You have successfully subscribed ․ You’ll receive messages when company publishes new jobs
Alpha Engineering
Ընկերությունը ավելի քան 15 տարի հաջողությամբ գործում է Հայաստանի ողջ տարածքում՝ զբաղվելով շենք շինությունների ինժեներական համակարգերի նախագծմամբ, մոնտաժմամբ և սպասարկմամբ։ Մենք մասնագիտացած ենք էլեկտրամատակարարման, հրդեհային անվտանգության համալիր լուծումների, անվտանգության համալիր լուծումների և մալուխային կառուցվածքային համակարգերի ոլորտներում։
Մեր գործունեության ընթացքում մենք խստորեն պահպանում ենք բոլոր գործող ազգային նորմատիվային փաստաթղթերը, և անհրաժեշտության դեպքում՝ միջազգային ստանդարտները։ Դա մեզ հնարավորություն է տալիս երաշխավորելու իրականացվող նախագծերի անվտանգությունն ու հուսալիությունը։
Ծառայությունների բարձր որակը, փորձը և հուսալիությունը մեզ դարձնում են վստահելի գործընկեր մեր հաճախորդների համար՝ ապահովելով երկարաժամկետ համագործակցություն։
Մենք բարձր ենք գնահատում պրոֆեսիոնալիզմը, պատասխանատվությունը և պարտաճանաչությունը։ Հատուկ ուշադրություն ենք դարձնում թիմային ոգուն՝ ընկերական մթնոլորտը, գործընկերների աջակցությունը կազմակերպության ներսում և հարգանքը միմյանց հանդեպ ձևավորում են առողջ աշխատանքային միջավայր և նպաստում արդյունավետ համագործակցությանը։
Վստահ ենք, որ մեր աշխատակիցները մեր գլխավոր կապիտալն են և ընկերության հաջողության հիմնասյունը։ Նրանց փորձը, գիտելիքները և իրենց գործին նվիրումը թույլ են տալիս մեզ իրականացնել բարձրորակ և հուսալի նախագծեր։
Մշտապես ձգտում ենք զարգացման, նորարարությունների և բարձր որակի բոլոր ուղղություններով։
