Մեր հիմնական սկզբունքն է` քայլել այնպիսի ճանապարհով, որով դեռ ոչ ոք չի համարձակվել անցնել, նախաձեռնել անհնարին թվացող ծրագրեր ու դրանց իրականացման ճանապարհին կատարել մասնագիտական թռիչքներ, ճեղքել պատնեշներն ու դուրս գալ ավելի մեծ ասպարեզներ:

- Նոր ու անհնարին թվացող ծրագրերի նախաձեռնում եւ հետեւողական իրագործում,

- խնդիրներին գլոբալ մոտեցում` համաշխարհային տենդենցներին ու միջազգային չափանիշներին համապատասխան, 

- մասնագիտական ներուժի մշտական կատարելագործում.

ահա այն հիմնական սկզբունքները, որոնց շնորհիվ «Արթին էնթրփրայսն» իր գործունեության մոտ 13 տարիների ընթացքում ունեցել է աննախադեպ հաջողություններ, ապահովել անընդհատ զարգացում:

Անշարժ գույք, գնահատում, շինարարություն, խորհրդատվություն.

սրանք այն հիմնական ուղղություններն են, որոնք տարիների ընթացքում զարգացրել է «Արթին էնթրփրայսը»` առքուվաճառքի փոքրիկ ընկերությունից վերածվելով տարածաշրջանում մեծ հեղինակություն ունեցող ընկերության:

Մենք Հայաստանի անշարժ գույքի շուկայի առաջին եւ հեղինակավոր ընկերություններից մեկն ենք, շուկայի առաջին պրո‎‎‎ֆեսիոնալներից, իսկ գնահատման ու խորհրդատվության բնագավառում` տարածաշրջանում այն հատուկենտ ընկերություններից, որ ճանաչված է միջազգային մասնագիտական կառույցների կողմից, իսկ մասնագետները տիրապետում են գնահատման ամենահեղինակավոր լիցենզիաներին, գրանցված են միջազգային մի քանի ռեեստրներում:

Իր հիմնադրումից`1995 թ. օգոստոսից մինչ օրս «Արթին Էնթրփրայսն» անմիջական մասնակցություն է ունեցել Հայաստանի անշարժ գույքի քաղաքակիրթ ու միջազգային չափանիշներին ձգտող շուկայի ձեւավորմանը, երկրի զարգացման ծրագրերին ու նրա ներդրումային գրավչության բարձրացմանը, անշարժ գույքի ոլորտի օրենսդրության, ստանդարտների մշակմանը: