Կարգաբերող
AM Group
Նկարագրություն
«Էյ Էմ Գրուպ» ընկերությունը փնտրում է Կարգաբերող, ով պատասխանատու է պատվիրատուների մոտ տեղադրումներից հետո կամ երաշխիքային սպասարկման մեջ գտնվող ապրանքատեսականու կարգավորման ընդհանուր աշխատանքների կազմակերպման համար։
Պարտականություններ
- Հաճախորդների կողմից ներկայացված հայտերի հիման վրա կարգաբերման աշխատանքների ընդունում վաճառքի բաժնից,
- Հաճախորդների հետ հետադարձ կապի հաստատում կարիքների բացահայտման և խնդիրների վերաբերյալ մանրակրկիտ տեղեկատվության ստացում նպատակով (կարգաբերումներ՝ կապված պատուհանների, դռների, սովորական փականի փոխարինման, ապակեփաթեթի փոխարինման, ինչպես նաև լոգասենյակների կաբինաների հետ),
- Պատուհանների ցանցերի չափագրման աշխատանքների իրականացում և տեղադրում,
- Առկա կոնստրուկցիաների փեղկերի չափագրման աշխատանքների իրականացում ու տեղադրում,
- Անհրաժեշտության դեպքում փոքր չափերի պատուհանների չափագրման աշխատանքների իրականացում,
- Փոքր կոնստրուկցիաների տեղափոխման աշխատանքների իրականացում՝ կարգաբերման նպատակով:
Պահանջներ
- Մեքենայի առկայությունը պարտադիր է/ Վառելիքի ծախսը հոգում է ընկերությունը,
- Ժամանակի արդյունավետ կառավարման ունակություն,
- Դռների և պատուհանների արտադրության բնագավառում աշխատանքային փորձը ցանկալի է:
«Էյ Էմ Գրուպ» ՍՊԸ իրականացնում է ալյումինե և մետաղապլաստե պատուհանների, դռների, ներքին և արտաքին ձևավոր, նկարազարդ և նախշազարդ վիտրաժների, ցուցափեղկերի, ապակե և մետաղական բազրիքների, ապակե լոգախցիկների պատրաստում և տեղադրում, ինչպես նաև շենքերի, շինությունների, առանձին օբյեկտների արտաքին ձևավորում՝ ալյուկոբոնդե պանելներով։ Ընկերության կողմից մատուցվող ծառայությունների շրջանակը լայն է և ընդգրկուն։ Յուրաքանչյուր հաճախորդի ցուցաբերվում է անհատական մոտեցում, իսկ շինարարական կազմակերպությունների հետ համագործակցությունը դրված է բարձր պատասխանատվության, վստահության, մատուցված ծառայությունների բարձր որակի և անթերի իրականացման հիմքերի վրա։ Ընկերության առաքելությունն է. ստեղծել հնարավորություն անհատ հաճախորդների և կազմակերպությունների համար իրականացնել անհատական բնակելի տների, բնակարանների, հասարակական և արտադրական նշանակության օբյեկտների ջերմամեկուսացումը և ձայնամեկուսացումը բարձրորակ դռներով և պատուհաններով, ինչպես նաև վերջիններիս արտաքին ձևավորումը յուրօրինակ դիզայնով և նյութերով։ Ընկերության նպատակն է. մատուցել որակյալ, անթերի արտադրանք և ծառայություն հաճախորդներին՝ ստացված արդյունքներով ապահովելով կազմակերպության հետագա աճը, կատարելագործումը և մատուցվող ծառայությունների շրջանակի ընդլայնումը։
Spread the word! Share this job on social media
