Խորհրդատու-վաճառող (Պտղնի մասնաճյուղում)
Im Aygin
Նկարագրություն
«ԻՄ ԱՅԳԻՆ» խանութ-սրահը հրավիրում է աշխատանքի խորհրդատու-վաճառողի՝ Պտղնիի մասնաճյուղում։
Աշխատանքը ներառում է ինչպես հաճախորդների սպասարկում և վաճառք, այնպես էլ ապրանքների ընդունում, տեղափոխում ու դասավորում։ Տեսականու մեջ կան նաև ծանր և խոշոր սարքավորումներ՝ մինչև 35 կգ քաշով, ուստի անհրաժեշտ է ֆիզիկական աշխատանքի պատրաստակամություն՝ անվտանգության կանոնների պահպանմամբ։
Փնտրում ենք պատասխանատու, աշխատասեր և տեխնիկայով հետաքրքրված աշխատակցի, որը պատրաստ է սովորելու և մասնագիտորեն զարգանալու մեր թիմում։
Պարտականություններ
-
Հաճախորդների սպասարկում և խորհրդատվություն։
-
Ապրանքների ներկայացում, դրանց առանձնահատկությունների և կիրառման բացատրություն։
-
Հաճախորդի կարիքներին համապատասխան ապրանքների առաջարկում։
-
Ապրանքների ընդունում, տեղափոխում, դասավորում և ցուցադրության կազմակերպում։
-
Խանութի առօրյա աշխատանքներին մասնակցություն։
Պահանջներ
-
Ազնվություն, պատասխանատվություն և աշխատասիրություն։
-
Հաճախորդների հետ հաղորդակցվելու կարողություն։
-
Այգեգործական տեխնիկայի և գործիքների նկատմամբ հետաքրքրություն։
-
Նոր ապրանքներն ուսումնասիրելու և մասնագիտական գիտելիքներ ձեռք բերելու պատրաստակամություն։
-
Աշխատանքային պարտականությունների շրջանակում անհրաժեշտ ֆիզիկական աշխատանք կատարելու պատրաստակամություն։
-
Վաճառքի ոլորտում աշխատանքային փորձը ցանկալի է, բայց պարտադիր չէ։
Աշխատանքի պայմաններ
-
Աշխատավայր՝ Պտղնիի մասնաճյուղ, Կոտայքի մարզ, Սևանի խճուղի, Նորավան 55։
-
Հիմնական աշխատավարձ՝ առաջին աշխատանքային տարում՝ ամսական 170 000 դրամ, երկրորդ տարվանից նախատեսվում է աշխատավարձի բարձրացում։
-
Հավելավճար՝ աշխատանքի արդյունքներից կախված՝ մինչև 120 000 դրամ ամսական, միջինը՝ 60 000 դրամ և ավելի։
-
Աշխատանքային գրաֆիկ՝ վեցօրյա, աշխատաժամերը՝ համաձայնեցմամբ։
-
Խանութի աշխատանքային ժամերը՝ 10:00–19:00։
-
Պաշտոնական գրանցում՝ ՀՀ օրենսդրությանը համապատասխան։
-
Պարտադիր բժշկական ապահովագրություն՝ ընկերության հաշվին։
-
Ամենամյա վճարովի արձակուրդ։
-
Ապրանքների վերաբերյալ ուսուցում և մասնագիտական զարգացման հնարավորություն։
-
Պրակտիկա՝ 10 օր՝ օրապահիկի տրամադրմամբ։
-
Փորձաշրջան՝ 1 ամիս։
«ՅՈՒՆԻԹՈՒԼԶ» ՍՊԸ-ն Հայաստանում այգեգործական և անտառտնտեսական տեխնիկայի, գործիքների, ոռոգման համակարգերի և հարակից ապրանքների ներմուծմամբ ու վաճառքով զբաղվող ընկերություն է։
Ընկերությունը Հայաստանում STIHL ապրանքանիշի բացառիկ ներմուծողն է և զարգացնում է «ԻՄ ԱՅԳԻՆ» (MY GARDEN) բազմաբրենդ խանութ-սրահները։
Մեր տեսականին ներառում է միջազգային ճանաչում ունեցող ապրանքանիշերի արտադրանք՝ STIHL, FISKARS, CLABER, HUNTER, RAIN BIRD և այլ ապրանքանիշեր։
«ԻՄ ԱՅԳԻՆ» խանութ-սրահները գործում են Երևանում՝ Դավիթ Անհաղթի 8/10 հասցեում, և Կոտայքի մարզում՝ Սևանի խճուղի, Նորավան 55 հասցեում։ Նորավանում գործում է նաև STIHL տեխնիկայի սպասարկման և վերանորոգման կենտրոնը։
Մեր գործունեությունը հիմնված է որակյալ արտադրանքի, մասնագիտական խորհրդատվության, հաճախորդների հետ երկարաժամկետ համագործակցության և վաճառքից հետո սպասարկման վրա։
Մենք կարևորում ենք պատասխանատու, նախաձեռնող և մասնագիտական զարգացման պատրաստ աշխատակիցներին։