Տվյալների վերլուծման մասնագետ

Նկարագրություն

Շինարարական ոլորտում գործունեություն իրականացնող ընկերությունը փնտրում է տվյալների վերլուծման մասնագետի, ով կապահովի ընկերության տրանսպորտային միջոցների և հատուկ տեխնիկայի տեղաշարժի, շահագործման և վառելիքի օգտագործման վերահսկողությունը։

Պարտականություններ

• Իրականացնել ընկերության ավտոմեքենաների և հատուկ տեխնիկայի GPS համակարգերի ամենօրյա մոնիտորինգ։
• Վերահսկել տրանսպորտային միջոցների տեղաշարժը, երթուղիները, կանգառները և աշխատանքային ժամերը։
• Հետևել տեխնիկայի և տրանսպորտային միջոցների նպատակային օգտագործմանը։
• Վերահսկել սահմանված երթուղիներից շեղումները և ոչ աշխատանքային ժամերին տեղաշարժերը։
• Վերահսկել վառելիքի լիցքավորման և ծախսի տվյալները՝ հայտնաբերելով հնարավոր անհամապատասխանությունները։
• Համեմատել GPS համակարգի տվյալները վարորդների և պատասխանատու անձանց ներկայացրած տեղեկությունների հետ։
• Պատրաստել ամենօրյա, շաբաթական և ամսական հաշվետվություններ տրանսպորտային միջոցների շահագործման վերաբերյալ։
• Վերլուծել մեքենաների և հատուկ տեխնիկայի աշխատանքային ժամերը, վազքը և պարապուրդի ժամանակը։
• Հայտնաբերել կասկածելի կամ ոչ ստանդարտ տեղաշարժերը և դրանց վերաբերյալ տեղեկացնել անմիջական ղեկավարին։
• Վերահսկել GPS սարքերի տեխնիկական աշխատանքը և խնդիրների դեպքում կազմակերպել դրանց վերականգնումը համապատասխան մասնագետների միջոցով։
• Թարմացնել տրանսպորտային միջոցների, վարորդների և GPS համակարգի տվյալների բազան։
• Համագործակցել ավտոպարկի պատասխանատուի, գլխավոր մեխանիկի, անվտանգության ծառայության և շինհրապարակների պատասխանատուների հետ։
• Մասնակցել ավտոպարկի շահագործման և վառելիքի ծախսերի օպտիմալացման գործընթացներին։

Պահանջներ

• Բարձրագույն կամ միջին մասնագիտական կրթություն՝ տեխնիկական, ՏՏ, լոգիստիկայի, տրանսպորտի կամ հարակից ոլորտում։
• GPS մոնիտորինգի, ավտոպարկի կառավարման կամ լոգիստիկայի ոլորտում աշխատանքային փորձը կդիտվի որպես առավելություն։
• GPS մոնիտորինգի ծրագրերի և համակարգերի հետ աշխատելու փորձ։
• MS Office, հատկապես Excel ծրագրի լավ իմացություն։
• Տվյալների վերլուծության և հաշվետվությունների կազմման կարողություն։
• Տեխնիկական խնդիրները հասկանալու և համապատասխան մասնագետին փոխանցելու կարողություն։

Հավելյալ նշումներ

• Աշխատանքային օրերը և ժամերը՝ երկուշաբթիից մինչև շաբաթ, ժամը 09։00-ից 18։00-ն։
• Հասցե` ք. Երևան, Շենգավիթ վարչական շրջան, Արտաշատի խճուղի 1-ին նրբանցք 6/2 (չհասած Նորագավիթ, Նաիրիտ գործարանի հարևանությամբ)։

Company օverview

Address

ք․ Երևան, Արտաշատի խճուղի, 1-ին նրբանցք, 6/2

Number of employees

501-1000

«Էկո Բիլդինգ» ընկերությունը հիմնադրվել է 2017 թվականին՝ նպատակ ունենալով բերել նոր որակ և մոտեցում հայկական շինարարական ոլորտ։

Հիմնադրումից ի վեր մենք իրականացնում ենք բազմապրոֆիլ շինարարական նախագծեր՝ համագործակցելով ինչպես մասնավոր, այնպես էլ պետական սեկտորի հետ։

2017-2019 թթ․ «Լիդիան Արմենիա» ընկերության հետ համատեղ իրականացրել ենք մեր առաջին նախագծերը, ինչպես նաև համագործակցել և աշխատել ենք այլ գործընկերների հետ:

2020թ. Վայոց Ձորում հաջողությամբ կառուցել ենք տարածաշրջանի ամենամեծ արևային էլեկտրակայաններից մեկը՝ 30 ՄՎտ հզորությամբ։

2020թ. Ի վեր սկսեցինք ընդլայնել մեր գործունեությունը՝ ներգրավվելով ավելի լայնածավալ շինարարական աշխատանքներում՝ շարունակաբար վստահություն ձեռք բերելով մեր գործընկերների շրջանում։

Այժմ կատարում ենք բազմաբնույթ և խոշոր մասշտաբի շինարարական, նաև ասֆալտապատման ծրագրեր`մասնավոր և պետական սեկտորների հետ։

Ներկայումս հանդիսանում ենք ՀՀ խոշոր շինարարական ընկերություններից մեկը:

«Էկո Բիլդինգ»-ը նորարար լուծումների, բարձր որակի և կայուն զարգացման մասին է։

See more