«Ինֆեկցիոն հիվանդությունների ազգային կենտրոնը» հանդիսանում է Հայաստանի առաջատար մասնագիտացված բժշկական հաստատություններից մեկը, որը ձևավորվել է Երևանի «Նորք» ինֆեկցիոն կլինիկական հիվանդանոցի և ՁԻԱՀ-ի կանխարգելման հանրապետական կենտրոնի բազմամյա փորձի ու մասնագիտական ներուժի միավորմամբ։ Վերջերս կենտրոնին է միացել նաև «Թոքաբանության ազգային կենտրոնը»՝ ձևավորվելով որպես «Թոքաբանության ազգային կլինիկա», ինչի շնորհիվ մեր ծառայությունների շրջանակն ընդլայնվել է՝ ներառելով շնչառական և թոքային հիվանդությունների ախտորոշումն ու բուժումը։

Մեր կենտրոնն աշխատում է ոչ միայն բուժման ուղղությամբ, այլ նաև հիվանդությունների կանխարգելման, կրթության և հանրության առողջ ապրելակերպի խթանման ուղղությամբ՝ հիմք ընդունելով գիտական ապացույցներով հաստատված մոտեցումներ։

Մենք հարստացնում ենք մեր մասնագիտական թիմի փորձը՝ մասնակցելով վերապատրաստումների, միջազգային համագործակցությունների և գիտական փորձի փոխանակման, զարգացնելով նոր մոտեցումներ՝ մեզ դիմած պացիենտներին առավել արդյունավետ սպասարկում ցուցաբերելու համար։

Աշխատելով մեզ մոտ՝ Դուք կմիանաք մի ընկերության, որն ունի իրական ազդեցություն հանրային առողջության վրա, աշխատում է ժամանակակից տեխնոլոգիաներով, խթանում է մասնագիտական աճը և կարևորում է յուրաքանչյուր աշխատակցի ներդրումը։

Միացե՛ք մեզ՝ առողջության հանդեպ ձեր նվիրվածությունն ուղղելու այն վայրում, որտեղ ամեն օր իրական մարդկանց կօգնենք առողջ մնալ։

• Պացիենտի համար առաջնահերթություն – մեր բոլոր գործողությունները կենտրոնացած են առողջապահական սպասարկման բարձր որակի և պացիենտի շահի վրա։

• Պրոֆեսիոնալիզմ և գիտական մոտեցում – մենք կիրառում ենք ժամանակակից բժշկական ստանդարտներ, գիտական տվյալներ և լավագույն պրակտիկա։

• Թափանցիկություն և պատասխանատվություն – մեր աշխատանքը հիմնված է ազնվության և հստակ պատասխանատվության վրա։

• Անվտանգություն և որակ – առաջնային ենք համարում ինչպես աշխատակիցների, այնպես էլ պացիենտների առողջության և անվտանգության պահպանությունը։

• Համագործակցություն և թիմային աշխատանք – Համագործակցությունը մեր հաջողության հիմքն է։ Մենք գնահատում ենք փոխադարձ աջակցությունը, գիտելիքների փոխանակումն ու միասնական նպատակը։

• Նորարարություն և զարգացում – մշտապես ձգտում ենք բարելավել գործընթացներն ու ծառայությունները՝ նոր տեխնոլոգիաների և գիտական նորամուծությունների միջոցով։ Խրախուսում ենք մասնագիտական աճը, վերապատրաստումները և նորարարական մոտեցումների ներդրումը։