Պահեստի օպերատոր
ASEDL LLC
Deadline:
Նկարագրություն
"ԱՍԷԴԼ" ընկերությունը փնտրում է համակարգչային օպերատոր՝ պահեստային լոգիստիկայում աշխատելու համար:
Պարտականություններ
- Հավաքագրում է տեղեկատվություն պահեստային թվայնացման նախագծի մասով,
- Հավաքագրում է ապրանքատեսականու մասին տեղեկատվություն պահեստային անձնակազմից,
- Մուտքագրում է ստացված տվյալները Excel ծրագիր,
- Մշակում է տվյալները ծրագրում՝ ստեղծելով պահեստային խմբեր և կատեգորիաներ,
- 1C ծրագրից արտահանում է ապրանքների մասին ինֆորմացիան հաշվետվություն կազմելու համար,
- Ներկայացնում է հաշվետվություններ ABC և XYZ ֆորմատով,
- Ըստ անհրաժեշտության մասնակցում է պահեստային տնտեսության օպերատիվ գործունեությանը,
- Ըստ անհրաժեշտության իրականացնում է ծրագրային մուտքեր և ելքեր,
- Անմիջական ղեկավարի հանձնարարությամբ կատարում է պայմանագրով սահմանված աշխատանքային գործառույթների հետ անմիջականորեն կապված այլ գործառույթներ, որոնք համապատասխանում են իր մասնագիտությանը կամ պաշտոնին:
Պահանջներ
- Բարձրագույն կրթություն,
- Աշխատանքային փորձ (ցանկալի է),
- Համակարգված աշխատելու կարողություն,
- Թիմում աշխատելու կարողություն,
- Համակարգչային հմտությունները կդիտարկվի որպես առավելություն:
Հավելյալ նշումներ
Աշխատանքային գրաֆիկը՝ վեցօրյա:
«ԱՍԷԴԼ» ՍՊԸ-ն հիմնադրվել է 2004թ.-ին և մինչ այժմ զբաղվում է ալյումինե և մետաղապլաստե պրոֆիլների, ապակե կոնստրուկցիաների աքսեսուարների (բռնակներ, փականներ, ծխնիներ, ամրակային դետալներ և այլն), պատուհանագոգերի, ապակու և հաստոցների մանրածախ և մեծածախ վաճառքով: Տարիների ընթացքում հետևելով արտադրության և շինարարության ոլորտների զարգացման ժամանակակից միտումներին` ընկերությունը սկսում է ընդլայնել իր աշխատանքի ծավալները և զբաղվել բազմաոլորտ արտադրատեխնիկական գործունեությամբ: Այսօր ընկերությունը հանդիսանում է լուսաթափանց կոնստրուկցիաներ` դռներ, պատուհաններ, ապակյա փաթեթներ, ֆասադներ, ծածկեր, գմբեթներ, վիտրաժներ, ցուցափեղկեր, շարժական և անշարժ միջնորմներ, բազրիքներ, կահույք, լոգախցիկներ, արտադրող առաջատար կազմակերպություններից մեկը՝ ողջ ՀՀ տարածքում: 2006թ.-ից ընկերությունը զբաղվում է մետաղապլաստե և ալյումինե պատուհանների և դռների արտադրությամբ՝ օգտագործելով եվրոպական ապրանքանիշի հուսալի սարքավորումներ: 2007թվ.-ին հիմնադրում է մետաղապլաստե պրոֆիլների կորացման արտադրամասը, որտեղ մասնագետներն իրականացնում են ցանկացած բարդության կամարաձև կոնստրուկցիաների աշխատանքներ: 2008թվ.-ից ընդլայնելով իր արտադրական ոլորտը` մետաղապլաստե և ալյումինե կոնստուկցիաների տեսականին համալրվում է սլայդ մեխանիզմներով՝ դռներ, ֆասադներ, ֆոտոէլեմենտով դռներ, ալյումինե շերտավարագույրներ: 2008թվ.-ին հիմնադրվել է ՊՎՔ պրոֆիլների բազմագույն թաղանթներով լամինապատման արտադրամասը, որտեղ աշխատանքները կատարվում են նորագույն գերհզոր տեխնոլոգիաներով, հատուկ սոսինձներով և բարձրորակ լամինացիոն թաղանթներով: 2009թ.-ից «ԱՍԴԷԼ» ՍՊԸ-ն սկսում է զբաղվել ապակիների ներկրմամբ և վաճառքով, և մինչ նույն թվականի վերջ ավելացնում արտադրության ևս մեկ ուղղություն՝ ապակյա կոնստրուկցիաների արտադրություն: Ապակյա արտադրատեսականիների բարձր որակն ապահովելու համար ընկերությունը ստեղծել է արտադրական համալիր, որը հագեցած է թվային ծրագրավորմամբ ղեկավարվող հաստոցներով:
Spread the word! Share this job on social media
