻԳԼԱՐՏ ԻՐԱՎԱԲԱՆԱԿԱՆ ԳՐԱՍԵՆՅԱԿ» ընկերությունը հանդիսանում է Հայաստանում իրավաբանական խոշոր ընկերություններից մեկը: Ընկերությունը հիմնադրվել է 2010 թվականին երկու առաջատար իրավաբանական և տնտեսագիտական ուղղվածության ընկերությունների թիմերի միավորման արդյունքում, որոնք ավելի քան 10 տարի ակտիվ գործունեություն են ծավալել այս ոլորտում: «ԼԻԳԼԱՐՏ» իրավաբանական ընկերությունը իրավաբանական ծառայություններ է մատուցում իրավունքի բոլոր ճյուղերով: Ընկերության թիմը մասնագիտացված է ոլորտի բոլոր ուղղություններով: Իրավաբաններից շատերը համատեղում են պրակտիկ իրավաբանի աշխատանքը հանրապետության լավագույն բուհերում դասախոսելու հետ:

Մեր հաճախորդները տարբեր իրավիճակներում՝ իրենց ամենաբարդ խնդիրների լուծումը վստահում են մեզ: Նրանց խնդիրները դիտարկվում են ամբողջական ու խորքային հեռանկարում՝ որի հիմքով առաջադրվում են արդյունավետ լուծումներ: Հաճախորդների հետ արդյունավետորեն համագործակցելով՝ մենք արագորեն հաղթահարում ենք առկա խոչընդոտները և գրանցում իրապես արժեքավոր արդյունքներ:

Մենք ունենք ծավալուն փորձ բիզնեսի կառավարման, իրավական խորհրդատվության, աշխատակազմերի վերապատրաստման, ինչպես նաև գործարարներին մասնագիտական ուղղորդման գործում: Բազմաթիվ դեպքերում արժանացել ենք մեր հաճախորդների այնպիսի վստահությանը, որ նրանք ամբողջությամբ մեզ են հանձնել իրենց բիզնեսի կամ դրա մի մասի կառավարումը՝ ապահովելով գործի հաղթական և շահավետ արդյունք:

Ընկերությունն ունի գործընկերներ 5 երկրներում, այդ թվում՝ ինչպես հարևան Վրաստանում և Ռուսաստանում, այնպես էլ եվրոպական մի շարք երկրներում: