«Երեմյան Փրոջեքթս»-ը Հայաստանում ռեստորանային բիզնես ոլորտի առաջատար ընկերություններից է, որի հիմնադիրն է՝ ռեստորատոր Դավիթ Երեմյանը: Ընկերությունն իր գործունեության շուրջ 17 տարիների ընթացքում ստեղծել և իրականացրել է համարձակ, յուրօրինակ և կոնցեպտուալ` տասնյակից ավելի նախագծեր, մեծ ներդրում ունեցել Հայաստանում ռեստորանային ոլորտի զարգացման գործում:

«Երեմյան Փրոջեքթս» ընկերության ամբողջ փիլիսոփայությունն ամփոփված է «Աշխատանքը սկսվում է երազանքից» կարգախոսում․ ընկերության ցանկացած նախագծի գաղափար ծնվում է արժեքավորը պահպանելու, նոր ու մնայուն արժեքներ ստեղծելու, Հայաստանն ու մեր քաղաքը գունեղ ու բազմազան ներկայացնելու երազանքից։ «Երեմյան Փրոջեքթս»-ը միավորում է երևանցիների և քաղաքի հյուրերի կողմից ամենասիրված և ճանաչված հայկական ռեստորանային կոնցեպտները՝ «Բուրգըրի Անգուս ընդ Մոր», իտալական «Կազա Նոստրա», բարձր խոհանոց ներկայացնող «Լիվինգսթոն», «Լավաշ», «Շերեփ» ռեստորանները, «Սմոքինգ Շեֆ» սթեյք-հաուզը, «Պանդոկ Երևան», «Պանդոկ Երևան գետափին»-ը, «Երևանի Շաուրմա» արագ սննդի ռեստորանների ցանցը և «Սիզընս» նախագծերը` ռեստորան, սրճարան, հրուշակարան, պաղպաղակի սրահ։

«Երեմյան Փրոջեքթս» ընկերությունը 2021թ․- ի հոկտեմբերի 17- ին ներկայացրեց կոնցեպտուալ նոր մոտեցմամբ՝ «Ռենոմե» ռեստորանը։ «Ռենոմե»-ն բացառիկ ձևաչափով ռեստորան է, որն իր հյուրերին ներկայանում է բարձր հեղինակային խոհանոցով :

Թիմ

Մարդը մեր գերագույն արժեքն է, թիմը՝ հաջողության գրավականը։

Աշխատանքում գնահատում ենք նվիրվածությունը, ստեղծագործական ներուժը, պրոֆեսիոնալիզմը, կամային հատկանիշներն ու համագործակցային մթնոլորտը։

Նոր մշակույթ

Մենք ստեղծում ենք նոր մշակույթ՝ սննդի օգտագործման ու սպասարկման ասպարեզում՝ հասարակության լայն շերտերին հաղորդակից դարձնելով կենսագործունեությանն անհրաժեշտ սննդակարգի և որակյալ ապրանքատեսակների կարևորությանը, ինչպես նաև՝ հյուրընկալության էսթետիկային։

Զարգացում

Նպաստում ենք Հայաստանում գյուղատնտեսության, գաստրո և հյուրընկալության, մասնագիտական կրթության, զբոսաշրջության և սննդարտադրության ոլորտների արդյունավետ զարգացմանը՝ ստեղծելով գերազանցության կենտրոններ, կազմակերպելով դասընթացներ ու դասախոսություններ։

Որակ

“Երեմյան Փրոջեքթս” կազմակերության բիզնես մշակույթը բարձր որակի հոմանիշն է։ Անկախ նախագծերի բնույթից և մարտահրավերներից՝ մենք ապահովում ենք որակյալ արտադրանք և բարձրակարգ ծառայություններ, որոնք լինելով սպառողների խոշորացույցի ներքո՝ ապացուցում են իրենց մրցունակությունը։

Նորարարություն

“Երեմյան Փրոջեքթս” կազմակերպության հիմքում նորարարությունն է։ Մենք օգտագործում ենք նորագույն տեխնոլոգիաներ ու սարքավորումներ գյուղատնտեսության, սննդի վերամշակման և այլ ոլորտներում՝ խրախուսելով աշխատակիցների ստեղծագործական նախաձեռնողականությունն ու ազատությունը։

Մենք միշտ պատրաստ ենք մարտահրավերների, որոնք մեզ տանում են նոր մշակույթների ու համարձակ գաղափարների իրագործման ճանապարհով։