Ինչպես է փոփոխվում աշխատակիցների վարքը ժամանակակից աշխատաշուկայում
5/16/2025
349 views
Դինամիկ կերպով զարգացող աշխատաշուկայում ոչ պակաս արագությամբ փոփոխվում են նաև աշխատակիցների վարքը և պահանջները։ Առաջ են գալիս աշխատակիցների հոգնածության, աշխատանքից դուրս գալու ցանկության և աշխատավայրի հետ կապված նոր սպասումների հարցերը, որոնց անտեսումը կարող է ընկերություններին հանգեցնել լավագույն տաղանդների կորստի։
Աշխատանքից հրաժարվելու միտումները
Աշխատանքնից հեռանալը դարձել է միտում, որը աճում է տարբեր ոլորտներում։ Բազմաթիվ մարդիկ չեն ստանում բավարար կարիերայի աճի հեռանկարներ կամ աջակցություն իրենց աշխատանքում։ Հատկապես վերջին տարիներին մարդկանց կողմից հաճախակի է դառնում իրենց աշխատանքից հրաժարվելու միտումը՝ սթրեսի բարձր մակարդակի, մասնագիտական այրման և վատ մենեջմենթի պատճառով։
Սթրես և մասնագիտական այրում (burnout)
Այս երկու խնդիրները դարձել են ավելի ակնհայտ վերջին տարիներին, հատկապես համավարակից հետո։ Աշխատողների մոտ այն առաջանում է, երբ նրանցից պահանջվում է ավելի մեծ պատասխանատվություն ստանձնել՝ առանց բավարար աջակցության կամ ընդունելի աշխատավարձի։
Փոփոխվող սպասումները աշխատանքի նկատմամբ
Նախկինում աշխատողները շատ ավելի զիջող էին աշխատանքային պայմանների քննարկման հարցում, բայց այսօր պահանջները փոխվել են։ Աշխատակիցները սկսում են պահանջել ավելի մեծ ճկունություն, ինչը ենթադրում է աշխատանքի և անձնական կյանքի հավասարակշռության ապահովման ավելի մեծ հնարավորություններ։ Աշխատողները այժմ փնտրում են ոչ միայն պարգևավճարներ, այլև այնպիսի աշխատանք, որը խոստանում է կարիերայի աճ։
Համաշխարհային միտումներ ու արձագանքներ
Համաշխարհային միտումները ցույց են տալիս, որ շատ կազմակերպություններ են սկսում հարմարվել այս նոր պահանջներին՝ փոխելով իրենց աշխատելաոճը։ Բազմաթիվ ընկերություններ արդեն ներդրել են համակարգեր՝ ապահովելու համար աշխատանքի ավելի մեծ ճկունություն, հեռավար աշխատելու հնարավորություններ և կրճատել են աշխատանքային ժամերը՝ նպատակ ունենալով նվազեցնել սթրեսը և բարելավել աշխատանքի արդյունավետությունը։ Ընկերությունները գիտակցում են, որ եթե չհոգան աշխատակիցների բարեկեցության մասին, ապա կարող են կորցնել նրանց։
You may also like
